Caught In His Arms (Published Under Pop Fiction)

Mission 49

Mission 49

Kaysa magmukmok sa bahay ni Kuya Nik mas pinili ko na lang rin na pumasok dahil marami pa rin naman akong dapat gawin sa school festival namin.

I can't leave Lina selling candies alone, dapat nga naman may kasama ang dentist na toothfairy. Nasa stall kami ngayon at wala man lang nagkakamaling bumili sa amin. Ang saklap naman, samantalang ang stall na katapat namin ay dinudumog pa rin.

How I hate hotdog on stick.

"Florence, ngumiti ka naman. Wala nang nabili sa atin dahil dyan sa hitsura mo" ramdam ko ang pag irap sa akin ni Lina kahit hindi ako nakatingin sa kanya. Pasalamat siya dahil wala ako sa mood makipag irapan sa kanya.

"Why? Do I look terrible Lina? Am I that ugly already?" walang buhay na tanong ko sa kanya. Sobrang panget ko na ba?

"Malapit na" simpleng sagot niya. Napangiwi naman ako, malapit na daw.

"Bakit nalipat ang stall nila sa harapan natin?" wala na namang buhay na tanong ko. Kung maaari ay ayaw ko nang makakita ng Ferell. Bakit tumapat pa sila sa stall namin? Nananadya ba ang mga Shokoy na yan?

"Hindi ko alam" sagot sa akin ni Lina. Wala namang kwentang kausap ang babaeng ito. Kayamot. Dahil kaharap namin sila sa ayaw at sa gusto ko ay makikita ko ang mga Ferell.

Ang duty ngayon ay sina Tristan at Troy. Sa pagkakatanda ko ang magkasama ay si Nero at Troy. Nasaan na ang hari ng mga Shokoy? Damn.

The hell I care? Panay ang kindat ni Tristan kay Lina. Samantalang ako ay napapaismid na lang.

"Alam mo Florence, konting tampuhan lang ang sa inyo ni Nero. Part yan ng relationship. Bakit hindi mo pakinggan ang explanation ni Nero?" biglaang sabi sa akin ni Lina. Bakit nagbukas na naman siya ng usapang Shokoy?

"Why would I? Kitang kita na ng dalwa kong mata. He's with that woman and she's staying in their mansion! And love? She called Nero Love! At mukhang hinahatid sundo pa siya ni Nero. How sweet of him" kung pwede lang paulanan ng apoy ang stall ng mga Shokoy na yan kanina ko pang nagawa. Surot sa mata.

"But still! You didn't listen. What if relative naman pala or long lost sister? Or twin niya? O kaya nagpapanggap lang para magselos ka? Or maybe cousin? O kaya kasosyo lang sa business gaya ng mga usual conflict pag may biglang susulpot na babae. Ano ka ba naman Florence? Learn to listen. Sabi ni Tristan hindi na daw lumabas sa kwarto niya si Nero simula ng nag usap kayo" mahabang sagot sa akin ni Lina na hindi man lang ako nakumbinsi.

"May sinabi ang babaeng 'yon bago siya umalis. 'Girlfriend pa lang naman. Naaagaw'" napa O si Lina sa sinabi ko. Sige baka may masabi ka pa. Mukhang kinakampihan nito ang mga Shokoy ahh, sino bang kaibigan niya?

"Kaagaw nga yan" mabilis na sagot niya sa akin. Right!

"Sa kanya na" maiksing sagot ko.

"Sigurado ka?" malisyosang tanong sa akin ni Lina. Bago pa ako may masabing mali, hindi ko na lang sinagot ang tanong niya. Hindi ko narinig.