بنت مختلفة

معقول

*حسن*
دانيا مكانتش راضية تفوق .. بعد معاناة اخيرا فاقت
اول ما فتحت عينيها محستش بنفسي الا وانا واخدها فحضني .. كنت حاضنها جامد .. هي مكانتش قادرة تتحرك او تتكلم وانا مكنتش قادر اسيبها
فضلت حاضنها شوية و بعدين سيبتها .. اكلناها و بعدين سبناها ترتاح شوية وانا طول ماهي نايمة رايح جاي ابص عليها زي مايكون ضايع مني حاجة .. كنت خايف عليها قوي اما وقعت قدامي فجأة .. الحمد لله انها فاقت و اكلت ..
بعد خمس ساعات تقريبا صحيت .. جدتها راحت و قعدت معاها شوية بعدين ندهتلي فروحتلهم
انا :نعم يا نانا انا جيت اهو (بقيت احب اقولها نانا زي ما دانيا بتقولها)
جدة دانيا : عشان تكون شاهد دانيا وعدتني انها مش هتعمل فنفسها ولا فينا كده تاني
دانيا ابتسمت ابتسامة رقيقة
انا : من غير ما توعد احنا مش هنديها الفرصة لكده تاني ..
جدة دانيا بصتلي وكأنها بتقولي انها معرفتش تاخد منها اي معلومه عن سبب كل ده
انا : طيب خلاص قومي ارتاحي انتي يا نانا انا هاخد بالي منها
جدة دانيا : ماشي يا حبيبي لو احتجتوا حاجة انا قاعدة برة
انا : ربنا يخليكي يا حبيبتي ارتاحي انتي
خرجت من الاوضة وسابتنا انا و دانيا
انا : عاملة ايه دلوقتي ؟
دانيا : كويسة الحمد لله
انا : كده تقلقيني عليكي
ابتسمت ابتسامتها الجميلة
انا : ليه عملتي فنفسك كده ؟
دانيا : ابدا انا بس مكنش ليا نفس اكل
انا : ايه اللي كان مضايقك ؟
دانيا : مكنش في حاجة مضايقاني
انا : انا اعرف اذا كنتي مضايقة او لأ من عيونك .. و عيونك بتقول انك مضايقة
دانيا : بصراحة ؟
انا : بصراحة ..
دانيا : من كاام يوم مريم جاتلي و زعقتلي جامد عشان مقربش منك عشان هي عايزاك ليها و مش عايزاني اكون معاك و قالتلي انها بتضايق اما تشوفك باصصلي . .فانا قفلت ع نفسي الباب عشان انت متبصليش
انا : طيب و مكنتيش بتاكلي ليه ؟
دانيا : عشان كنت مضايقة اني مش بشوفك
اتصدمت بعد الكلمة دي .. لكن مترددتش و اخدتها فحضني للمرة التانية و هي كمان حضنتني جامد و انا همست فودنها "بحبك"
راحت خارجة من حضني و باصتلي و قالتلي : قولت ايه ؟
انا : قولت اني بحبك .. معرفش ازاي بالسرعة دي ولا ليه انتي بالتحديد بس انا-
حطت ايدها ع بقي تسكتني
دانيا : و انا كمان بحبك
روحت حاضنها لتالت مرة
بعدين اما خرجت من حضني
انا : مريم مبتحبنيش .. مريم بتحب نفسها .. عايزاني عشان مركز و فلوس و هي مش غيرانة منك هي خايفة تخطفيني منها مع اني عمري ماكنت ولا هكون ليها .. و مش مهم هي تقول ايه المهم انا اللي فقلبي مين
دانيا ابتسمت
*دانيا*
اظن اني عرفت اجابة السؤال اللي كنت بسأله لنفسي .. معرفتش اني بحبه الا اما قالي انه بيحبني . .ادركت وقتها ان اللي انا فيه هو ده الحب اللي جدتي بتحكيله عنه من زمان
منكرش ابدا انها غريبة لكن انا انسانة و فطرتي بتخليني احب و واحدة زيي عمرها ماقبلت بني ادم غير جدتها اكيد هتنبهر بشخصية زي حسن خاصة ان شخصيته قريبة من شخصيات الفرسان اللي كانوا بياخدوا اميراتهم ع ضهر الحصان الابيض اللي جدتي كانت بتحكيلي عنهم و انا صغيرة .. انا اكتشفت ان الحب اجمل حاجة في الدنيا و اول حاجة اتبنت عليها ..
مر اسبوع كمان . .فاضل اسبوع ع سفر حسن و احمد و مريم .. معرفش هعمل ايه لما يمشوا .. معرفش احساسي هيكون ايه لو حسن مشي و هلاقي صاحب تاني فين لو احمد مشي.. يا رب صبرني ..
المستكشفين التلاتة كانوا قاعدين حوالين خشبة صغيرة في ضهر البيت وانا خرجت اشم شوية هوا .. مشيت شوية في المزرعة و كدة بعدين جيت جنب البيت كده و سمعتهم و هما بيتكلموا
حسن : طيب افتح اللاب توب شوف لو النت يوصل هنا
احمد : اه واصل
حسن : طيب تمام .. قالوا ايه ؟؟
مريم : يا رب يكونوا قالوا اننا نمشي من هنا بدل القرف اللي احنا في هنا
حسن :.احنا مش في قرف .. انتي بس اللي مضايقة نفسك و قرفانة معاكي
مريم : انا ؟؟
حسن : بس بس !
احمد : بص يا فندم . .قالولنا بما ان الجزيرة مافيهاش اي مواد متميزة تستخرج فنتأكد ان مفيهاش سكان و هما هيدونا ٣ مليون دولار و هيجوا هنا ينسفوا كل الارض دي و يبنوا عليها مصنع كبير عشان خاطر يكون بعيد عن السكان
مريم : ايوة قولهم ان مفيش سكان و دانيا و جدتها دول نتصرف فيهم . .دول ٣ مليون دولار !!
بمجرد ما سمعت الكلمة دي جريت ع البيت و قفلت الباب الشبك بتاعنا .. حسن جري ورايا و كان واقف بره وانا جوه
حسن : انا شايف ضلك من الاول و كنت حاسس بوجودك .. متخافيش هنقولهم انها مأهولة و انها حجمها صغير و محدش هيعرف يستغلها صح زي اهلها
انا : مش قادرة اصدق انك هتعمل كدة
حسن : انا وعدتك ان الجزيرة مش هيحصلها حاجة و اديني اهو بوعدك ان محدش هياخدها منكوا
انا : بجد ؟
حسن : بجد
حسن فتح الباب براحة و دخل و دخل وراه احمد و مريم
حسن : متخافيش مش هيحصل حاجة طول مانا معاكي
انا : بس انت ماشي كمان اسبوع ساعتها ممكن يحصل كل حاجة
حسن : لأ .. مش همشي
انا و جدتي و مريم : ايه ؟
حسن : دانيا .. تتجوزيني ؟؟
صدمة غير متوقعة !!!