Kaliwa't kanang murahan,
Kaliwa't kanang sagupaan;
Kaliwa't kanang kaguluhan,
Kapayapaan kailan makakamtan?
Kung anu-anong kalokohan,
Kanya-kanyang trayduran,
Walang habas na kasakiman.
Pagkakapantay-pantay nasaan?
Kailan natin pag-iisipan,
Kailan magkakaunawaan,
Kailan itatama ang kabuktutan,
Kapag ba milyon na ang pinaglalamayan?
Sana nama'y atin nang tigilan,
Itigil na ang hidwaan.
Sa halip ihasik ang pag-iibigan
Ang pagkakaibigan ay simulan.
'Wag sana nating hayaan
Mga isisilang pa'y ito ang kamulatan
Pare-pareho lang tayong mahihirapan
Kung pagpapakumbaba'y hindi matututunan.
Nais ko pang masaksihan,
Bawat isang pagbabayanihan.
Maranasan ang kapayapaan,
Dito sa mundong ginagalawan.
Nais ko pang matunghayan,
Mga ngiting bukal sa kalooban;
Pati mga Puti't Kayumangging nagtatawanan,
Bago ako humantong sa'king himlayan.
Hindi tayo nilikha para magpatayan,
Hindi tayo ginawa para mag-angilan
Kaya ipalaganap natin ang pagmamahalan.
Ako ba'y inyong sasang-ayunan?
-Sheila Noreen
BINABASA MO ANG
Kapayapaan? (poem)
Poetry"Heal the world Make it a better place For you and for me And the entire human race There are people dying If you care enough for the living Make it a better place For you and for me" Nainspire ako ni Idol MJ (Michael Jackson) kaya nasulat ko ito. H...
