Desde antes y aura puede tu mira
Cun orgullo y honor ta levanta
Maskin de langrimas cun este ta enfrenta
El fe y union del uno’y otro ay liga
Desde na lejos y sercanos evacuante y familia
Amediante man el aguaserro , quema y Guerra
Ta uni maskin grande ya lleva estruendo
Na maga hente pobre y rico
Egual tan ayudahan y tan junto-junto
Para bien beneficio y efectivo para na todo
Ta pricura ase hatud el paz cun esfuerzo
Na diela accion y ondo reso
Hinde man bueno y criste kita cun este ta sinti
Hinde te cun atun sangga para vivi
Cun el maga bata ta canta cun esperanza que bale uwi
Cun el maga soldao, opisyal y normal individual que ya rindi
Diela todo-todo fuerza y amor qien ta uni aqui
Canatun mga vivientes de Zamboanga kita ay subi
Ariba Zamboanga !!!
Photo Credits : Hannah Mirriam Cuna
