BINABASA MO ANG

Married To My SLAVE [✔]

Fiksi Umum

I, Freya Alexis Gonzales, a janitress at Willford Academy MARRIED TO MY SLAVE, Zenwel Ashfortz who actually the brother of the owner of the WA. Isang Janitress na may Slave? At isang mayamang lalaki na naging SLAVE? Parang baliktad ata. Pero hindi...

#astig #comedy #fingers #lazy #light #romance #stellarechizen

Chapter I

15K 210 10 
                                    

                                              
        

                          
"Married To My Slave"

                          
writtenbyLazy_An

                          


                          
date created: September 4, 2013 | 9:51 PM

                          
date finished: December 6, 2013 | 8:43 PM

                          
date revised: 2016

                          


                          
***

                          


                          
"Ma'am Freya, ako na po d'yan." Sapilitang inagaw ng lapastangang babae ang hawak niyang pangmop ng sahig. Nainis siya sa kaepalan nito pero hindi niya na pinatulan bagkus ay kinuha na lamang ang mumunting basahan at akmang pupunasan ang salamin ng isang room nang..

                          


                          
"Naku ma'am Freya! Ako na po diyan!" Natatarantang inagaw rin sa kaniya ang basahang hawak na siya namang kinapuno niya. Kanina pa talaga siya nagpipigil sa mga ito.

                          


                          
"Ano bang ginagawa niyo?!" Angil niya na siyang kinatigil ng mga ito. "Akina nga 'yan!" Inilahad niya ang dalawang palad pero takot man ay hindi siya sinunod ng mga ito.

                          


                          
Siya si Freya Alexis Gonzales, isa siyang Janitress sa isang sikat at napakalaking eskwelahan dito sa bansa. Ang Willford Academy. Mahirap ang trabaho rito.. noon. Dahil madalas na nabubully ng mga estudyante rito ang mga trabahador lalong-lalo na ang mga Janitress/Janitor pero ang isang Freya Alexis Gonzales lamang ang tumagal dito magpahanggang ngayon.

                          


                          
Pero kung dating nangbubully ang mga estudyante noon dito, ngayon ay kabaligtaran na ang mga nangyayari.

                          


                          
Gusto kasi siyang tulungan ng mga ito pero dahil sa mga anak mayaman ang mga ito ay mali-mali lang ang mga kinalalabasan at mas nadadagdagan lang ang trabaho niya. Hindi niya mahinuha kung bakit nagkakaganito ang mga estudyante ngayon sa kaniya.

                          


                          
"Hindi niyo ba talaga sa 'kin ibibigay 'yan?" May pagbabantang aniya sa mga ito.

                          


                          
"Pero ma'am Fre--"

                          


                          
"Freya." May diing pagputol at pagtatama niya rito. "H'wag mo ako mama'am ma'am diyan at hindi ako titser." Asar na dagdag niya pa.

                          


                          
"Eh ma'a--este Freya sabi po kasi ni master Zenwel h'wag daw kayong pahirapan." Pangangatwiran ng isang babaeng halos magmukha ng clown dahil sa kapal ng make-up.

                          


                          
"Sabi niya pa po maging mabait daw po sa inyo tapos tulungan daw po kayo sa paglilinis." Dagdag pa nung isa. Saan ba ang birthday party at nagkakalat ang mga clown na 'to?

                          


                          
"Si Zenwel?" Agad na gumuhit sa kaniya ang inis marinig pa lamang ang pangalang nabanggit.

                          


                          
"O-opo."

                          


                          
Agad niyang iniwan ang trabaho at nagtungo sa Leisure Room kung saan alam niyang madalas tumambay ang mga magkakaibagan.
Married To My SLAVE [✔]Tahanan ng mga kuwento. Tumuklas ngayon