ليس ذنبي

اسم القصه:- #ليس_ذنبي
الكاتب:- writer__stories1
ابطال القصة
1-محمد 20 سنه طالب كليه
___________________________________
2-نرمين 20 سنه تشتغل بشركه ابوها وعدها علاقه ويه محمد
___________________________________
3-عبير 19 سنه ويه محمد بلكليه
___________________________________
4-خالد 20 سنه ويه محمد وعبير بلكليه
___________________________________
"البداية"

محمد:-السلام عليكم
عبير&خالد:-وعليكم السلام
محمد:-اشلونكم اشو مطابين للمحاضره
عبير:-مو اليوم مجاي الدكتور
محمد:-ها مدام هيج امشولنه نتريك بشي مطعم
خالد:-بس على احسابك
محمد:-تامرون امر بس امشو
عبير:-روحو انتو واني الحكم بسيارتي
محمد:-اوكي بس مو تتاخرين
راح محمد وخالد وركبو السياره وراحول للمطعم وعبير صعدت السياره وراحت وراهم وصلو للمطعم وتريكو وضلو يسولفون ويضحكون لحد مكلتلهم عبير
يله خلي نروح راح تبدي المحاضره الثانيه وهاذه الدكتور عصبي بس نتئخر ميدخلنه
خالد:-يله امشولنه
رجعو للكليه ودخلو المحاضره ورجعو كل واحد للبيت
ووصل محمد للبيت وتصلت بيه نرمين
نرمين:-مرحبا حبيبي
محمد:-مراحب هلى عمري
نرمين:-اشلونك اليوم بلكليه
محمد:-زينه مثل كل يوم
نرمين:-مو كتلك تعال اشتغل ويانه بلشركه ليش متقبل
محمد:-اني ما اقبل هيج خلي اول شي اتخرج بعدين اشتغل
نرمين:-اها براحتك
محمد:-اكلج حبي
نرمين:-ها گلبي
محمد:-ترحين باجر نتعشه اني وياج والشباب
نرمين:-يا شباب ذولي
محمد:-الشله مالتي
نرمين:-منو مفهمت
محمد:-لج شبيج اوك غيرهم عبير وخالد الشله مالتنه
نرمين:-ها بس شيسوون يرحون ويانه انريد يوم نروح بس اني وياك
محمد:-ذولي اصدقائي ما اكدر بدونهم
نرمين:-زين خالد فهمنه بس عبير شنو صايره بلنص
محمد:-ههههه
نرمين:-شبيك تضحك
محمد:-شني تغارين منها
نرمين:-احسك تحبها وما تحبني
محمد:-ههه شبيج لج احنه بس اصدقاء
نرمين:-مدام هيج اوكي اروح
محمد:-اوكي انه الصبح اكلهم ونحدد مكان العشاء.
كطع محمد الاتصال ونام وثاني يوم راح الصبح ولتقه بيهم وكلهم عن العشاء وانو هوه عازمهم وافقو ثنينهم وبليل عبير اجتي هيا وخالد بسيارتها ومحمد ونرمين بسياره وصلو للممطعم وواحد سلم علثاني ودخلو
نرمين:-شلونكم شباب شخباركم
خالد&عبير:-ابخير الحمد لله
نرمين:-اشلونج عبير بلدراسه
عبير:-زينه الحمد لله
نرمين:-اشو اجيتي ويه خالد شنو يصير حبيبج
عبير:-هههه لا اصلن معندي حبيب
محمد:-غيرو هاي السالفه وخلونه نطلب
نرمين:-ايه هم صحيح
صاحو للنادل وطلبو وتعشو وخلصو عشاء
محمد:-بعد اذنكم اروح للحمام وجيكم
راح محمدوبهاي الاثنا نرمين طلبت الفاتوره وجتي تدفع
عبير:-اجاي تسويين اني ادفع عنج
نرمين:-لا ميصير حبيبي هوه عازمكم واني ادفع بمكانه (تحجي هيج حته تضوج بي عبير اتضن تحبه)
اشويه وجه محمد وكلهم ها نروح كلوله ايه نروح
محمد:-اوكي جا خلي اطلب الفاتوره وندفع ونروح
عبير:-دفعنه
محمد:-منو دفع
خالد:-نرمين دفعت
محمد:-(باوع على نرمين) انتي اشلون تدفعين غير اني عازمهم
نرمين:-ماكو فرق اني حبيبتك ودفعلك
محمد:-وذا حبيبتي مو ادفعين ابدالي ونوب ويه اصدقائي
خالد:-محمد صوتك الناس منا عادي مصار شي
محمد:-نرمين تعاي احاجيج بره
طلعو اثنينهم وعبير كلت الخالد
عبير:-جنها صارت مشكله
خالد:-ايه مشكله جبيره
محمد حاجه نرمين بره وكلها
محمد:-انتي شلون تسووين هيج وكدام جكاعتي شيكولون عليه معندي فلوس وهيه تدفعله
نرمين:-عادي حبيبي وانه سويت هيج حته اقهر عبير
محمد:-انتي متشيلين عبير من راسج يابه كتلج معندي شي وياها
نرمين:-لا عندك وذا معندك ليش يوميه تطلعون سوه
محمد:-اني بعد ما اكدر اتحمل غبائج وغرورج
نرمين:-ايه كولها تريدنه ننفصل حته تروح ويه عبير
محمد:-(كام يصيح)ايه اروح ويه عبير فهمتي
نرمين:-مو صوجك صوجي اني امشي وياك
نرمين خلت محمد وراحت ورجع محمد للمطعم وكلهم يله امشولنه وكل العبير
محمد:-ممكن توصليني وياج
عبير ايه عادي امشي
صعدو عبير وخالد ومحمد ومحمد طول الطريق ساكت
وبعد منزل خالد البيتهم وودعهم مشت عبير حتى توصل محمد للبيت وبلطريق كلتله
عبير:-محمد شنو صار شكو بينكم
محمد:-هاي نرمين وحده مغروره وعبالها كلشي يمشي بلفلوس
عبير:-زين هيه شبيها وشنو صار بره
محمد:-هيا عبالها اني احبج وعندي علاقه وياج
عبير:-صدك ههههه
محمد:-والله وخبلتني يوميه تكلي لا تمشي وياها ولا تحاجيها
عبير:-ايه عادي تغار منك وبعد لتمشي وياي حته هيه لا تزعل
محمد:-اصلن احنه انفصلنه
عبير:-اه
محمد:-والله ذبحتني بس اتغار هسه انتي حبيبج ايغار عليج من تطلعين ويانه
عبير:-هههههه اصلن معندي حبيب اني
محمد:-هههه احسلج ضلي هيج
ووصل محمد للبيت
محمد:-يله باي ديربالج على نفسج
عبير:-بيباي ان شاء الله
صعد محمد الغرفته وضل يفكر انو معقوله انو احنه مجنه نفكر بعبير حسبالنه تحب وهيه طلعت معدها حبيب بس اشعجب معدها هيه ابنيه حلوه وطيبه وكل شخص يتمناها كض ونام وثاني يوم صحه على صوت تلفونه يدك
محمد:-الو
نرمين:-اشلونك محمد
محمد:-زين الحمد لله
نرمين:-مشتاقيتلي
محمد:-البارحه يمج شبسرعه اشتاقيتلج
نرمين:-محمد انته ليش متحبني
محمد:-اني احبج بس انتي مغروره وتغارين من عبير تره معندي شي ويه عبير
نرمين:-اوكي مدام هيج راح امر عليك حته اوصلك للكليه
محمد:-اوكي
كام محمد بدل وجهز روحه وجتي نرمين حته تاخضه للكليه وبلطريق كلها محمد
محمد:-اني ادري ليش تسووين هيج
نرمين:-شنو شسوي
محمد:-توصليني علمود عود تضوجين عبير
نرمين:-لا والله مو هاذه قصدي
محمد:-ايه مبين
نرمين:-ونته ليش مهتم زايد الها كول احبها
محمد:-رجعنا لموضوع عبير لج انتي شبيج
نرمين:-مبيه شي بس انته شكلك تموت عليها
محمد:-اوه ما نفك احنه اكلج نزليني وروح تكسي احسلي
نرمين:-انته شتكول
محمد:-طبكي خلي انزل
طبكت نرمين ونزل محمد وكلها وهوه نازل (من تنسين سالفت الغيره من عبير عود تعاي حاجيني )
مشه محمد وصعد تكسي ووصل للكليه وهناك لكه الشله خالد وعبير
محمد:-السلام عليكم
خالد&عبير:-وعليكم السلام
عبير:-ها محمد اشو ضايج
محمد:-لا هيج مبيه شي
خالد:-لا صدك شكلك ضايج خير شكو
محمد:-من هاي نرمين
خالد:-اشبيها
محمد:-اتغار من كلشي امشي وياه
عبير:-هههه بس لا نفس سالفت البارحه الي كلتها الي
محمد:-ايه نفسها
خالد:-يمعود اتركها
محمد:-هوه اعتقد راح يصير هيج لن ما اتحملها بعد
دخلو للمحاضره وبلطلعه محمد كان يمشي طالع من الكليه وجتي عبير ضايجه وتمشي حيل ودعمت محمد بدون قصد والطلاب التمو ونزلت عبير تركض على محمد وصعدوه بسيارتها وخضته للمستشفى وخالد سمع بلخبر وخابر على اهل محمد وراحو للمشتشفى
عبير ابحدهي بلمستشفى وتبجي على محمد وما تعرف شنو صارله ودخلو محمد للعمليات وشوي اجو اهل محمد وكولها شبيه محمد
عبيره:-(وهيه تبجي)دعمته بلغلط عمو
ابو محمد:-وهسه اشلونه
عبير:-دخل لي غرفت العمليات
انتضروه تخلص عمليت محمد وشويه طلع الدكتور
عبير:-ها دكتور بشر
الدكتور:-سويناله العمليه وهوه بيهزشويه كسور ورضوض ولازم يضل هنا فد سبوعين
عبير سمعت هيج راحت وحجزت لي محمد جناح خاص بيه حته يرتاح بلمستشفى ونقلوه اله بس هوه لحد الان مكاعد
ابو محمد:-بنتي انتي روحي ارتاحي ومن يكعد نطمنج عليه
عبير:-لا عمو انته شتكول اني لازم اضل يمه انتو روحو وبليل تعالو
راحو اهله حته يجيبوله حاجيات وملابس وبليل يرجعون وضلت عبير جالسه يمه وكاضه ايده وتبجي وتكول(كله مني واني مشيت سريع وكون مماشيه )
وشويه حست انو شي يضغط على ايدها وذا محمد كعد ويكول
(نرمين هاي انتي شنو صار اليه )
عبير:-محمد اني عبير
محمد:-جا نرمين وين
عبير:-ما ادري ما اجت
محمد:-اني شنو صارلي
عبير:-اني دعمتك بلغلط واني طالعه من الكليه
محمد:-شنو ووين اهلي وين خالد
عبير:/خليتهم يرحون يرتاحون وبليل يجون الك انته هسه اشلونك شتحس
محمد:-ما ادري احس جسمي كله يوجعني
عبير:-كله مني اني الله لا يوفقني
محمد:-(كض ايدها)لا لتكولين هيج مجرد حادث هاذه
عبير:-تانيني خلي اجيبلك شي تاكله وجيك
محمد:-لا ما اريد بس خابريلي على نرمين
عبير:-اوكي هسه اخابرلك
طلعت عبير بره وخابرت على نرمين
عبير:-الو
نرمين:-اهلن منو وياي
عبير:-اني عبير
نرمين:-هلى عبير
عبير:-محمد تعرض الحادث وهوه هسه بلمستشفى
نرمين:-اشلون وشوكت
عبير:-تعاي وراح تعرفين كلشي
نرمين:-اوكي جايه
وره نص ساعه اجتي نرمين ولكت عبير كاعده وحاجتها
نرمين:-ها شنو صاير
عبير:-محمد وهوه طالع من الكليه اني دعمته بلغلط
نرمين:-شنو ونتي شمالج دعمتي
عبير:-بلغلط والله مكان قصدي
نرمين:-وهوه هسه شلونه
عبير:-هوه هسه شوي زين بس الدكتور كله لازم تضل اسبوعين بلمستشفى
دخلت نرمين حتى تشوف محمد لكته نايم كعدت شويه يمه ونوب راحت وعبير كلتلها
عبير:-ليش مكعدتيه هوه يريد يشوفج
نرمين:-غير مره اجيه وشوفه
ضلت عبير كاعده يمه وشويه وجابت اله عشاء وكعدت محمد وكلتله اكعد انته لازم تاكل حته تصير احسن
محمد:-وين نرمين ما اجت
عبير:-اجت شويه وراحت
محمد:-ليش مكعدتني
عبير:-تكول غير مره اجيه
يله اكل هسه (وكضت الاكل بيدها وجتي توكله)
محمد:-لا اني اكل اكدر
عبير:-لا وين تكدر انته اديك متئذيات اكل خلي شويه ندللك
محمد:-ههه مدام اكو دلال اكل
عبير:-ديله اكل
وضلت توكل بيه وشويه وكلها
محمد:-زين والكليه شلون راح تفوتني محاضرات
عبير:-لا تخاف اني اجيك يوميه انقلك المحاضرات وكلك بكلشي يصير بلكليه وشنو مهم هم
محمد:-لا خاف اتعبج ونتي معندج وقت
عبير:-لتكول هيج هاذه اقل شي اسويه الك بعد الي سويته
وشويه اجه خالد وجو اهل محمد هم وتحمدوله بلسلامه وخالد كل العبير
خالد:-عبير روح انتي واني ابات يمه
عبير:-اوكي بس الصبح امر عليك حته نروح للكليه
خالد:-لا اني ارجع للبيت وبدل ومناك اروح
رجعت عبير للبيت وضلت يوميه تجي لي محمد وتنقله محاضرات وشنو يصير بلكليه وصارت يوميه تشاقه وياه وسولف ومر اسبوع على هاذه الحال ومحمد صار يرتاح لي عبير وبده ينعجب بيها وبسوالفها وصار انو يحبها بس مستحي يكلها لن هيه صديقته صارلها هواي لحد ما كلتله عبير بيوم
عبير:-محمد اشو بعد مسئلت عن نرمين
محمد:-(صار جريئ وكلها)شلي بنرمين ونتي يمي
نرمين:-(مهتمت الكلامه وباوعت عليه وضحكته)
محمد:-شبيج تضحكين
عبير:-لا هيج على حجيك
محمد:-ايه شبيه حجيي
عبير:-ما ادري بس اشوفه غريب
محمد:-لا مو غريب بس اني اريد اكلج شي مهم كلش
عبير:-شنوه كول
محمد:-اني انعجبت بيج هوايه وبديت احبج
عبير:-شتكول انته تره اني اهتم بيك وجي يمك شي صديقي وما افكر بيك اكثر من صديق
محمد:-بس اني احبج يعني شنو تكليلي صديق
عبير:-ارجوك سد الموضوع اني ما اصلحلك
محمد:-ليش مخطوبه عندج حبيب
عبير:-لا
محمد:-جا ليش متصلحيلي
عبير:-محمد ارجوك كافي تره اعوفك وروح
وكامت من يمه وهيه كايمه كضها من ايدها وكلها
محمد:-اني والله احبج بس انتي فكري ورديلي خبر
عبير:-عوفني محمد اني كتلك ما اصلحلك باي اني رايحه للبيت
محمد:-الله وياج
ضل محمد صافن ودايخ ليش تكول ما تصلحلي ومتقبل تحجي وياي
وعبير وهيه طالعه كامت تبجي وساقت سيارتها وراحت وبعد الايام الباقيه ما اجتي لي محمد بلمستشفى ومحمد سئل خالد عليها وكله تكول عدها شغل ومحمد عرف انو متجي من حجيي وبعد كم يوم طلع محمد من المستشفى وخالد خابر على عبير
خالد:-مرحبا
عبير:-مراحب هلى خالد
خالد:-صارلج كم يوم متجين لي محمد بلمستشفى ليش
عبير:-لا هيج بس عندي شغل
خالد:-اها بس تره محمد طلع وهسه ابيتهم ترحيله
عبير:-ايه نروحله
خالد:-اها اوكي امرلج تمريلي
عبير:-اني امرلك بعد نص ساعه
بدلت عبير وراحت على خالد وراحو لي بيت محمد ودخلو عليه وتحمدوله بلسلامه وضلو يمه وكل شوي محمد يباوع على عبير بس عبير ما تباوعله وخالد لاحض عليهم هاذه الشي بس مراد يكول وثاني يوم داوم محمد بلكليه وجه ولكه عبير كاعده ابحدهي اجه كعد يمها وكلها
محمد:-مرحبا عبير
عبير:-هلو محمد
محمد:-اشلونج عبير شخبارج
عبير:-ابخير الحمد لله
محمد:-عبير انتي ضايجه مني
عبير:-لا ليش
محمد:-جا ليش تتجنبيني
عبير:-لا ما اجنبك تتوهم
محمد:-شي كتلج احبج
عبير:-محمد عفيه سد الموضوع
محمد:-ليش بس كليلي ليش
عبير:-اني ما افكر احب اوكي
محمد:-انزين فكري وخضي راحتج واني منتضرج
عبير:-ما اريد افكر
محمد:-ايه ليش غير افتهم انتي مخطوبه يريدج واحد يعودلج
عبير:-اوووه كافي محمد
كامت عبير وعافت محمد حاير لويش جاي ترفضه ومتقبل حته تنطيه فرصه وشويه وجه خالد
خالد:-ها محمد اشلونك
محمد:-هلو خالد اني زين
خالد:-اشو ضايج شبيك
محمد:-من عبير
خالد:-وشبيها عبير
محمد:-اكلها احبج تكلي ما افكر بلحب
خالد:-ها واني اكول ليش متغيرين صارلكم كم يوم
محمد:-ايه اني كلتلها بلمستشفى وهيه من يومها بعد ما اجتي للمستشفى وحتا تعاملها صار غير عن قبل
خالد:-عوفها يا صاحبي جوز متريد
محمد:-اشلون اعوفها لك احبها
خالد:-بعد ما ادري شكلك
محمد قرر انو يعزم عبير على عشاء اليله خابرها وكلها وهيه رفضت ومقبلت وكلها اني مراح افتح وياج الموضوع كلش قبلت عبير وكلها راح اجي عليج بلسياره بدل محمد وجهز روحه وتعطر وراح لي عبير واخض عبير ومشو وبلطريق حاجاها
محمد:-شني اليوم طالعه كشخه
عبير:-اشكرك خجلتني
محمد:-وليش تخجلين هاي الحقيقه
وصلو لي المطعم ونزلو وطلبو الاكل وكلو وضلو شوي كاعدين يسولفون ويضحكون وبعدين محمد دفع الحساب وراحو وصعدو السياره بس محمد مراح على طريق البيت راح على غير طريق
عبير:-منوين رايح محمد
محمد:-رايح لي مكان نوكف بيه شوي ونتكلم
عبير:-بشنو نتكلم لا تكلي الحب
محمد:-ايه الحب ونتي لازم تسمعيني
عبير:-محمد اطبك ما اريد اسمع شي
محمد:-ما اطبك لحد متكليلي ليش متحبيني
عبير:-اني ما افكر بلحب وبس اطبك راح تكلبنه
محمد:-لا هاذه مو عذر لازم اكو شي(وكام يمشي سريع كلش)
عبير:-هيه كوه ما احبك ياخي افهم
محمد سمع حجيها هيج طبك السياره وكلها
محمد:-اني ما درت شي منج بس انو انتي تكليلي ليش ما تردين تفكرين اصلن او تنطين فرصه لروحج
عبير:-محمد اني ما اصلحلك ولا اصلح الغيرك والموضوع كلش جبير وخطير ما تتصوره
محمد:-ياستار شكو شنو الموضوع
عبير:-ما احب احجيه عوفني بحالي
محمد:-لا اله تحجين شنو
عبير:-محمد اني ما اريد اضل وياك مو خاف تتعلق بيه هواي وضل تحبني واحبك واني
محمد:-ايه شبيج انتي
عبير:-اني ما اصلح للزواج لن اني مريضه بمرض الايدز
محمد انصدم من الي سمعه ومعرف شنو يكول لو يسوي ضل صافن عليها ومحجه اي حرف وشغل سيارته وراح يوصل عبير والطريق كله ما احد باوع للثاني ومن نزلت عبير يم بيتهم كلتله
عبير:-محمد ليروح بالك بعيد اني منتقلي المرض عن شي حرام او مثل ما تفكر انته اني مجرد خطا صار واني صغيره نقلولي دم والدم طلع بيه مرض فارجوك لا تتصور اني بنت مو زينه او اطلع معه شباب ارجوك لا تتصور هيج وارجوك انو هاذه الشي يضل بينه وما تكل لي احد
محمد محجه شي ابد وما كدر حتى يباوع بوجها وشغل السياره ومشه وعبير دخلت للبيت تبجي وهلها سئلوها ليش تبجي ومردت عليهم ودخلت لي غرفتها وسدت الباب ومحمد هم وصل لي بيتهم ضايج كلش ومصدوم من الي سمعه وبعده لي هسه ما مصدك الي سمعه منها ومصدوم كلش ضل كاعد ويفكر بكلامها هل صحيح او انو هيه تكذب وهل صحيح منتقللها المرض عن طريق الدم او انها تكذب ضل حاير شنو يسوي يعني البنت الي حبها يطلع معها هيج شي خطير ضل كاعد ونام وثاني يوم راحزللكليه واول مدخل بسيارته لكه عبير تباوعله بنضره اسف وعتذار
هوه دخل ومحاجاها ودخل كبل للمحاضره وطلع منها ومحاجاها عبير تباوعله من بعيد وبدها تحاجيه بس متكدر تروحله لحد ما هوه باوعلها وصاحلها
عبير:-ها محمد
محمد:-عبير انتي صدك بيج هاذه المرض
عبير:-ايه بيه
محمد:-وهوه خطير على حياتج
عبير:-ايه الدكتور كال العمر ميتجاوز ال 30 وتموتين
محمد:-شنو تموتين
عبير:-ايه هوه مرض يدمر الجهاز المناعي يعني اي جرثومه ممكن تموت ومكضيتها بس ابر
محمد:-ما ادري شنو اكلج بس صدمتيني
عبير:-محمد ارجوك لتكل الواحد بلموضوع تره تعرف الجامعه الخبر يطش بسرعه ويفهمونه غير شي وتخرب سمعتي
محمد:-اكيد ما اكول لي اي شخص
داومو طبيعي بيومها وثاني يوم عبير راح لي المستشفى حتى تسوي فحوصات وهناك كان بلصدفه احد من طلاب الكليه هوه يعرف عبير بس هيه متعرفه فكال هاي شسوي هنا ضل يتابعها لحد ما دخلت للدكتور وطلعت وهيه طالعه طاحت منها ورقه الولد اخض الورقه وفتحها ونصدم من الي قراه ومصدك رجع قره مره ثانيه وشاف انو هيه مريضه بي الايدز ضم الورقه ورجع لبيتهم وثاني يوم نشر الخبر بلكليه كلها وكل الجماعته وشوي شوي كام الخبر ينتشر لحد موصل لي خالد ومحمد خالد مصدك وكل لمحمد
خالد:-محمد صدك عبير بيها ايدز
محمد:-ايه بيها بس ليروح بالك بعيد
خالد:-اشلون ميروح لك هاذه ايدز
محمد:-شبيك خالد البنت ويانه صارلها سنه شفت عليتا شي هوه مجدر خطا صار وهيه صغيره وصار بيها هيج
ضلو شوي وذا بي عبير تجي للكليه بسيارتها والشباب كلها التمت عليها ويباوعولها والبنات يحجن عليها وهيه لاحضت انو في شي غريب واجه محمد وخالد الها وكلتلهم
عبير:-محمد شكو شنو صاير
محمد:-عبير الخبر طش بلجامعه والكل صار يدري بيج
عبير انصدمت وصارت تبجي وصعدت سيارتها ورجعت للبيت وضلت مداوم ومحمد يدك عليها ومترد ضلي يدك كل ساع ومترد عليه لحد ما ردت عليه وكلتله
عبير:-شتريد من وراك خربت سمعتي
محمد:-عبير والله اني مكلت شي مو اني
عبير:-جا منو اليعرف ماكو واحد يعرف بس انته بلموضوع
محمد:-ما ادري بس يكولون واحد شايفج بلمستشفى
عبير:-محمد اني بعد ما اكدر اداوم لن ما اكدر اشوف نضراتهم عليه عبالهم اني مو خوش بنت وطلع ويه شباب ويروح بالهم بعيد
محمد:-لا انتي لازم تداومين حته يسكتون تره كم يوم وينسون
عبير:-لا اعذرني بعد ما اكدر
محمد:-بلا حجي زايد اني باجر امر عليج واخضج وياي
عبير وافقت وثاني يوم اجه محمد واخضها وياه
للكليه ودخلو سوه للكليه والينات والشباب كلها تباوع عليهم ويحجون عليها وذا شوي وتجي بنت اكبالهم وتكلها انتي متستحين تجين وفوكاها تمشين ويه محمد يعني فوك العلاقات العندج فوكاها تردين تطيحين محمد هم
عبير كامت تبجي ومحمد كل للبنت انتي مالج غرض بينه وهتمي بامورج بس وكملو طريقهم وعبير بهدهي تبجي ومحمد كلها
محمد:-عبير لتبجين كافي
عبير:-محمد مسمعتها شتكول
محمد:-مالج شغل بيها مثل مكتلج كم يوم وينسون الموضوع
وبعد شويه اجتي نرمين على محمد
نرمين:-مرحبا محمد
محمد:-هلو نرمين اشلونج
نرمين:-اني زينه بس انته اشدعوه عليك لاسئلت لا خابرت
محمد:-عندي شغل هليام
نرمين:-اشبيها عبير تبجي
محمد فهمها السالفه كلها وكلها انو مريضه
نرمين:-لا خطيه
راحت نرمين حته تحجي ويه عبير
نرمين:-مرحبا عبير
عبير:-هلو نرمين
نرمين:-حبيبتي لتزعلين تره كم يوم وينسي الخبر
عبير:-شينسي بعد ما الكليه كلها كامت تحجي عليه
نرمين:-لتخافين راح ترجعين قويه مالج غرض بيهم
نرمين راحت وودعتهم وعبير كلت لمحمد يوصلها للبيت وراحت للبيت ومن يومها عبير قفلت جهازها وضلت متجي للكليه مر على غيابها سبوع ومحمد يتصل عليها وما ترد وحته خالد هم يتصل عليها ومحد رد وبعد كم يوم وصل اتصال لي محمد بانو عبير ماتت وماتت متئثره بمرضها محمد مصدك الي سمعه وضل يبجي عليها ويصيح وخابر لي نرمين وخالد وكلهم وجوه وراحو لي بيت عبير وكامو يبجون عليها وتئثرو على موتها ومرضها وندفنت عبير ونتهت حياتها بعد اسبوع داوم خالد ومحمد ودكو قطعه بباب القسم حداد على مماتها وصورتها وكاتبين جوه انو اتئثرت بي مرضها الي حرمها سعادتها والطلاب بعد مقرو الافته اتىثرو هوايه عليها وتمنو انو ما حاجين عليها ابد والكل كان ضايج عليها لن قصتها قصه موئلمه كلش وبعد مرور سنه خالد تزوج من بنت عمه وكمل دراسته الجامعيه
ومحمد تزوج من نرمين وهم كمل دراسته بس خالد ومحمد ونرمين ابد منسو صديقتهم الي فقدوها بسبب حجي الناس وفهم الناس الخاطئ تماه المرض وعدم تقبلهم للمصابين بي هاذه المرض...

"النهاية"
___________________________________
"العبرة من القصه"
انو مجتمعنه ميتقبل المصابين بي مرض الايدز ودائمآ حسبالهم انو المصاب بي هاذه المرض انو ينتقل بطريقه غير شرعيه ومحرمه والناس تضل تستحقر هاذه المصاب وميدرون انو المرض ينتقل عن الوراثه من الام للولد او عن طريق نقل الدم وثانيآ انو الشخص حتى لو اخطا ونتقله المرض تره الله الي يسامح منو انته حته ما تسامح وتضل تستحقر المريض

{اذا عجبتك القصه انشرها بس لتنسه الحقوق والتاك}