RACE 1: Left Behind

23 ~ Sorry

CHAPTER TWENTY THREE

Day Five
3am

NAPABALIKWAS sya ng makarinig ng ingay ng helicopter hindi kalayuan sa kanila. Inilibot nya ang mata sa buong silid ngunit wala doon si Ryxer. Simula kagabi ay sala na iyon natutulog pero sinusubukan pa din ng binata na umakto ng normal na parang hindi nito alam ang totoo.

Nakita nya sa mga mata ni Ryxer ang sakit ng aminin nyang hindi totoong nagka amnesia sya. Iyon naman ang gusto nya di ba? Ang makita si Ryxer na nasasaktan at nagtagumpay sya kaya pwede nya ng iwan ito.

"Congrats, Charlton." Bati nya sa sarili pero bakit parang hindi sya masaya?

Napatingin sya sa bintana ng may tumamang ilaw do'n na alam nyang nagmumula sa helicopter na naririnig nya. Agad syang tumayo at dahan-dahan na naglakad palabas ng silid. Alam nyang susunduin na sya nila Mazda dahil pinadalhan ulit sya ng mga ito ng pulang sobre na nagsasabing ngayong madaling araw sya susunduin.

Naglakad sya ng walang ingay papunta sa couch kung saan mahimbing na natutulog ang binata. Ngumiti sya kahit na nasasaktan sya na isiping iiwan nya na ito.

"Ryxer," Mahina lang ang boses nya. "G-goodbye." Hinalikan nya ito sa labi at dali-dali syang naglakad paalis baka kasi hindi nya mapigilan ang sarili nya na yakapin ito.

Ilan araw din silang nagsama na para bang mag-asawa sila. Kaya lang hindi naman habang buhay na gano'n sila, kailangan nyang tumupad sa usapan na iiwan nya na ito kasi natalo sya sa pustahan. Actually, dapat hindi sya nasasaktan, ang maghiganti ang gusto nya di ba? Then she'll do it, sasaktan nya si Ryxer ng sasaktan kahit na sa tuwing nasasaktan ito ay nasasaktan din sya.

"Good your back." Napatalon sya ng marinig ang boses ni Mazda. Kalalabas nya lang ng pinto at promise hindi nya ito napansin.

"Ginulat mo naman ako."

"Oh? Hindi halatang nagulat ka." Tumingin ito sa wrist watch nito. "You still have ten minutes to bid a goodbye to your ex-boyfriend, Charee."

"I don't need to do that."

"Kasi nakapag goodbye ka na?"

Kailan kaya nya maiisahan ang mga ito? Lagi na lang alam ang ginagawa nya eh.

"Let's go baka magising pa sya." Hinila nya na ang braso nito at nagmamadaling umalis.

"Yuhoooo!" Nakadungaw sa bintana si McLaren kung saan ito ang nagpapalipad ng helicopter. "Hurry, baka mahuli na tayo!"

Patakbo nilang tinungo kung nasaan ito at sumakay. Nakatitig lang sya sa bahay bakasyunan ni Ryxer habang pataas ng pataas ang lipad nila. Sya nga itong nang-iiwan pero bakit parang sya pa ang nasasaktan? Ganito din ba ang naramdaman ni Ryxer nung iniwan sya nito noon na walang kaalam-alam?

"Ano bang pumasok sa ulo mo at nakipagpustahan ka kay kuya Corvette?" May bahid na inis na tanong ni Mazda. "Hindi mo ba alam na masahol pa sa demonyo ang taong 'yon?" Tignan mo makapagsalita ang lalaking ito, parang hindi kapatid si Corvette.

"Iniwan ko na si Ryxer kaya quits na kami."

"Hindi gano'n maglaro si kuya." Kinabahan sya sa sinabi nito. "Madumi sya maglaro at alam mo ang ibig kong sabihin."

"A-ano bang gagawin nya?"

"Sisiguraduhin nyang hindi na makakalapit sayo si Ryxer."

"I doubt it, gagawin lahat ni Ryxer makalapit lang ulit sakin." Kusang lumabas iyon sa bibig nya para bang kompyansa sya na hahabul-habulin sya ng binata kahit nilayasan nya ito.

"Trust me Charlton, devil ang kapatid ko kaya alam ko kung paano sya tumupad sa usapan."

"I will talk to him."