روايات عمر زوربا

ابو مايكل وام مايكل

يا عمي القصة وما فيها ، في شب عمرو ١٦ مسمي حالو ( ابو مايكل ) ، بحب ام مايكل ، قصة مايكل انهم اتفقو بس يتجوزو يسمو ابنهم مايكل !!

ام مايكل بعيد الحب شافت ابو مايكل ، جابلها وردة وكرت مكتوب عليه ( بحبك موت بأعلى الصوت ) !!
ما قدر يجيبلها اشي اغلى لانو بعدو بصف اول ثانوي ، بس وعدها بس يتخرج وهيك يجيبلها دبدوب من الكبير الناصح!!

اخو ام مايكل صارلو ٦ سنين بلعب حديد ، شاف ام مايكل مروحه بالوردة ، ما هان عليه !!
نزل فيها روس و بوكسات ،، امها فزعتلها واقتنع انو الوردة من صاحبتها!!

ام مايكل ماسكة موبايلها وبتبعت لابو مايكل :
ام مايكل : حبيبي انا تحملت الضرب مشانك !
ابو مايكل : ضربك كتير يا روحي؟!
ام مايكل : عادي بتحمل ، بس في بوكس اكلتو لزقني بالمراي ، حاسه عيني اليسار فيها اشي! بس المهم هيني شايفه الموبايل وبحكي معك!!

بهاد الوقت اجا اخو ام مايكل و اخد الموبايل منها و سلخها راس اغمى عليها!!
تفرج عالموبايل مفتوح واتس اب !
ابو مايكل : بتعرفي لو امسكو لاخوكي والله لامسح فيه سقف الحيط، تعالي اسألي عني بالمدرسة شو عملت بأستاذ الرياضه! اصلا انا زعيم الصف!!

اخو ام مايكل فار دمو ، بس فكر منيح وقال انا بدي استدرجو عندي!
بعتلو : حبيبي معلش سامحو لاخوي بضل اخوي !
ابو مايكل : خلص حبيبتي سامحتو مشانك بس مش رح انسالو ياها ، بعدين بربيه!
اخو ام مايكل : حبيبي شو رأيك اشوفك هلا ، نفسيتي تعبانه!
ابو مايكل : ماشي حبيبتي انا جاهز ، انا اصلا لازم احتويكي بهيك وضع!
اخو ام مايكل : وين الاقيك حبيبي؟
ابو مايكل : كمان نص ساعه عند الباركينج تبع مكة مول ، الباب الفوقاني!
اخو ام مايكل : اوك حبيبي ، بس اوصل برنلك !

المهم يا جماعة بحب اطمنكو على صحة ابو مايكل ، هوه تمام مبدئيا والدكتور المناوب طمنا عليه ، كنا بحاجة دم بس دبرناها ، واخدنالو اجازة من المدرسة شهرين مبدئيا !
ام مايكل الحزينة صارلها اسبوع بطلعوش معها الاحرف منيح ، حرف الإس ضاع ، وفي رجفه خفيفه كتير بإيدها و كتفها ، و عرجة كتير بسيطة!!

سلامات يا حلوين
#حوانين