اياد
رجعنا الى العراق وتحديدا نحن الان في بيت جدي ... رحبت بنا جدتي بحراره ... جلسنا في صاله الطعام وتناولنا الغداء وبعد ان اكملنا تناول الغداء طلبت جدتي ان الحقها ذهبت خلفها حتى وصلنا الى غرفتها دخلت واغلقت الباب
جدتي : اياد حبيبي شبيك اشوفك ضايج
اياد : لا بيبي مابيه شي لا ضايج ولا شي
جدتي : لا ضايج احجيلي ملاك هي السبب مو
اياد : بيبي ملاك مستحيل تكون سبب تعاستي بالعكس هي سبب سعادتي واني كولش فرحت بالايام الي قظيتها وياها
جدتي : بس تعابير وجهك تبين العكس انت تعبان حيل واني متأكده انو ملاك السبب
اياد : اني خلص مليت حاولت وياها بس ماكو فايده
جدتي : 😤 يعني هاي البينه ماكو من وراها بس الاذيه
اياد : خلص اني قررت ان ارجع للندن واطلقهه
جدتي : لا هذا قرارك غلط بعدين لهدرجه انت ضعيف ومتكدر تخليها تحبك
اياد : الحب مو بالغصب هي متحبني ما اكدر اجبرهه انو تحبني بعدين اني تعاملت وياها احسن معامله وجانت تحجي وياي كلام قاسي واتجاهل الكلام بس علمود لا اجرحهه
جدتي : انت الي ردتهه وهي عنيده وراسهه يابس اني الي مربيته واعرفهه بس بنفس الوقت قلبهه طيب ومتكرهه احد واذا تحب شخص تكابر ومتكوله احبك
اياد : واني شنو ذنبي علمود تكابر علي ما اذيتهه بشي ليش تأذيني
جدتي : خلص حبيبي صار الي صار ارجع فكر وبهدوء ولتستعجل بقراراتك ابد لأن العجله تولد الندامه
اياد : لا اني مستحيل اضل هنا بعد واليوم راح ارجع للندن واخلص من هذا العذاب اني اصلا رجعتي لهنا كلهه غلط بغلط... خرجت من الغرفه ومن المنزل كله ذهبت الى مكتب الحجز وحجزت رحله للندن وكانت رحلتي الساعه 2 بعد منتصف الليل ... رجعت لمنزلنا انا وملاك رأيتها هناك ... انتي شوكت اجيتي
ملاك : قبل ساعه اجيت شفتك ماكو كلت يمكن رجعت للبيت ومن اجيت هم ما لكيتك وين جنت
اياد : صارت عندي شغله قضيتهه واجيت
ملاك : اها
اياد : ملاك روحي يم امج اكيد انتي مشتاقتلهه
ملاك : يي صح اني مشتاقتلهه بس هستوني اجيت من عندهه
اياد : ميخالف اليوم اقضي يمهه
ملاك : لا اريد اليوم ابقى هنا وباجر اروحلهه
اياد : اوك براحتج
ملاك : اكتشفت انني مغرمه به وقررت ان اعترف له يوم غد قلت له انني سوف اذهب عند والدتي وعندما يخرج للعمل ارجع الى هنا واجهز المفاجأه له ... كنت مغرمه منذ فتره لكني لا اريد ان اتنازل واقول ذلك ....
