شاركنا حياتك..! مواقفك، نجاحك، فشلك،

عرس ولد عمي

ولد 🍃.
-
سلام 🌝💔،نخش فالعميق مره سلمكم الله كان زواج ولد عمي وطبعاً انا وياه قريبين لبعض كثير فخدمته فعرسه عشان يردها لي يوم عرسي ☹،وجلست افرفر فيه من سوق لسوق كني سواق له،ترا معه سياره بس هو قالي تعال معي عشان اهديه للصواب اذا انحرف عن المله،المهم جاء يوم العرس قمت من فجر الله اودي ثوبي للمغسله والغتره،وجت على ١٠ كذا وديت اخواتي فالله للمشغل،ورحت للمعرس سولفنا شوي ورجعت خذيتهم من المشغل للبيت ووديت امي لبيت عمي،ورحت للمغسله خذيت اغراضي ورجعت البيت على ٥الا عشر قلت خلاص يمديني انام لين ياذن المغرب واروح لهم طبعاً كنت اتمشى بالشحاطه حق البيت لونها ازرق فاقع مغبره فيها ريش دجاجه كنت الحقها🌝💔،ونمت فالصاله
قلت عشان م اتعمق فالنوم واصحى،وشوي اقوم مفجوع واناظر الساعه الا وهي سبعه ونص😳💔، واركض يذيبان لبست مستعجل وادعسس زي الطاره واطلق العنان يللد واوصل للاستراحه اتبوسم وعيوني كبرت وفيها لمعه من الكشخه🌝، ودخلت وكذا بصوت عالي سسسللاااام علييييكم،واكمل طريقي الي يضحك لي والي ياشر علي قلت م عليه يمكنهم مشبهين علي الثقه بتقضي علي وقتها😌✋، واشوف عيال عمي واروح لهم واشوف اخوي يجي لمنا ويسرع فالمشي مسكني على جنب احسبه بيقول لي اقهوي قلت قسم ماسوي شي ترا من اليوم اكرف وقاعد اشتكي له ☹💔💔، عطاني فلوس قال اذلف خذ لك نعول زي وجهك فضحتنا واطالع واثاريني رايح لهم بالشحاطه المزرقه قسم بالله احسني منبوذ فالعايله كل م اقعد جمب واحد يروح عني،وتوته توته خلصت الحتوته 🌞.