Nahuhulog, natatapilok
Nadadapa, nababangga
Natutulala, nawawala
Sa tuwing nakikita ka.
Nababaliw, naaaliw
Utak ay napupuno na ng agiw
Umiilaw nasisilaw
Sa tuwing ngumingiti ka ako’y natutunaw.
Naloloka nahihilo
Umiikot na ang mundo ko
Natutuliro nalilito
Ano nga ba ang dapat gawin ko?
Namumula kinikilig
Puso ay kay bilis ng pintig
Ano bang nadarama?
Ako ba ay umiibig na?
