رواية احببت اخي

الوصية

مهند. كنت في مكتبي اعمل مثل العادة وفجأة رن هاتفي وكان اتصل من المستشفى
مهند:مرحبا
الدكتور:مرحبا سيد مهند كيف حالك
مهند:اهلا دكتور هل حدث شيء
الدكتور:لا تقلق لم يحدث اي شيء ولكنه يريد رؤيتك الان
مهند:الان؟ارجوك دكتور قل لي الحقيقة هل حدث شيء له ؟
الدكتور:صدقني لم يحدث له شي ولكنه يريد رؤيتك فقط
مهند:حسنا سوف أتي حالا
rewayat_sara 33 2
فقلت الخط وذهبت مسرعاً للمستشفى ياسمين.استيقظت صباحا على صوت خالتي رنا وهي تنادي علي وعلى سارة استيقظت سارة وضربتني بالوسادة على رأسي
سارة:ولج كومي راح نتأخر
رفعت يدي واشارت لها
ياسمين:بس دقيقة اصبري
سارة بصراخ:ولج كومي
نهضت من فراشي
ياسمين:كبر لفج 😡
سارة:اني راح انزل خلصي وتعالي
rewayat_sara 33 3
دخلت للحمام اخذت حمام ساخن وخرجت غيرت ملابسي وجهزت نفسي وترجلت للاسفل
سارة:صباح الخير خالة
رنا:صباح النور حبيبتي يلا تعالي اكعدي افطري
جلست بجانب سارة وصرت اكل همست لي سارة
سارة:ولج خلصي اكل بسرعة حتى نروح للجامعة لان الحب منتظرني
ياسمين:اي خلصت يلا كومي
rewayat_sara 33 4
نهضت من على الطاولة الطعام
ياسمين:يلا احنه راح انروح خالة
رنا:دير بالكم على نفسكم
سارة: يلا باي ماما
ياسمين: باي خالة
خرجنا من البيت وذهبنا الى الجامعة كنت طول الطريق افكر في وضعي وحياتي وافكر في اخي الذي تركني بعد وفاة ابي وامي وسافر الى أمريكا حتى يدرس كان عمرة 10 سنوات عندما ذهب لم ارى شكله منذ ذلك الوقت حتى لا اتذكره عندما ذهب
rewayat_sara 33 5
كنت صغيرة كان عمري 6 سنوات تركني عند بيت سارة جيراننا عندما توفيا اهلنا اخذونا في بيتهم عشنا معهم ولا يوم حسيت بأنني لست ابنتهم يحبوني كثيرا والد سارة متوفي من حوالي سنتين بحادث سيارة
سارة:شبيج صارلي ساعة احجي وياج وين صافنه
ياسمين:افكر
سارة:بشنو
ياسمين:افكر بأخي
سارة:ها تذكرتيني البارحة بالليل اتصل
rewayat_sara 33 6
اخوج وانتي نايمة
ياسمين:وليش ما كعدتيني
سارة:هو كال خليها نايمة اني بعدين اخابرها
ياسمين:اف منج اني ما اصدك يخابر حتى اسمع صوته هو بالشهر مرة يلا يتصل بيه
سارة:انتظري على شهر الجاي ويتصل
ياسمين:اي هو ماكو غيرها انتظر على شهر الجاي
سارة:اكلج هو اخوج ليش ما يدزلج صورته
ياسمين:والله ما ادري هذيج المرة طلبت
rewayat_sara 33 7
يدزلي صورته كال شتسوين بصورتي انتي بعد شهرين وتجين تعيشين يمي بأمريكا
سارة:يعني راح تعوفيني وترحين
ياسمين:اي وهذا اكثر شي مقهرني راح اعوفج و اروح
سارة:واني هم وهذه السبب راح اطلع الشهرين من عينج اشلع كلبج بيهن
ياسمين:يلا امشي وصلنا 😄😄
مهند.وصلت للمستشفى ودخلت الى غرفته كان نائم اخذت الكرسي وجلست بجانبة فتح عينا رأني وتكلم بتعب
rewayat_sara 33 8
يوسف:مهند
مهند:اش لا تحجي ارتاح
يوسف:همزين اجيت اريد احجي وياك بموضوع
مهند:مو هسة يوسف ارتاح وبعدين نحجي
يوسف:لا اريد احجي هسة اخاف ماكو وكت
مهند:شنو هذه الحجي الله يخليك اسكت
يوسف:اسمع مهند اني ادري بنفسي ما راح اعيش وهاي ايام الاخيرة وقبل ما اموت اريد اوصيك وصية واتمنى ما تكون ثقيله عليك بس شسوي اني ما عندي احد يغيرك
rewayat_sara 33 9
انت مو بس صديقي انت اخي
مهند:اكيد انفذها كول شنو هي
يوسف:اختي ياسمين
مهند باستغراب:اختك
يوسف:اي هي تنتظرني بالعراق حتى اجي اخذها وهي ما تعرف شنو وضعي اريدك تاخذها على انو انت يوسف وتجيبها هنانه وتعتني بيها ودير بالك عليها من يصير عمرها 21
يوسف:اتركها تشوف مستقبلها بنفسها
مهند:شنو يعني على انو اني يوسف ما
rewayat_sara 33 10
افتهمت
يوسف:انت راح تكلها انت يوسف مو مهند ودير بالك عليها وتاخذها يمك وتعتني بيها من يصير عمرها 21 احجيلها الحقيقة
مهند:وليش تريد تسوي هيج
يوسف:لان اختي مريضة عدها قلب ما تتحمل هيج صدمه وكال الدكتور من يصير عمرها 21 قلبها يكدر يستوعب بعد
مهند:زين والشكل راح تعرف اني مو انت
يوسف: لا تخاف هي ما شايفة شكلي ابدا اني من عرفت عندي سرطان ما دزيت لها
rewayat_sara 33 11
صورتي حتى من يجي هذا اليوم ما تعرف شكلي
بقيت مصدوم لا اعرف ماذا افعل انه امر صعب جداً 11
مهند:زين شكد عمرها
يوسف: 20 سنة وتدرس بالجامعة
مهند:يالله هاي بنية شابة بعد سنة ويصير عمرها 21
يوسف:واني ما اكدر أمن عليها بس وياك لان ادري بيك راح تعتني بيها مثلي واكثر شنو قررت توافق وتخليني اموت واني
rewayat_sara 33 12
مرتاح
مهند:شنو هذا الحجي يامعود
يوسف:اريد اطمئن عليها
مهند:لا تخاف راح اخليها بعيوني
يوسف:تسلم هسة ريحتني
كنت خائف جدا اتمنى أن انفذ الوصية ولا اخذله في يوم من الايام ولكن كيف استطيع ان اعيش مع فتاة لا اعرفها في بيت واحد حتى لو كانت تعتقد انني اخيها لكن انا اعرف انها ليست اختي والعيش مع فتاة شابة سيكون صعب ياللهي ارجوك ساعدني
rewayat_sara 33 13
يوسف:والعنوان مال البيت الموجودة بيه هذه كتبته لك بهاي الورقة
مهند:ماشي
يوسف:ما اوصيك عليها
مهند:لاتخاف راح اخليها بعيوني
ابتسم لي بتعب
يوسف:لعد يزن وين اريد اشوفة
يزن:هاي اني اجيت
يزن:هلو شريك
مهند: هلو بيك
يزن:هلو ضلع
rewayat_sara 33 14
يوسف:هلو بيك همزين اجيت اريد اشوفك واسلم عليك اخاف بعد ما اشوفك
يزن بعصبية:انت شتحجي الف مرة كتلك لا تحجي هذه الحجي انت ليش تريد تضوجني حرام عليك
وخرج من الغرفة خرجت وراء كان يجلس على الكرسي ويبكي جلست بجانبه واحتضنته وصرنا ابكي معا
مهند:لك انت شبيك احنه مو اتفقنا تصير قوي كدامه
يزن:ما اكدر حاولت شكد بس ما اكدر
rewayat_sara 33 15
مهند:احنه لازم ما نضعف كدامة ونحاول انساعده يلا هسة امسح دموعك و روح اكعد يمة اني عندي شغل بس اخلص اجي
يزن:ماشي
تركت وذهبت الى الشركة كنت طول الوقت افكر بكلام يوسف وافكر ماذا افعل لم اركز في العمل
ومرت اربع ساعات واني في العمل ارت الخرج من المكتب ورن هاتفي
مهند:الو
يزن:الو 😭
rewayat_sara 33 16
مهند:يرن شبيك شكو
يزن:مهند تعال للمستشفى بسرعة يوسف مات
حسيت وكأنه شخص ضربني على راسي سقط الهاتف من يدي جلست على الكرسي مصدوم لم استوعب ماذا قال لي يزن وضعت يدي على رأسي وبكيت بحرقة
ياسمين. شعرت بشيء فضيع يحدث لا اعرف ما هو ولكن اشعر بشيء مريب
لا اعرف ما هو ولكن اشعر بشيء مريب حدث لشخص
rewayat_sara 33 17
سارة:شبيج شكو
ياسمين:ما ادري بس احس بشعور مو زين صار
سارة:ياستار
ياسمين:اي والله اكلج لازم اشتري رصيد واخابر يوسف اطمئن عليه حتى ارتاح
سارة:ماشي يلا امشي
ذهبنا للحمل واشترينا واتصل على يوسف لايرد
ياسمين:مايرد
سارة:اخاف نايم وقتهم مو مثل وقتنا
rewayat_sara 33 18
ياسمين:ما ادري يجوز
سارة:امشي نرجع وخابري بالليل
ياسمين:ماكو غير هذا الحل
ذهبنا للبيت بقيت انتظر الى ان اصبحت الساعة التاسعة مساء اخذت الهاتف واتصلت على يوسف ولكنه لا يرد ايضا وبدأت اقلق عليه
سارة:هاي شبيج يامعودة والله خوفتيني
ياسمين:ولج يوسف ليش مايرد على موبايل
سارة:يجوز عنده شغل هو مو يكول على طول مشغلول وماعنده وقت يخابرج بس
rewayat_sara 33 19
بالشهر مرة انتظري شهر
ياسمين:دروحي انتظر شهر جاي اكلج احس صايرله شي لازم اطمئن عليه
اتصلت عليه ايضاً لا يرد اتصلت به 10 مرات لم يرد لم انام طول الليل بقيت اتصل عليه حتى جاء الصبح استيقظت سارة
سارة:عزة بعدج كاعدة من البارحة بالليل
ياسمين:ولج راح اموت من الخوف هذه ليش ما يرد
سارة:ولج حتى اني خفت هذا ليش مايرد على الموبايل
rewayat_sara 33 20
ياسمين:اخاف صاير شي
سارة:لا حياتي انشاء الله خير
مهند. انتهت المراسيم دفن يوسف
و رجعنا للبيت انا و يزن
يزن:ما جاي اصدك معقول البارحة دفنه يوسف تحت التراب
مهند:الله يرحمة
يزن:بعده صغيري على الموت والله اصغيري
مهند:هو هذا الموت ما يعرف صغير او جبير
وفجأة رن هاتف يوسف نفس الرقم الذي كان يرن منذ المساء امس
rewayat_sara 33 21
مهند:يالله
يزن:شبيك شكو
مهند:هذا موبايل يوسف من البارحة بالليل يتصل عليه هذه الرقم وما اكدر ارد هاي اكيد اخته
يزن:اي رد واحجيلها حتى تعرف اخوها مات خطية لبنية
مهند:ما اكدر اكلها اخوج مات
يزن:ليش
مهند:هاي جانت الوصية مال يوسف
يزن:شنو يعني ما فهمت
rewayat_sara 33 22
وسرت لها ما حدث نظر الي بصدمة
يزن:وانت راح شتسوي هسة
مهند:والله ما ادري شسوي بس لازم انفذ وصية يوسف الله يرحمة
يزن:اي طبعا بس هاي بنية شابة شلون راح تعيش وياهه بالبيت وشنو راح تكون ردت فعلها من تعرف انت
مو اخوها
مهند:عود من يجي وكتها الله كريم بس هسة لازم اصرف بسرعة واجيب لبنية
يزن:انت فكرت بالموضوع
rewayat_sara 33 23
مهند:اي فكرت وما عندي حل ثاني
يزن:زين انت مو يوسف شلون راح يصدكون بيك وينطوك لبنية
مهند:اني جهزت الاوراق بسم يوسف
يزن:ها خوش وشوكت تروح للعراق
مهند:والله ما ادري
وفجأة رن الهاتف مرة ثانية
مهند:لك شسوي هاي جاي تخابر من البارحة خطية والله ما اعرف شنو احجي
يزن:بس انت لازم تحجي وياهه لازم تواجه الموقف
rewayat_sara 33 24
مهند:ماشي خل من ارجع للبيت اخابرها يلا هسة اني رايح للبيت
يزن:ماشي اشوفك باجر
ذهبت للبيت أستقبلتني الخادمة كاثرين كاثرين:مساء الخير سيدي
مهند:مساء النور
كاثرين:هل احضر لك الطعام سيدي
مهند:شكرا لكي لا اريد الان
كاثرين:حسنا سيدي ان احتجت إلى شيء انا في المطبخ
مهند:حسنا
rewayat_sara 33 25
ذهبت الى المكتب جلست على المكتب واخذت الهاتف واتصلت بأخت يوسف او اختي لا اعرف ما اقول او كيف سأتصرف مع هذه الوضع اتصل بالرقم واجابت صوت فتاة غاضبة جدا
ياسمين.اتصلت على يوسف اكثر من مرة ولكنه لا يرد قلقت عليه كثيرا حتى انني لم اذهب اليوم للجامعة من شدة الخوف عليه وفي المساء اتصل به
وفي المساء اتصل به اخي يوسف عندما رأيت الرقم فرحت كثيراً حسيت ان روحي
rewayat_sara 33 26
لقد عادت إلي مرة اخرى شعرت بغضب شديد منه لان قلق عليه كثيرا
ياسمين بعصبية:الو
مهند:الو
ياسمين:وينك انت من البارحة اتصل عليك وماكو متت من الخوف عبالي صارلك شي
مهند:اسف بس جنت مشغول
ياسمين:مشغول من البارحة لليوم معقول ما شفت تلفونك
مهند:مو جان صامت
ياسمين:مسويه صامت ما تكول اكو وحدة
rewayat_sara 33 27
تخابر عليه واخاف تخاف
اذا ما ارد عليها بس اني بشنو اهمك
مهند:لا طبعا اتهميني
ياسمين:اي بس حجي تضحك عليه بيه
مهند:لا والله صدك
ياسمين: 😄😄
ياسمين:ولك شبيك خبل اشاقة وياك طبعا اهمك وانت تهمني لعد احنه مو اخوان
مهند بأرتباك: اي خوان
ياسمين:😄 اليوم شبيك يوسف اشو كلامك غريب وصوتك هم صاير شي
rewayat_sara 33 28
مهند:لا ما صاير شي بس تعبان اليوم شوية
ياسمين:سلامتك حبيبي والله خفت عبالي صاير شي
مهند:اكلج جهزي نفسج بعد يومين اجي اخذج تعيشين ويايه هنانه
ياسمين:😀صدوك
مهند:اي بعد يومين اجي جهزت كل شي حتى تعيشين هنانه و دراستج راح تتحول هنا هم
ياسمين:واخيرا يعني راح اشوفك هذه احله خبر تدري صارلي شكد ما شايفتك من جان
rewayat_sara 33 29
عمري 5سنوات لك حتى ما اذكر شلون شكلك
مهند:وهسة راح تشوفيني
ياسمين:اي صدك شلون راح اكدر اصبر لحد ما تجي
مهند:يلا هسة اني عندي شغل ولازم اروح
ياسمين:ماشي حبيبي دير بالك على نفسك
ظمهند:انشاء الله باي
سارة:ها هسة يلا ارتاحيتي ما كال ليش ما جان يرد
ياسمين: يكول جان عنده شغل
rewayat_sara 33 30
سارة:شبيج انتي
ياسمين:يوسف ما ادري شبيه صوته وطريقة كلامة مو مثل كل مرة
ياسمين:ما ادري بس هو دائما يحب يشاقة ويايه بالحجي بس هسة احس
سارة:بشنو
ياسمين:ما ادري بس احس متردد من يحجي ويايه
سارة:هاي شبيج يجوز تعبان
ياسمين:يجوز يلا امشي خل انروح اتأخرنا
وفي اليوم التالي
مهند. جهزت نفسي للسفر الى العراق