Paikot-ikot, Patingin-tingin [isang Tulaserye]

TULA 27: Pinigil-pigilan, Pinayag-payagan

Inihanda ko

ang aking sarili

sa pag-alis

patungo sa ibang bansa

Doon na ako

magtatrabaho

upang mamuhay

ng panibago

Nang bumaba ako

mula sa aking kuwarto

nakita ko siya

sa sala

Nag-aabang

Naghihintay

"Ano'ng ginagawa mo rito?"

"Sinabi namin

sa mga magulang niya

na aalis ka."

Kunot-noong

napatingin ako

sa nagsalitang si Mama

Itatanong ko na sana

kung ano

ang ibig niyang sabihin

nang may nagsalita

At dito ako napabaling

"Kinausap namin

ang mga magulang mo,"

wika ng kanyang ina.

"Patawarin mo sana

ang aming anak,"

anang kanyang ama.

"Nais namin siyang

maging masaya.

At batid namin,

sa iyong piling

lamang siya liligaya."

"Mabuti pa siguro,

iwan muna namin kayo,"

mungkahi ni Papa.

"Huwag ka nang umalis.

Please,"

pakiusap niya

nang kaming dalawa

na lamang ang natira

sa sala.

"Bakit ako

makikinig sa iyo?

Sino ka ba

para pigilan ako?"

"Dahil alam ko,

mahal mo pa rin ako.

Ako ito,

ang babaeng nagmamahal

pa rin sa iyo."

"Nagkakamali ka.

Hindi na kita