نزيف الروح

خيبه الامل

بدء ايمن يتصل كل يوم بملاك على انه مازن وملاك بدت تتعلق به
بالكليه
ملاك : لج علياء مدا اتحمل هذا الولد خبلني من يدك تلفوني احس راح تصير بيه سكته قلبيه كلبي يكوم يدك سريع هاي ليش هشكل
علياء : هذا كلبج ملطلط مشايف ولد
ملاك : انجبي شنو مشايف ولد
علياء : العفو صديقتي انتي ملطلطه مشايفه ولد هو الولد مامعبرج حاسبج مثل اخته وصديقته

ايمن في الشركه مع صديقه سلار
طبعا سلار موظف مثل ايمن
ايمن: لك سلار شسوي تعبت تعلقت بالبنيه واني لحد هسه ماشايفها
سلار : هههه لك انت شكد زمال اكو واحد يحب وحده من الصوت شبيك ماتروح تشوفها
ايمن : يمعود ماكدر حسبالها اني مازن وهي تعرف مازن وشايفته
سلار : هاي صدك تحجي بابا جان كتلها اني مو مازن
ايمن : ماكدرت وبعد صارت هسه اريد اطلع من هاي السالفه شلون

فد يوم من الايام ايمن وملاك وهمه يحجون بالتلفون
ايمن : نور تدرين بيه اني مزوج
ملاك: صدك مازن .....خرب حظي طلع مزوج
دمعت عيوني وبديت ابجي بس مخليته يحس
ايمن : هاااا نور وينج الووو يمعوده
ملاك: ها مازن وياك اني
ايمن حسيت بنور (ملاك) كامت تبجي عرفت انو هي معجبه بيه مثل مااني معجب بيها .....اووووف نسيت هي معجبه بمازن مو بيه
ملاك: مازن اني نعسانه راح انام ورايه دوام الصبح
بقيت للصبح ابجي لان عرفت هو مزوج ومن المستحيل يحبني او يصير شي بينه حقيقي

ملاك : لازم احاول انساه واعوفه
دك التلفون المتصل مازن اوووووف ياربي كلبي شلون اتحكم بي خل اجاوب ماكدر
ايمن : هلو ملاكي شلونج نمتي البارحه زين
ملاك: اااي نمت زين بس شنو ملاكي.... هاي شنو بس لا عرف اسمي
ايمن : مايصير واحد يدلعج راح اطلعين للكليه
ملاك : يصير ليش مايصير .. اي راح اطلع
ايمن: ديربالج على نفسج وانتبهي على المحاضرات ولاتحجين ويه احد بالسيارة خوووش
ملاك: هههههه اي ماشي....هاي شنو دا احس نبرة غيرة

وصلت للكليه رحت كعدت اني وعلياء ورى المحاضرات بالنادي
علياء: شبيج اليوم اشو ولا منتبها للمحاضرات صاير شي بينكم انتي ومازن
ملاك: ااااخ علياء ولج مازن طلع مزوج
علياء : شلوووون ولج عززززه بعينج ياااعوبه هيج توكعين وكعه وشراح تسوين
ملاك: مادري
علياء: شنو ماتدرين لازم تعوفينه
ملاك : اووووف علياء سدي الموضوع هو شكو بينه حتى ينتهي

ايمن ومازن التقو الكهوة
مازن : هلووو ايمن مشتاقلك وين الغيبه
ايمن: اني هم مشتاقلك تدري بشركات النفط ماتنزل موظفيها هوايه والبصرة بعيده
مازن : الله يساعدك اي شخبارك انت ونور
ايمن: والله ياخويه السالفه ماليوصه لوص
مازن : ليش ياستار
ايمن : لحد الان ماتعرف اني ايمن وكل ظنها تحجي وياك
مازن : لا بربك اي وشنو بعد
ايمن : النوب كتلها اني مزوج على اساس اجيت اكحلها عميتها
مازن : ههههههههههههه لك هاي انت شمسوي
ايمن: يمعود دبرها ويايه لحد هسه اريد اشوفها ومدا اكدر
مازن : يمعود اذا على الشوفه بسيطه خابرها اسئلها ساعه بيش تطلع ووين توكف واروح اني وياك اشوفك اياها
ايمن : اي والله تسوي فضل عليه
مازن : حتى تكول موخوش صاحب عندي

ايمن اتصل بملاك
ايمن: هلو نور شلونج
ملاك : هلو مازن الحمد لله
ايمن : نور بيش ساعه تطلعين للدوام
ملاك: ب7 الصبح ليش مازن اكو شي
ايمن : لا عيوني انتي ماكو شي بس حبيت اسئل
ملاك: اكلك عود ليش مانطلع سوة للكليه احنه ونرجع سوة شكو بيها
ايمن : هاااا شنو .... لايمعودة اخاف عليج لاحد يشوفج
ملاك: هاا اااي هم صحيح ... اوووف هذا شبي مشتاقتله
يله بااي هسه عندي شغل

ايمن : الو مازن اكلك نور تطلع ب7 الصبح للدوام
مازن : اوكي احنه قبل السبعه على الشارع واكفين يله باي

ساعه 7 الا ربع واكف ايمن ومازن
صارت ب 7
ايمن : هاي وينها ماجت
مازن : لا بعدهي
ورى نص ساعه
مازن هايه نور اجت
ايمن: وينها ...وينها
مازن : لك هذيج شبيك
ايمن : لك صدك هايه تخبل صوت وصورة تسلم تعبتك ويايه
مازن: ااي صدك تعبتني وكعت رجليه من الوكفه وراح اتاخر على المحاضرة

ايمن: الوو نور انتي وين
ملاك: بالطريق رايحه للكليه
ايمن : شعجب متاخرة اليوم
ملاك : موكعدت متاخرة
ايمن: اهاااا اوكي عمري ديربالج من الطريق
ملاك : ان شالله ...... هذا شبي عيوني وملاكي وعمري لعد شبيك ياحظي ماتعرف تكلي احبج

بالكليه
ملاك: الوو علياء وينج اشو ماكو
علياء: بالبيت والله مالي خلك اداوم
ملاك : ادري ليش ماكلتي ماجي حتى اني هم مااجي احنه اثنينه متفقات هشكل اوووف يعني راح ابقى وحدي

ملاك وعلياء جايات استضافه بابن الهيثم من جامعه ديالى ومايعرفون احد
بالكليه ودائما يكعدن وحدهن

ملاك : هسه اني وين اروح اوووف ضوجه خل اكعد بالنادي واكعد اقره شويه
بشير : مرحبا ممكن اخذ الكرسي اليمج
ملاك : اي تفضل.... جاوبت وهي مدنكه
بشير : شوف هاي البنيه كاعده وحدها حجيت وياها حتى راسها ماشالته مو مثل باقي البنات شكد مؤدبه
سالم : لك هاي شبيك هنه كلهن نفس الشي هسه بس تروح تحجي وياها تنطيك مجال
بشير : راح اروحلها احجي وياها
من رخصتج كعد بشير يم ملاك على الميز
ملاك: رفعت راسها باوعت عليه بعد هاي يارخصه انت اصلا كعدت
بشير : مايصير اكعد مكان عام والنادي مليان وانتي مكانج فارغ ...... خرب يومها على هالعيون تذبح
ملاك : لاعادي ولا يهمك بابتسامه .... لمت اغراضها ملاك وكامت وطلعت من الكافتريا
بشير : هاي وين ليش كمتي
ملاك ماجاوبته هذا شبي شنو هذا الطيحان الحظ.. خل اخابر مازن
ملاك: الوو مازن شلونك
ايمن : هلو نوارتي شتاقيتلج
ملاك : ضايجه راح اجي امر عليك للكليه
ايمن : هاااا لا لا نور ماكدر لاتجين
ملاك : هاي شبيك يله اوكي لعد راح اروح عندي محاضرة وبالليل نتخابر
ايمن : اوكي نور واني عندي موضوع وياج بالليل
ملاك: شنو الموضوع
ايمن : كتلج بالليل شبيج مستعجلة
ملاك: اوكي باي
ايمن: باي