هلاو قصةة وجن الليل قصه كلش حلوة ومشوقه تحجي عن الحب والصبر والتعب والامل وكل شي
احداث هاي القصه تقريبا حقيقيه بس حلوة حيل وان شاء الله تعجبكم...
ماريا بنوته كولش حلوة مهتمه بدراستها وحياتها عبارة عن ضحكة وطبعا هيه كولش حلوة وماريا مؤدبه ومتحجي ويه ولد لان تشوفها مجرد تضيعه للوكت وراح تتاذه بالنهايه ومتريد تخسر ثقه اهلها بيها
ماريا مدلله عند اهلها ماكو بس هيه وامها وابوها وكلش يحبوها
جوليا صديقه ماريا المقربه كلش بحيث كلشي تحجيلها وتوثق بيها وتحبها كلش ودائما سوه
طبعا اهل ماريا مو كلش اغنياء يعني عل كد حالهم عندهم محل مال مواد غذائيه وعايشين عليه
ام ماريا:ميمي كومي يله صارت دنيا ظهر وانتي نايمه كومي سوي شغله
ماريا:هفف ميصير الواحد ينام عدل بهل بيت
كامت ماريا وغسلت وجهها وراحت تتريك
دك التلفون
ابو ماريا:بابا جيبي التلفون من يمج
ماريا:اكيد بابا حاضر
رد ابو ماريا عل التلفون
ابو ماريا:السلام عليكم تفضل ..شنوووو ليش فهمني شصار ..يعني شنو تسدوه ...ليش شسويت اني...رافع دعوة منو
ابو ماريا عصب كلش وكام ميعرف شيحجي وماريا:
كلش خفت بوكتها لما بابا عصب لان اول مرة اشوفه بهاي الحاله ومتوتر كلش وامي مريضه بيها ضغط فخفت حيل ليصير بيها شي وماجنت اعرف شسوي بلحضتها حسيت انو عائلتي منهارة كلش وماكدر اسوي شي ماعرف شاتصرف بقيت اهدي امي
ام ماريا:
حسيت بشي غريب لما عصب ابو ماريا دخت كلش وخفت ليكون صاير شي او خسرنة شغلنه او شي ميت شغله وفكرة اجت ابالي شون حنعيش منين حنصرف عل ماريا بس جنت ادعي انو ماكو شي
كمل ابو ماريا الاتصال وغلق التلفون
ماريا وامها ركضوا عليه: ها شكو شصاير بشرنة شنو المشكله....
