Lahat ay nag-umpisa sa isang 'text clan'
Tayo ay kaagad na hindi nagkaunawaan
Sa aking dibdib,poot dagliang naramdaman
Ang aking pasensya ay iyo talagang sinubukan.
Ika'y aking inaway ng lubusan,
Mga binitawang salita sa puso mo'y tagusan
Sa galit na naramdaman,emosyo'y di napigilan,
Simula noon,tayo'y 'di na nakapagkwentuhan.
'Nang araw na iyon,ikaw ang taong kinamumuhian ko
Sa tindi ng galit parang makakapatay ng tao.
'Di akalaing ika'y makakagalit ko,
Dahil sa mga salita mo ako'y naburyo.
Ilang araw ang lumipas aking napagtanto,
Malaking kasalanan ang nagawa ko,
Isang kalapastanganan ang mang-away ng tao
At eksaktong iyon ang pinakita sayo.
Ako'y nagpasyang humingi ng tawad,
Kapatawaran mula sayo ang tanging hangad.
Ito'y di naman pinagkait at binigay kaagad,
Bagong pagkakaibigan ang sa ati'y bumungad.
Oras-oras ating pagkukwentuhan,
Napapadalas na rin ating pagkukulitan.
Unti-unting nahuhulog ang loob ng di namamalayan,
Pag-ibig na nga siguro itong nararamdaman.
Minsan isang araw ako ay nabigla,
'Nang mabasa mensaheng iyong pinadala
'Di sukat akalaing ako'y iniibig mo din pala
Labis na kasiyahan ang nadama.
Sa araw 'ding yon nagsimula ating pag-iibigan,
At nagsimulang mangako ng walang iwanan.
Nagplano na rin para sa kasalukuyan
At magmamahalan ng walang hangganan.
Laking pasasalamat na ika'y nakilala,
Direksyon ng buhay ko'y iyong iniba.
Buong mundo ko'y kay saya,
Nag-uumapaw na tuwa'y di kayang ikaila.
Tunay kang minamahal,walang iba.
Dito sa buhay ko'y walang kapareha
Hindi kakayanin 'pag ika'y nawala
Sa puso't isip ko ikaw ay nag-iisa.
Sana ikaw ay hindi magbago,
'Wag sanang saktan itong puso ko
Mapanindigan sana lahat ng pangako mo
Dahil ikaw ang buhay ko..
-Sheila Noreen
BINABASA MO ANG
Ikaw ang buhay ko.. (short-story poem)
Poetry"The more you hate,the more you love..." Isang "Maiksing Istoryang patula" again :) Happy reading :)