قبل 12 سنة
....: جهان...جهان ووجع هاتي اللصقة.
جهان: لا.
.... وهي ماسكة مقص: هاتي ولا اقص دبدوبك.
جهان: خلاص خلاص هاك بس لا تقصي دبدوبي ملاك.
ملاك: طيب.
وعطتها الدبدوب واخذت اللصقة
جهان: وش بتسوي باللصقة.
ملاك وهي تشتغل: بجنن زوجات ابوي عشان يعرفون بنت مين تزوجوا وعشان يعرفون مين ملاك ومع مين يلعبون وان انا مو هين وانا بنت سيرين.
جهان: طيب انادي ربى تساعدنا.
ملاك: ايه وساعدوني.
ونادت جهان ربى وتربعوا في مقرهم السري اللي في فوق شجرة قريبة من غابة كبيرة ولإن الشجرة كبيرة حطوا كل شي يبونه من حلويات وعصيرات وعسكريمات وتلفزيون وفرش يفرشونها لو يبون ينامون ودواليب صغيرة حطوا فيها نص ملابسهم
ربى: وش هي الخطة.
ملاك وهي لابسة قبعة الرسم وماسكة عصاية بلاستيكية وحاطة هاذاك اللي يوقف الرسمة ومركبة ورقة وجالسة تشرح
ملاك: اول شي لازم نلهيهم عشان نحط الديدان المهروسة في الكريم حط الوجه ونخلطهم ونحط ديدان حية من داخل ونقفلها وناخذ البيض من المطبخ اللي في القصر ونحطه في الرمّاية ونرميه عليهم ونهرب ثاني شي لازم م يعرفون مين حنا ولا راح يضربونا عشان كذا ناخذ اقنعة ونغطي وجوهنا ثالث شي اذا عرفوكم سوو الخطة باء.
جهان: وش هي..؟
ملاك: انحاشوا وانا اختكم واذا مسكوكم سوو الخطة جيم.
ربى: ووش هي..؟
ملاك: اذا كان رجال عطوه شلوطي بين الرجلين واذا حرمة شدي شعرها واجري شوي وفلتيه وم راح تصدقهم جدتي او جدي اننا سوينا ذا عشانهم تحبوننا موت اوك.
ربى: اوكيشن.
جهان: اوكيشن
ملاك: يلا نبدي امسكوا هاذي الاوراق ربى عليك ترمين عليهم البيض لأنك قناصة محترفة وجهان انتي ادخلى غرفة وجه النحس وحطي الديدان في كريماها هي والسحلية ووجه المساحة>>الله على اسماء بس😂😂<< وانا بروح غرفة الحية ليلى وبسوي مقلب فيها.
وبعد م خلصوا نزلوا من بيت الشجرة ورجعوا القصر من فتحة سووها عشان يروحون ويرجعون براحتهم ومشوا داخله بهدوء وكل وحدة راحت تسوي شغلها
عند ربى طلعت فوق شجرة قريبة ومعها كيس البيض والرمّاية معها >>ما دري وش اسمها لكن يلا 😂😂<<وقامت تراقب واول م جت وحدة من زوجات ابو ملاك قامت بسرعة واخذت بيضة ورمتها عليها وجت في وجهها والمكياج ساح وصار وجهها فضيحة قامت ربى وبنذالة وترمي عليها حتى دخلت غرفتها.
عند جهان اول غرفة دخلتها كانت غرفة زوجة ابو ملاك السادسة قامت تحوس بالمكياج لين حصلت الكريم قامت اخذت ملعقة راسها كبيير وشالت الطبقة كاملة وفتحت علبة فيها الديدان المهروسة وبملعقة ثانية حطت الديدان اللي بعد م هرسوها حطوا عليها لون ابيض مثل الكريم وحطت طبقة خفيفة منها وفوقها رجعت نص الكريم وفتحت علبة ثانية الديدان فيها لسة حية وتحوس وشكلها يققرف واخذت العلبة وكبت على الكريم كم حبة ورجعت الكريمة مكانه وقفلت علب الديدان وعلبة الكريم وحطته مكااانه وخرجت ولا كإنها سوت شي لكن رجعت واخذت الدديدان المهروسة وحطت ثلاث ارباعها في الميكياج وانحاشت ولا كأنها سوت شي ونفس الشي مع وجه المساحة والسحلية وبعد م خرجت هم دخلوا على طول وهي تربعت بين غرفهم الثلاثة اللي جنب بعض وصارت تعد تنازليا
جهان:...10...9...8...7...6...5...4...3...2...1.
.....: اااااااااااااااااااااااااااااااااااااااااااااااااااااااااااااااااااااااااااااااااااااااااا.
جهان وهي تحط يدها على اذنها: وجع ووجعوه على صوت الله يعين ابو ملاك على ذا الصراخ.
وفحطت بعد م سمعت صوت البيبان تنفتح.
