Tagong Damdamin
by: lovimiamarie
Mahirap maarok ang damdaming nakatago para bang isang milyang dipa ang layo
Sa bawat kataga na bibigkasin kung kaharap ka'y parang bula na biglang maglalaho
Sa mga tingin ko na nangungusap, sana ay sambitin ang damdaming nais ipagtagpo
Hirap mang aminin sa ngayon ang nilalaman ng puso, pilit nagsusumigaw kahit malayo
Ang mga ngiting walang kasing tamis na rumerehistro sa aking maaliwalas na mukha
Tanging sa malapantasyang panaginip lamang maaaring matamo ang ginhawa
Ang bawat halik na inaasam asam ng labi kong walang sawang naghihintay
Tanging dampi lang ng malamig na simoy ng hangin ang patuloy na nalalasap
Hanggang kailan ko maitatago ang bugso ng damdaming para sa iyo lamang ?
Hanggang kailan mo ipagkakait ang inaasam asam ng pusong nagngungulila ?
Damdamin ko para sa iyo ay busilak kasing puti ng malalambot na ulap
Natatanging ikaw lamang ang nilalaman ng pusong laging ikaw lang ang hanap !
BINABASA MO ANG
MUNDO NG AKING TULA
PoetryAng nilalaman nito ay mga tulang aking isinulat sa wikang tagalog. Ito ay naglalalaman ng aking saloobin sa mga bagay - bagay o sa pangyayari na naganap sa akin o sa mga nakita ko sa aking paligid na nagbigay ng inspirasyon para mabuo ang MUNDO NG A...
