Hindi ko alam kung paano ko ba masisimulan
Ang pagsulat ng mga katagang may tugmaan
Walang matinong inspirasyong maaaring mapagkunan
Kaya ngayo’y nga-nga at aasasa sarili lamang
Naiinis lang ako sa mga inspirasyon nila
Puro pag-ibig na para sa akin ay walang kwenta
Ano naman ngayon kung malaman nilang mahal mo sya?
Kapag siya ba ang naka-alam ay may mag-iiba?
May iba naman na kalikasan ang pinupuntirya
Maka-sermon naman akala mga malinis sila
Pero teka lang nga, lahat naman tayo ay may sala
‘Wag ng subukang magsisihan at matuto ka na lang
May iilan namang pamilya ang gamit na sandata
‘Sang pasasalamat sa pagmamahal na bigay nila
May iilan rin namang gamit ang Dakilang Lumikha
Paghingi ng papuri at patawad sa ‘Syang Gumawa
Hindi akoisang kritiko o isang manloloko
Gusto ko lamang ihayag ang mga napapansinko
Walang masama dahil malayang bansa ang bayan ko
Opinyon lang naman, ‘wag sana uminit ang ulo mo
At sa wakas ay matatapos na rin ang tulang ito
Salamat sa atensyon mo na basahin ang obra ko
Hindi ko alam kung anong reaksyon mo sa gawa ko
Tanging hiling ko’y nasiyahan ka sa pagbasa nito
