اتولد وسط الفقر و الجوع حياته كانت بدايتها متعبة لكن حنان امه ليه كانت حاجة دايما بتصبره
ابوه فارق الدنيا لما بقى عنده 18 سنة و الفقر مازال فى حياته مستمر .. ركز فى دراسته طلع الاول دخل الكلية و استمر فى التفوق .. لكن برغم من الفقر و التعب .. اخينا لقى لنفسه بدل الصاحب الف .. لكنه رغم صحابه حاسس بالذل لان كل صحابه معاهم هو الوحيد الى معهوش .. و بعد التخرج بتقدير جيد جدا .. اخينا لقى اخيرا الى يحبو و يحبها .. مكنتش بتحبو لاجل تفوقه لكن كانت بتحبو لانو بيعاند مع فقره .. و فى مرة صارحته بحاجة عكرته .. فهمته ان حوا مش لادم حوا لفلوسه و شقته
زاد حزنه اتجاه الفقر و قال : حتى حبيبتى عايبتنى بفقرى
راح عند شيخ كانو مسمينو الخال .. كان شيخ الجامع فى حتته كان هو و ابوه اكتر من مجرد صحاب
اخينا حكى للخال انو مضايق من فقره و انه بقى حاسس بالذل اكتر من الى هو فيه
الخال قالو يابنى خلى عندك ايمان بالله .. كسبت الحب و الصحاب دا معناه ان الفلوس مش كل حاجة .. سيبها على الله و اتوكل صدقنى بكرة تحلى
لكن للاسف اخينا مقتنعش بكلام الخال و تجاهله
الطمع جواه زاد لحد ما جاب اخره
قرر يسافر برا يمكن تلعب معاه .. باع كل حاجة فى الشقة علشان يعرف يطير على هناك
مسابش فى البيت غير مرتبة تنام عليها امه .. كان حاسس انه مقصر فى حقها لكنو بيعمل كدا علشان يريحها فى النهاية
جهز شنطته و حاجته و قال كلو تمام .. راح يودع اهله و ناسه و صحابه كان زعلان عالفراق
راح يودع حبيبته قالتله مستنياك
قالها رايح اجيب فلوس الشقة يا حوا علشان تبقى لادم
اول ما وصل هناك دخل مطعم صاحبه خواجة هندى .. لحسن حظ اخينا الخواجة طلع بيكلم عربى
طلب منو شغلانة فالمكان الخواجة ضحك قالو تعالى اخواتك كلهم هنا و الى جابهم جابك
دخلو المطبخ اخينا اتصدم صدمة السنين .. لقى اغلبية الناس الى فى المطبخ مصريين .. سألهم : ايه الى جابكم هنا قالوله : الفقر يا خويا و لا انت شكلك مش زينا
اخينا فهم ان الفقر مطاردهوش هو و بس و ان زى ما هو حس بالذل غيرو حس باقصى اليأس
بدأ يشتغل و اتمرمط بحق ربنا مكنش عاوز الراحة اد ما كان عاوز المال على اد تعبو من ربنا
فكر فى كلام الخال بان الفلوس مش كل حاجة ففكر يرجع .. لكن كل لما يفتكر كلام حبيبته عن الفلوس و الشقة يقول مش هرجع الا لما اطلع
و بعد 5 سنين جمع فلوس كتير عاش عيشة مرتاحة كأنو شبه مليونير
لكن للاسف الطمع الى جواه قلب بخل و غرور .. من ساعة مامسك القرش خاف يطير و يرجع طرطور
بعد كام شهر جت فى باله انو يرجع بلده .. طلع الفيزا جهز شنطته و باسبوره
اول ما رجع بيته لقى امو صحتها فى النازل و بتصارع الموت .. للاسف استخسر فيها حق الدوا و العلاج بقى ان يصرف قرش من جيبه اصعب من انو يموت
قابل صحابه الى وحشوه بعد 5 سنين لكنو للاسف اظهر كبريائه الى كان نفسو يطلعو قدامهم من سنين
لكن محدش سابله فرصة كلو بدأ يخلع .. قالوله مش دا صاحبنا لسا قدامو كتير عقبال ما يرجع
رجع افتكر كلام الخال بان الفلوس مش كل حاجة لكنو بردو تجاهل و حط فى دماغو كام حاجة و حاجة
يوم ما قابل حبيبته الى كان متلهفة عليه .. قالها : خلاص انتى مبقتيش من مستوايا يا مزمازيل
كل دا علشان من 5 سنين عكرت مزاجه فبعد 5 سنين يردالها بانو يكسر قلبها !!
حتى اخينا نفسو حس انو اتغير تماما
حس انو بقى سئ بسبب الفلوس لكن عقلو بيقول لأ اطلاقا
اتعكر مزاجو بعد الى حصل قال ارجع برا تانى شوف ايراد المحل اد ايه وصل
بعد كام شهر افتقد حنان الام .. قال ارجع اشوفها اصلها مش ناقصة غم و حرقة دم
اول ما رجع البيت ملقاش الحجة .. سأل عنها الناس قالتلو الام ربنا افتكرها
قابل الخال بكى فى حضنه على فراق امو قالو يابنى مرات ابوك ماتت من اسبوعين
اخينا اتفاجئ من كلمة مرات الاب سأل الشيخ بعد كدا عرف الى حصل من الاب طول العمر
اكتشف ان امو ماتت و هى بتولده .. و ان ابوه اجوز واحدة تخلى باله منه و تستحملو
اخينا مزعلش مرة دا زعل مرتين
مرة خسر حنان امه و قصر فى حق واحدة ربته و استحملته
فجأة الخال قالو جملة فوقته فى ثانية
"انت كسبت الفلوس لكنك خسرت راحة الدنيا .. افتكر ان ربك فى يوم من الايام كان عادلها و افتكر انى فى مرة قولتلك الفلوس مش كل حاجة"
الروح الطيبة رجعت فى قلب اخينا من جديد .. كلمة الفلوس مش كل حاجة فهم منها حاجات كتير .. قرر يصلح كل الى عملو بعد ما قصر فى حق الست قرر ميأثرش فى حق البنت
طلب يقابلها هى قبلت بعد عناء طويل .. قالتله رجوعى بعد الى عملته بقى شبه مستحيل
مدحها بحزن قال انه ضيع البنت الصح فى الوقت صح
مطلبش انها ترجعله بس عشمان فيها تسامحه
البنت مستحملتش و بكت فى حضنه
قالتله ان هى كمان اختارت الراجل الصح و انها لسا بتحبه
اخينا موقفش عند كدا قرر يرجع صحابه خطوة خطوة .. رجع بالنسبالهم اخينا بتاع زمان كأن متغيرتش منو شعرة
و بعد ما اجوز حبيبته عاشو فى تبات و نبات
زاد ايمانه بالله فربنا زودله ماله و رزقه بباسم و حنان
و بعد 10 سنين الام سابته و ماتت بدرى
صاحبه قالو اجوز تانى مش هتقدر عالعيال لوحدك صدقنى
لكنو قرر انو ميكررش غلطة ابوه و حلف 100 يمين انهم مش هيبقو فى حضن حد تانى غير امهم و ابوهم
و بعد 20 سنة كمان العيال كبرت و اتجوزت
طلب منهم الاب انهم يحضروا عزومة الغدا محدش رفض او سكت
راحو يوم العزومة لقو اخينا ساب الحياة و سكت
مزعلوش عليه لانه ابوهم لكنه زعلو عليه كراجل عظيم
بدأ حياتو بتعب لكن انهاها بسعادة دا شئ جميل
و يوم الوصية قالو داحنا هنورث مليون حاجة و حاجة
بصو فى الوصية اكتشفو انهم مأخدوش اى حاجة
اخينا قرر انهم يعيشو نفس عيشتو بانهم ميكنش معاهم حاجة
اخينا اتبرع بكل فلوسه و مسبلهمش اى حاجة
و فى اخر الوصية قالهم كملو حياتكم عادى الدنيا سهلة مش محتاجة
بس عايزكو تعرفو ان الفلوس مش كل حاجة
