اياد
كانت تتحدث مع الحقير تيم امامي كنت اشتط عضبا لا استطيع ان اراها تتغزل به .... انهت المالمكه معه وابتسمت لنا وقالت
ملاك : بيبي اني حرورح ويه تيم بعد شويه يجي ياخذني
جدتي : شنو ... بعد وكت هستوج اجيتي
ملاك : يي مو اليوم على الاساس اتفقنه نطلع ونسيت واجيتج
جدتي : لا ماكو روحه ضلي يمي اليوم
ملاك : لا بيبي خطيه والله يضوج
جدتي : وضوجتهم خل يولي هذا الملطلط مدري شعجبج بي
ملاك : يااا شنو ملطلط ... بعدين كله يعجبني هذا الحب مال اني
جدتي : استحي ولج .... شلون جيل تتغزل بخطيبهه كدامي
ملاك : وهاي انتي كلتيهه خطيبي ... يعني عادي
جدتي : لا مو عادي كدامي متتغزلين بي افتهمتي ولا كدام اي واحد ...
ملاك : فديتج بيبي شكد صايره معقده 😁
جدتي : لج لسانج الطويل يرادله كص
ملاك : كص دجاج كص لحم 😂😂
جدتي : يااا لج فوكاهه تحششين عليه اني اعلمج
ملاك : لا لا خلص سكتت قبلتها من جبينها 😘 .... اتصل تيم قلت لجدتي .... يلا بيبي تيم وصل اني رايحه
جدتي : الله وياج
اياد
بعد ان خرجت نظرت لجدتي بحزن وقلت .... شلون تردين اسكت واني داشوفهه تتغزل بي كدامي شلون ...
جدتي : حبيبي اصبر والصبر مفتاح الفرج ...
اياد : بيبي ملاك اذا مصارت الي مراح تصير لغيري لو اقتلهه هي ويا لو اقتل نفسي
جدتي : ابني شنو هالحجي ميصير بعدين كلشي قسمه ونصيب .... واذا هي من نصيبك لو شيصير راح تكون الك
اياد : انشالله تكون الي ومن نصيبي ...
.
.
.
ملاك
ذهبنا لمطعم لتناول الغداء هناك .... كانت هناك فتاة تجلس امام تيم وتنظره له .... نظرت له كان ينظر لها ايظا....شعرت انني احترق من داخلي قلت له بغضب ... شنو اني ما ماليه عينك استاذ تيم
تيم : هااا ... شنو كلتي
ملاك بغضب : يي طبعا متدري شنو كلت ... ملتهي تباوع على ست الحسن والجمال
تيم : اني اباوع لا ... جنت صافن
ملاك بغضب : لشوكت تضل هيج ... شوكت راح تتغير فهمني
تيم : انتي شبيج كل ما نطلع تكلبين الطلعه عركه
ملاك : تره تعبت من تصرفاتك وين ما نروح تضل تباوع على البنات ولا كأني موجوده يمك وفوكاهه تكلي راح اروح للحمام وتروح تنطيهه رقمك واسكت واكول بعدين يتغير بس ماكو فايده ذيل الجلب عمره ما ينعدل
