Pangarap Lang Kita™ {One-Shot} ✔

“Pangarap Lang Kita”

An Official Entry for “Wattpad Got Talent”

“Mini Prologue“

Noon pa lang, mahal na kita.

Pero hindi ko magawang masabi dahil ayaw kong masaktan,

Sa oras na hindi mo matanggap na mahal kita.

At ang masaklap pa ‘dun, baka iwasan mo na ako.

Kaya mas mabuti na lang kung hanggang tingin na lang ako.

Dahil langit ka at lupa ako, hindi tayo para sa isa’t-isa.

I don’t believe in magic.

Maaaliw nga tayo nito, pero ang totoo niyan, niloloko lang pala tayo.

Love is the reason itself.

At alam ko kung tayo ay para sa isa’t-isa, tayo ay mangyayari.

Ewan ko kung matatanggap ko, basta para sa akin,

“Pangarap Lang Kita”.

- - - - - - - - - -

“Dear Diary,

Ito ang kauna-unahan kong mga salitang naisulat simula ‘nung ibinigay ka sa akin ni crush noong Christmas Party. Buti na lang at ako ang nabunot niya. At least may remembrance ako mula sa kanya kung hindi man kami magkakatuluyan. Malabo kasi ang kami ehh. Hindi nga sana kita gagalawin eh, kaso lang nasasayangan ako. Di bale na lang, ano kaya ang ipapangalan ko sa’yo? Kung Lance kaya? Ay, ‘wag na! Masyadong obvious! Uhm, alam ko na! Simula ngayon, ang tawag ko sa’yo ay ‘Crush’! Okay ba ‘yun?! Sige, hanggang dito na muna sa ngayon! Bye!”

Ay, ako nga pala si Gail Sophia de la Cruz. Ako ‘yung nakababatang kapatid ni Juan de la Cruz. ‘Yun oh! Biro lang, naniwala ka naman. Ako lang ang unika-iha sa pamilya at ako lang rin ang natatanging anak. Pwes, kung may tanging ina, hindi nagpapatalo ang tanging anak! Well, dahil sa hindi ako abnormal, may crush ako. Napilitan lang, sabi kasi nila abnormal ang wala. Joke lang! Hindi ko kasi mapigilan ang tibok ng aking puso eh. *Tugs! Tugs! Tugs!*. Ang sinisigaw lang naman nitong puso ko ay si Lance Salazar. Kung makikita niyo lang siguro siya, paniguradong magkakacrush rin kayo sa kanya. Pero wala na ha!? Taken na siya dahil akin na siya ok?! Pasensya na kung assuming ‘to.

Maiba naman tayo. Ako ‘yung sinasabi nilang pinakamaganda sa campus na may busilak na kalooban. Paano ba naman kasi, bihira lang daw ang mga babaeng tulad ko. Swerte nga lang ang lalaking makakabihag sa puso ko. Sana si Lance, sana siya nga.

Papunta na ako ng school ngayon, pero bago ‘yan, magsusulat muna ako sa diary ko.

“Happy Valentine’s Day!”, sabi ng mga mag’jowa sa campus habang ako nama’y naglalakad mag-isa.

“I love you babe!”, sabi naman ng iba pang magkasintahan.

“Flowers for you!”, sabi naman ‘nung iba.

“Chocolates oh! Mwaaah! I love you dear!”, sabi rin ‘nung iba.

‘Yung iba naman nagbibigayan ng mga rosas at mga teddy bears. Kakainggit nga eh! Tss. Sige! Kayo na ang may love life. Pero dahan-dahan lang ha? Baka langgamin kayo diyan!

Naglakad pa rin ako hanggang sa nakabangga ko si Abby de la Vega. Ang isa sa mga sikat na babae sa school. Halos lahat ng clubs kasali siya, pero pinakasikat siya dahil sa mayaman siya and I believe that rich kids have nothing, but fake friends! Total opposite kami! Kung ako ay may kagandahan, alam niyo na siguro kung ano siya. Kung ako ay mabait, paniguradong alam niyo na ulit kung ano siya. Siya nga rin pala ang matindi kong kalaban o rival sa batch namin, 1st honor siya at ako naman 2nd lang.