مجرد شعور^^

بتعرف ..
هداك الشعور وقت تتخربط كل أمورك فجأه ، وقت تلاقي الدنيا تكالبت عليك وكل ما تطرق باب يتسكر بوجهك وقت يفتح باب يتسكر عشره ، وقت تركض ورا شي وفجأه توقف بنص الطريق تعبت وتلاقي هالشي مو مستاهل اساسا كل هالتعب وحتى أنت ضعت بهالطريق ، وقت تقرف الدنيا بكل تفاصيلها وكل شي فيها ، وقت توقع كل ما تطلع خطوه ومع كل مره تفقد أملك ، وقت يكون ضغط عليك من الواقع ومن الجامعه ومن الناس ومن الظروف وبدك تتخطى بس مو قادر ، وقت تحتاج هداك الشخص يلي يحكيلك أنا معك وما تلاقيه ، وقت يبطل البكا يعبر ولا يغير ولا يفيد شي ، وقت يصير الاقارب عقارب وما عاد تميز صاحبك من عدوك ، وقت تستنى فرحه تطرق قلبك وتتأخر كتير وما تيجي ، وقت تشعر الدنيا كلها بوسعها ضاقت فيك وعليك !
بتعرف ..
وقتها بلش زبط بعلاقتك بالسما لتزبط علاقتك بالارض وأهلها ، بلش بالاستغفار وزبط علاقتك بربنا بأبسط الامور ، وكل ما توقعك الدنيا قوم من جديد وما تيأس أبدا وبكل مره نادي  "يا رب "..
نادي بثقه ، بيقين ،بمحبه ، بحاجه ، بضعف ، بإستعانه ، بتوكل ..
اساسا يلي معا ربنا ما بتغلبه لا دنيا ولا أهلها بس خليك مع ربنا !
نفض الدنيا بلي فيها من قلبك وحط أيدك بأيدك واحكي لحالك أنا معك لو كل هالدنيا تركتك انا ما بتركك وما حضيعك وعندي ثقه فيك " المهم لا تخذل نفسك " طبطب عحالك وما تستنى حد يجي يحكيلك يلا قوم  ..
لانو الدنيا فيك وبلاك ماشيه وما حتوقف عليك لهيك حاول بعد كل وقعه توقف لحالك وما توقف عند بشر !
"ولسوف يعطيك ربك فترضى "حطها بين عيونك وعيش عهاد الأمل وإدى متت قبل لترضى بيكفيك إنك عشت بكل يوم عن يوم ثقتك وأملك بربنا كان بيزيد !
بس ربنا وعدك حيعطيك وحيرضيك بس خليها عالله وأحكي يا رب ..
<3
#بكيبوردي 👆😍