"ايفلين انا.. انا اسف ايفلين" نايل يقولها وفيه ضحكه.
ايفلين ماردت عليه ولا معبرته كانت معصبه ومتضايقه وودها نايل مايكلمها بس كالعاده.. تبي تكلمه بس داخل الشقه! ودخلت..
"انت شخص اناني ماتحب الا نفسك شلون قلت لأمي مابي عيال" ايفلين تتكلم بسرعه وبعصبيه! قعدت على الكرسي.
"انا ماقلت ماتبي عيال! قلت تبي وقت على ماتفكر" نايل يقولها واهو واقف وراها.
"لاا احللللففف نفس المعنى انا مادري شلون راح اكلم امي بعد هالموقف وبعدين لحظه انت ماتحس؟ ماتفكر؟" ايفلين.
نايل واقف وراها ويسوي حركات سخيفه ويرقص.
ايفلين حست فيه وخزته عاد نايل سكت "بسألج سؤ.." نايل ماكمل كلامه
"يلا اسأل" ايفلين قاطعته.
نايل انصدم -ساحرره؟- يقولها بعقله.
"الحين انتي تبين عيال ولا لا كل ما افتح الموضوع تسكرينه" نايل معصب ويبي اجابه.
"ياااليتني اصير نفسك ما اهتم وبارد واخذ صوتك الايرلندي الهادىء انا ابي فيلا ابي اعيش مثل الناس مو بهالشقه الفقيره" ايفلين.
شقتهم كانت مو فقيره بالعكس كانت على قدهم ومرتبه بس ايفلين تشوف الي معاها بالشغل وتغار.. تطمح الى شي كبييير.
عندهم ممر طويل اول الممر فيه غرفه واخر الممر فيه غرفه. نايل وايفلين من العصبيه كل واحد فيهم دخلوا الغرف مامرت 5 دقايق ايفلين فتحت الباب وطلعت وهم نايل فتح الباب وطلع.
ايفلين تركض ونايل رايح اتجاها حضنوا بعد "انا اسفه نايل ماكنت اقصد مفروض ما اكبر السالفه سامحني انا احب.." وقف كلامها نايل بقبله طويله.
نايل وايفلين كل مايتهاوشون ويصير بينهم كلام حاد يتحسفون بعد هالكلام حبهم كان قوي، قوي حيل! مايقدر احد يفرقهم ام ايفلين ماتحب نايل وكله تنتقد نايل وتقول عيوبه بس ايفلين ماكانت تهتم! ماكانت تشوف هالعيوب بنايل كانت تشوفه خالي من العيوب وكل يوم عن يوم يزيد حبه لها كانت تعشقه.
"نااايل نايل اففف هذا وينه نايل يلا ابي انام"ايفلين تصارخ وتناديه ونايل مايرد عليها.
فجأه!!! من ورا الباب طلع نايل لابس بوكسر بس وحاط حزام على رقبته ويرقص على اغنية مايكل جاكسون- beat it يسوي حركات مو مفهومه ويقلد البنات لما يرقصون ايفلين تضحك بحاله هستيريه "شرايج فيني اعرف ارقص صح"نايل. ماسك الحزام ويسوي حركة الكاو بوي اندمج بالحركه وطق نفسه بالحزام وطاح بالارض.
"ناايل تعورت؟ نايل ليش ساكت؟؟" ايفلين تسأل واهي خايفه. "بوووووو" نايل طلع من تحت.
ايفلين تصارخ "ترا مايضحك سخيف"
