LOVE BUS

Love at first bus ride. Or, Love at first text.

This was originally posted at scribd.com/fakekrisaquino and my "secret" website fakekrisaquino.com (which is inactive already) on July 28, 2010.

********

Tawga lang ko sa ngalan nga Amy, taga-Bohol ko pero naa ko ron sa Cebu. After college, nilangyaw nako sa Cebu haron diri motrabaho. Usa ko account executive sa usa ka dako nga computer supplier diri sa Cebu. Ug diri na sad ko sa Cebu nahigugma, na-heart broken, ug na- inlove na sad.

My love story started when my relationship with another guy ended. After 6 months of staying in Cebu, nakauyab ko og taga-South sa Cebu, taga-Santander. Pero after 8 months sa among relasyon, nikalit lang sya og kawala. Ug sa akong kabalaka, ako jud syang giadto sa ila sa Santader bisan di kaayo ko suheto. Sa tood man, nakit-an nako siya nga maayo ra pero naa nay kuyog nga mabdos nga babaye. Ka wa'y batasan, naa diay sya'y uyab nga binilin didto sa ilang probinsya.

Tungod kay mabdos man ang babaye, wa na jud ko'y mabuhat kon di mohilak na lang ug magpalayo. Nagpasalamat na lang sad ko sa Ginoo nga dili ako ang namabdos.

Pagkahibawo nako, niderecho nako'g sakay og bus pabalik Cebu City. Ug didto na lang sa bus, nihilak ko og hilom. Di nako mapugngan, mag sige lang jud og tulo akong mga luha nga makahinumdum sa among malipayong panahon.

Sa akong pagdrama sa bus, nikalit lang og tunol akong tapad og tissue. Diha lang ko kamatngon nga gitan-aw na diay ko sa ubang mga pasahero. Ug, diha lang sad ko kabantay sa akong lalakeng tapad. Bootan ug medyo gwapo sad sya. Pero unsaon man, wa ko'y gana makig-amigo kay gool jud ko atong panahona.

"Naa ko'y matabang nimo, Miss?" My bus seatmate asked me. I just silently answered him na I was fine.

Nagpa tulog-tulog na lang ko sa bus haron di ma obvious nga naghilak pa jud ko. Sa dihang nikalit og tingog akong celphone. Pag-open nako, nag expect unta ko nga gikan sa akong ex- boyfriend pero lahi man nga number, wa sya ni register. Ug ang message kay,

"Miss, you are beautiful. Can you be my textmates?"

Sa akong kasapot, nag yawyaw ko sa akong tapad nga wala jud mga batasan ang lalake. Puros mga buriton. Dapat bitayon na tanang lalake.

"Ayaw sad, Miss oy. Bootan baya ko," depensa sa akong tapad.

Wa na lang ko nisumpay niya. Ako na lang gibinuangan ang katong nakig textmate nako haron malingaw ko. Ako syang gireplyan og, "Sure. Tagai ko'g load beh."

Ug, sa wa nadugay, nitingog akong celphone. Nitoo sad akong textmate, iya sad kong gi- loadan. Gipakapinan og pangutana sya nako, "Unsa man imong type sa lalake."

Ako syang gitubag og, "Di nako og lalake. Mga wa'y batasan ang lalake."
The textmate replied, "Lahi man ko nga lalake. Di jud ko magpasakit og babaye."

----------------------------------