#دامت لي❤

‫#‏دامت_لي‬👑
"في احد الاحياء الراقيه بمدينه القاهره يسكن السيد فتحي بصحبه زوجته السيده داليا،،التي تحمل في احشائها طفلا في اوائل شهرها التاسع....كان فتحي يعشق زوجته كثيرا،،فقد تزوجها بعد عناء،،حيث تم رفضه اكتر من ثماني مرات لانها الابنه الوحيده لوالدها ويرفض تزويجها لاي شخصا عادي وخاصه لو كان من الطبقه المتوسطه ويحميها قدر المستطاع وخاصه بعد وفاه والدتها ولكن فتحي لم يكل ولا يمل فظل يتردد علي بيت والدها ،،حتي شعر والدها بحبه الصادق لها فوافق ،،وقد تم تزوجيهما منذ تلاته اعوام مضت،،في ذلك الوقت كانت تعاني داليا من تعبيرات اهل زوجها الفظه معها لانها تأخرت كثيرا في حملها،،ولكنه كان يساندها دائما ويرفض مضايقتهم لها،،حتي قرر اخذها ليبتعد عن بيت اهله"
"كانت تجلس داليا في غرفه الجلوس،،تتابع الكرتون،،وفي تلك اللحظه دلف فتحي الي داخل المنزل فوجدها تجلس امام التلفاز ثم اقترب منها دون ان تشعر به لعشقها لمتابعه افلام الكرتون"
فتحي بحب وهو يهمس في اذنها:وحشتيني
داليا وهي تنتفض من مكانها:يا مامي ،،حرام عليك يا فتحي ،،خضيتني بجد
فتحي بضحك وهو يحتضنها:الف سلامه عليكي من الخضه وبعدين مش هتبطلي تتابعي كرتون بقا يا قلبي،،انتي اتجوزتي وبقيتي حامل مش ملاحظه كدا!!
داليا بزعل مصطنع:لا مش ناويه ابطل،،وانت اصلا لو بتحبني هتتابع معايا الكرتون ،،علشان تسعدني،،المفروض اللي انا بحبه انت تحبه
فتحي بضحك وهو يقبل وجنتيها:وربنا بحبوا اوي،،وهو اصلا حلو وزي العسل
داليا بضحك:هو مين دا!!!
فتحي متابعا:الكرتون يا دودو،،ثم قام باغلاق الهاتف متابعا:دودو وانا داخل شوفت فار تحت الانتريه اللي انتي قاعده عليه بس خوفت اخضك
داليا وهي تنتفض من مكانها ثم اتجهت اليه وامسكت بيده:فين دا!!!
فتحي مكملا:انا من رأيي ندخل نستخبي في الاوضه،،وكدا بقا الفار مش هيعرف يوصلنا،،علشان الفيران بتحب تاكل شعر البنات الحلوه،،وخاصه بقا لما يكون طويل وناعم و...
داليا مقاطعه وتكاد تبكي:بس بقا خلاص،،انا خايفه ،،يلا ندخل جوا
فتحي بخبث:شطوره يا قلبي،،ثم قام بحملها واتجه الي الغرفه واثناء سيره هتف قائلا:بعشقك يا ذات الشعر الكريستالي
"وبالفعل دلف فتحي الي الغرفه بصحبه زوجته ثم هتفت هي قائله:انا عاوزه اقص شعري،،علشان طويل ومش مستحملاه في وقت الحمل
فتحي هاتفا في غيظ:انا متجوزك علشان شعرك اصلا،،لو قصيتيه هتروحي عند ابوكي
داليا بصدمه:بقا كدا!!!!
فتحي وهو يقترب منها بحب قائلا:اه هو كدا يا بطتي ثم قام بتقبيل جبينها قائلا:ربنا يديمك عليا نعمه
*********
" في صباح اليوم التالي استيقظت داليا علي صوتا تعشقه كثيرا ثم قامت بفتح اعينها بسرعه شديده وهي تنظر لزوجها وهو يحرك اكياس الشيكولاته بين يديه ليوقظها ،،فلقد اعتاد إيقاظها بهذه الطريقه"
داليا وهي تنظر للشيكولاته بعشق:واو شيكولاته،،هاتها
فتحي بضحك:لا ابدا ما يحصل لما الاقيكي قومتي من السرير دا خالص
"داليا وهي تقفز بسرعه مبتعده عن السرير،،وهنا هتف هو قائلا:براحه يا مجنونه ،،علشان البيبي
داليا بفرحه:طيب ،،هات بقا الشيكولاته بتاعتي
فتحي بضحك:اتفضلي يا قلبي،،تعرفي يا دودو انا بعشق طفولتك دي وتفاصيلك اللي دايما بتثبتلي انك نضيفه من جواكي،،وبتاكدلي اني مينفعش اتعامل معاكي علي انك مراتي،،انا مبسوط وانتي بنتي،،وبجد كان نفسي البيبي يكون بنوته شبهك بكل تفاصيلك وشعرك الكريستالي الطويل دا،،كان هيبقي عندي بدل ملكه الجمال ،،اتنين
داليا وهي تحتضنه:وانا مبسوطه ،،اني هجيب ولد علشان يكون شبهك كدا،،والجوله القادم ،،بإذن الله تكون بنوته
فتحي بضحك:يا كريم يارب💜،،يلا بينا بقا نفطر علشان عندي شغل والحج ابوكي مبيحبش التأخير
داليا متابعه:انت جوز بنته،،اتأخر براحتك وبعدين بابا بيديك العذر،،علشان عارف اني في الايام الاخيره من الحمل وانت بتحب تكون جنبي
فتحي متابعا وهو يمسك يدها ويصطحبها خارج الغرفه:كل دا زي الفل ،،بس الشغل شغل يا دودو
*******
"علي الجانب الاخر في شركه والد داليا " اسامه"،،لصناعه الملابس،،كان يجلس في مكتبه،،واثناء جلوسه طرق احدهم الباب ،،فسمح له بالدخول"
وائل متابعا:الشحنه اللي حضرتك مستنيه وصلت يا فندم
اسامه متابعا:تمام اوي انا جاي وراك اتفضل انت
"خرج وائل من المكتب وقرر الاتصال علي صديقه فتحي،،وائل هو صديق فتحي المقرب فقد تعرف عليه عندما جاء للعمل هنا بعد زواجه من داليا كمحاسبا للشركه لانه خريج كليه التجاره،،ووائل يعمل ك سكرتيرا خاصا للسيد اسامه،،وهو متزوجا من عامين ولديه طفلا يسمي" محمود في عامه الاول"
وائل متابعا:ايه يا بني ،،انت فين كل دا
فتحي:انا خلاص نزلت من البيت اهو وجاي في الطريق
وائل متابعا:تمام اوي ،،مستنيك
*****
"في منزل عائله فتحي كانت تجلس والدته بصحبه ابنتها سحر حتي تابعت قائله:قوليلي بقا هي السنيوره ،،هتولد ع امتي كدا ان شاء الله!!!
سحر متابعه:علي اخر الاسبوع يا ماما وبعدين حرام عليكي داليا مفيش اطيب منها،،مش عارفه ليه متحبيهاش يا امي
الام متابعه:يعني مانتيش عارفه،،خدت اخوكي مننا وخلته اخدها وبعد عننا،،وعوزاني احبها
سحر بنفاذ صبر:يا امي هي ملهاش ذنب فتحي هو اللي قرر ياخدها ويمشي،،علشان هي بتتعب بسرعه وكل اللي في البيت بيضايقوها،،فهو اتجنب كل المشاكل دي
الام متابعه:هي البت دي عملاله عمل ،،انا عارفه،،اصل مش معقول واحد يحب واحده بالطريقه دي!!!
سحر بضيق:داليا ملهاش في كل دا،،ولو هي عملالوا عمل زي ما بتقولي يبقي استخدمت طيبتها وحنيتها،،هي اكبر بكتير من الكلام دا يا امي،،حاولي تقربي منها وانتي تعرفي اد ايه هي جميله
الام وهي تنظر لها بضيق:قومي يا زفته اعملي الاكل،،ابوكي زمانه جاي
******
"وبعد مرور ثلاثه ايام كانت داليا تجلس في غرفتها وهي تبكي بهستيريه من شده الالم،،فقامت بإلتقاط هاتفها،،ثم حادثت زوجها"
داليا ببكاء:الحقني يا فتحي،،انا تعبانه اوي،،حاسه اني هولد
فتحي بفزع وهو يهرول خارج مكتبه:طيب طيب اهدي ،،خمس دقايق وهكون عندك يا داليا،،واثناء ذهابه اوقفه وائل قائلا:بتجري كدا ليه!!!
فتحي وهو يكمل سيره في عجل قائلا:داليا شكلها هتولد
وائل متابعا:طيب الحق روحلها وانا هكلم هاجر مراتي وهنحصلك
فتحي متفهما:ماشي
*****
"وصل فتحي الي منزله وقام بفتح باب المنزل بنسخته الخاصه،،ثم دلف الي غرفه زوجته ليجدها ملقاه علي الارض،،والدماء تحاوطها من جميع الاتجاهات ،،ثم نظر لها في ذهول ليجدها تنظر له وهي تشير الي الطفل الموضوع بجانبها،،ثم فقدت الوعي بعدها،،تاركه إياه وسط ذهوله،،ولكنه اسرع في الاتصال علي الطبيب الخاص بمتابعه حالتها وطلب منه المجيء علي الفور،،وبعد مرور فتره من الوقت جاء الطبيب علي الفور وتابع عمله مسرعا"
فتحي في خوف:هي داليا مش بتفوق ليه يا دكتور!!!!
الطبيب بهدوء:متخافش هتبقي كويسه دلوقتي ،،بس هي هتاخد وقت علشان تفوق،،والحمدلله وضعت بسهوله جدا
فتحي بارتباك:ازاي يا دكتور انا جيت لقيت البيبي جنبها!!
الطبيب بابتسامه خفيفه:دا شيء عادي،،انا بمر بحالات كتير زي دي،،واحيانا في ازواج مش بيلحقوا ياخدوهم للمستشفي،،فبيساعدوا زوجاتهم في الوضع،،متقلقش ساعه بالكتير وهتفوق
فتحي بارتياح:ربنا يطمن قلبك يا دكتور
"وفي تلك اللحظه قدم وائل بصحبه زوجته هاجر وطفلها محمود،،وبعد مرور اقل من ساعه استيقظت داليا وهي تهتف باسم زوجها،،وما ان سمعها حتي هرول اليها"
فتحي هاتفا:دودو حبيبتي ،،حمدلله علي سلامتك
داليا بابتسامه خغيفه:الله يسلمك،،انا عاوزه اشوف ابني
وفي تلك اللحظه جاءت هاجر وهي تحمل الطفل بين يديها ،،ثم وضعته بين ذراعي والدته قائلا:تتربي في عزك
داليا وفتحي في نفس واحد:تتربي!!!!
هاجر متابعه في استغراب:في ايه يا جماعه،،ايون بنوته زي القمر
وهنا هتف فتحي في سعاده:انتي اكيد بتهزري
هاجر بضحك:لا مش بهزر،،هو انت ماخدتش بالك
فتحي متابعا:لا ما انا كنت مخضوض علي داليا،،ومركزتش خالص
وائل مقاطعا:طبعا انت كان نفسك في بنوته،،مبروك يا صاحبي
فتحي في سعاده وهي يحتضن زوجته وابنته:انا بجد فرحان اوي،،واخيرا بقا عندي ملكتين،،وعلشان كدا هسميها فرح
"في تلك اللحظه هتف احدهما قائلا:وكمان سميتها فرح وكل دا في غيابي
فتحي وهو يقترب من اسامه قائلا:معلش بقا يا حج من فرحتي،،ثم قام باحتضانه في سعاده
" وبعد مرور عام"
كانت داليا بصحبه ابنتها في بيت اهل زوجها،،وقامت والده فتحي بتوبيخها دون ذنب كعادتها،،مما احزن داليا بشده،،وقررت الذهاب عائده الي بيتها"
سحر بحزن متابعه:بالله عليكي يا داليا متزعليش من امي،،ما انتي عرفاها
داليا بحزن:عادي اتعودت،،وبعدين لازم امشي علشان،،اعمل اكل لفتحي قبل ما يرجع
سحر وهي تطبع قبل علي جبينها:علشان خاطري متزعليش يا دودو،،وان شاء الله كمان يومين وهاجي اقعد معاكي شويه
داليا بابتسامه باهته:تنوريني يا سو وهستناكي
"ذهبت داليا خارج المنزل بصحبه ابنتها وقامت بقياده سيارتها عائده الي منزلها،،واثناء قيادتها للسياره اخذت تبكي بشده علي كره عائله زوجها لها دون سبب،،فهي لم تفكر قط ان تسيء لهم،،ودائما تعاملهم بالحسنه،،وكانت تتمني انت تجد في والده زوجها تلك الام التي افتقدتها منذ وفاتها وهي تبلغ من العمرعاما واحدا
" واثناء شرودها فيما حدث،،وجدت نفسها امام عربه نقل كبيره،،وقد ارتطمت السياره بشده،،وفي تلك اللحظه تجمعت الماره حول السياره ليجدوا السياره محطمه بشده ماعدا الجزءالخلفي الذي وجد فيه الطفله،،وشاء الله ان لا يصيبها اي مكروه،،ولكن داليا فارقت الحياه،،تاركه ورائها زوجا لا يطيق بعادها ثانيه واحده وطفله سوف تعاني ما عانته هي من قبل"
"علم فتحي بخبر وفاه زوجته،،فتدهور حاله بشده،،ولاول مره يبكي فتحي بكاءآ مريرا،،علي فقدان اعز شخصا يملكه ولكنها لم تريد ان تتركه وحيدا،،فقد تركت له نسخه مصغره منها،،تسانده علي تحمل فراقها"
"وبمرور الايام علم فتحي ان والدته هي اكثر شخصا،،اساء الي زوجته وكانت سببا في وفاتها،،فقرر الابتعاد بإبنته،،حتي لا تشعر بكره عائلتها لها،،وتنمو في حاله نفسيه سيئه"
"داخل مكتب اسامه"
فتحي مكملا:كدا يا حج هكون مرتاح،،وانا اصلا محتاج ابعد ببنتي واغير جو
اسامه متابعا:يعني انا اتحرمت من بنتي،،وكمان عاوز تحرمني من حفيدتي
فتحي متابعا بابتسامه باهته:ابدا يا حج ،،مستحيل احرمها منك،،انا هشتغل في فرع الشركه ببورسعيد تجنبا للمشاكل،،وهنجيلك علي طول
اسامه بتفهم:اللي يريح يابني بس خلي بالك من فرح،،ودا مفتاح بيتي اللي في بورسعيد
فتحي مبتسما:ربنا يخليك لينا يا حج
اسامه متابعا:ويسعدك يبني ويصبرك
"علم وائل بخبر نقل صديقه الي بورسعيد فقرر تقديم طلب نقل معه في نفس البلد،،فوافق اسامه علي طلبه،،لعلمه بشده حب وائل لصديقه"
*********
"وبعد مرور عشرون عاما"
"دلف فتحي الي المنزل فوجد ابنته تجلس امام التلفاز وما ان رأته حتي هرولت اليه وقامت باحتضانه قائله:بابتي حبيبي وحشتني
فتحي وهو يبتسم بشده وقد ظهر بعضا من الشعر الابيض في غرت رأسه قائلا:وانتي وحشتيني يا قلب بابا،،بتعملي ايه بقا؟!
فرح متابعه في مرح:بتفرج علي الكرتون
" وهنا تذكر فتحي داليا وعشقها للمشاهده افلام الكرتون،،فلم تكن فرح بأقل منها في عشق الكرتون،،فهي لا تشبه والدتها فقط في الشكل ،،بل ايضا في كافه تفاصيلها وافعالها،،فهي فعلا نسخه مصغره منها بالمعني الحرفي للجمله"
وهنا عاد فتحي من شروده علي صوت ابنته هاتفه:بابي انت روحت فين!!!
فتحي وهو يضع قبله علي جبينها:حد يكون معاه القمر ويروح في مكان!!
فرح بسعاده:طيب مردتش عليا!!... جبتلي التشوكليت بتاعت كل يوم
فتحي وهو يخرج علبه ممتلئه باكياس الشيكولاته:هو انا اقدر اتأخر علي بنوتي
فرح بسعاده:ربنا يخليك ليا يا بابتي
فتحي متابعا:ويخليكي ليا ياذات الشعر الكريستالي
فرح مستفهمه:انت ليه دايما بتقولي كدا يا بابا
فتحي بضحك:علشان شعرك لونه كدا
فرح متابعه:لا مش دا السبب
فتحي:علشان شعرك نسخه من شعر دودو،،وانا كنت دايما بقولها كدا
فرح وهي تحتضنه:للدرجادي في حب بالشكل دا،،ايه كميه الوفاء دي!!!... انت كدا ازاي يسطي فهمني،،ثم قامت بوضع قبله علي جبينه وهي تضفي نوعا من المرح حتي لا تترك له فرصه للتفكير فيما يحزنه
وهنا هتف هو متابعا:محدش يستحق العشق غير داليا وانتي،،وتعالي هنا بقا يا قرده،،انتي سايبه مذاكرتك وبتتفرج ع الكرتون
فرح بضحك:اعمل ايه يابابتي زهقت من نقل المحاضرات ومن الكليه
فتحي بضحك:مش دي كليه الاعلام اللي كنت هتموتي عليها
فرح بضحك:طبعا،،دي الحب كله،،ثم تابعت قائله،،هروح اجيب من طنط هاجر صينيه البطاطس،،علشان انا معرفتش اعملها
فتحي بضحك:ماشي يا فرحتي ،،متتأخريش
فرح وهي تنظر بجانب عينيها:اتأخر ايه بس يا بابتي،،دي في الشقه اللي قصادنا
"وبالفعل انطلقت فرح الي بيت هاجر،،ثم دلفت داخل المنزل"
هاتفه:طنط هاجر،،فينك!!!
هاجر من داخل المطبخ:تعالي يا فروحه
"اتجهت فرح داخل المطبخ،،ثم تابعت قائله:صينيه البطاطس خلصت يا طنط
هاجر بحب:ايوه يا عيون طنط
فرح وهي تضع قبله علي جبينها:متحرمش من اكلاتك يا قلبي
هاجر بضحك:انا من رأيي تجيبي بابا وتيجوا هنا ناكل سوا،،لاني عرفاكي هتعملي الارز في ثلاث ساعات وتتغدوا علي العشاء
فرح بضحك:ماشي يا موزتي اتريقي براحتك،،ثم امسكت بالصينيه واتجهت ناحيه الباب وقبل ان تفتحه،،قام احدا بفتحه،،وكادت الصينيه ان تسقط من يدها"
فرح بوجع:اييي،،يالهوز الصينيه مولعه
محمود بخضه:مالك،،ايدك جرالها حاجه
فرح وهي تضع الصينيه جانبا:لا الحمد لله جت سليمه
محمود بارتياح:مش تخلي بالك يا فرح،،وهاتي انا اطلعهالك،،بس باباكي فوق الاول
فرح متابعه:اه
محمود:تمام اوي،،انا هطلعها
فرح متابعه:مش عاوزه اتعبك معايا يا حوده
محمود بضحك:تعبك راحه يا ست فرح قدامي يلا
"خرجت فرح متجهه الي منزلها وهنا هتفت قائله:عامل ايه في الجامعه يا دكتور
محمود متابعا:مفحوت ياسطي
فرح بضحك:ربنا معاك ويوفقك يارب
محمود متابعا:يارب
******
" علي الجانب الاخر في بيت والده فتحي،،كانت تجلس بصحبه شخصا ما يتحدثون حين هتفت قائله:اه يعني انت يا امجد قولتلها انك هتروحلها بورسعيد
"امجد هو ابن عم فرح والمقرب من جدته،،ويفعل ما تطلبه منه،،وقد طلبت منه ان يدخل في حياه فرح ،،موهما إياها بانه يحبها ،،حتي يتزوج بها وياخذ كل ثروتها وهنا تشعر السيده الفت بانتصارها علي داليا وابنتها فهي تري انهما السبب في بعد ابنها عنها"
وهنا تابع امجد قائلا:ايوه يا حجه،،وهقنعها اننا نتجوز،،وخطتنا هتمشي زي ما احنا عاوزين
وهنا هتفت هي في فضب:احنا لسه هنقنعها،،ونداديها!!!.... احنا نحطها قدام الامر الواقع
امجد متابعا باستفهام :ازاي!!
الفت بحزم:اكسر عينها ،،وساعتها عمك هيوافقك غصب عنه ولما تاخد فلوسها هنرميها
امجد بذهول:انتي عايزاتي!!!
الفت بثبات:اه ،،ايه يعني اللي فيها،،ما انت ابن عمها،،ومش هيكون في فضايح ولا حاجه،،الموضوع هيكون جوا العيله
امجد متابعا في تفكير:ماشي اللي تشوفيه
"في تلك اللحظه كانت سحر تستمع الي كل ما دار بين والدتها وامجد،،وقد الجمتها الصدمه عن الحركه،،كيف لوالدتها ان تكون بتلك القسوه ،،ففرح ليست غريبه عنها،،انها ابنه ولدها،،كيف ترضي ان يصيبها مكروه،،بل وتكون هي السبب في آذيتها"
"دلفت سحر مسرعه الي غرفتها وظلت تبكي بشده لما انهال علي مسامعها كالجمر المشتعل،،ولكنها قررت ان تحمي ابنه اخيها وان تقف في وجه والدتها ان تطلب الامر هذا
*******
" في بيت فتحي"
كانت فرح في غرفتها،،تستذكر محاضراتها وفي تلك اللحظه رن هاتغها، فالتقطته وهي في قمه سعادتها ثم اجابت بحب قائله:امجد ازيك
امجد متابعا:وحشتيني يا فروحه
فرح بكسوف:وانت كمان،،وبعدين ما انت هتشوفني بكرا
امجد متابعا:بردو وحشاني وفي كل وقت كمان
فرح بسعاده:مبسوطه اوي انك معايا
امجد: وانا بعشقك
"كانت فرح تقف في شرفه غرفتها اثناء حديثها وفي تلك اللحظه كان يقف محمود في الشرفه المجاوره لها،،وقد سمع حديثها،،فهو يعلم ان فرح تعشق ابن عمها حد الجنون،،ولكن محمود لا يحبه ابدا ولا يرتاح لنظراته لها،،والذي زاد من احساسه بالحزن،،هو شده حبه لها منذ الطفوله،،فمحمود يغار عليها كثيرا،،ويخاف عليها ان يصيبها مكروه،،ولكنه كلما حاول نصيحتها،،رفضت حديثه وتجنبت الحديث معه لفتره طويله،،وهو لا يريد ان يتعذب اكثر من هذا ،،يتعذب لعلمه ان من عشقها قلبه ،،تعشق غيره ويتعذب بسبب بعدها عنه حتي لو من باب الاخوه والصداقه من وجهه نظرها،،وحين رأها هو ظل صامتا حتي انهت حديثها،،ثم تابع محمود قائلا:شايفك مبسوطه
فرح بسعاده:اوووي،،علشان امجد جاي يشوفني بكرا
محمود بضيق يحاول اخفائه:نعم!!!... وييجي يشوفك ليه وفين!!!
فرح مكمله:هييجي يشوفني عند الجامعه، اصله واحشني اووووي
محمود متابعا:فرح انا خايف عليكي،،انا مبرتحلوش،،وبعدين اللي بيحب حد بيدخل البيت من بابه وهو مفيش حاجه تمنعوا يأجل الموضوع دا!
فرح متابعه في ضيق:اولا دا ابن خالتي،،ثانيا بقا انا قيلالك متكلمنيش ف الموضوع دا تاني
محمود متابعا في حزن:اللي يريحك تصبحي علي خير،،دلف محمود الي غرفته ليجد والدته تنظر له في حزن قائله:عارف انت بتفكرني بمين!!
محمود وهو يجلس وقد سيطر الحزن علي جميع خلجات وجهه متابعا:مين!!!
هاجر:بتفكرني بابوها،،وفي عشقه لمراته ووفائه ليها،،وانت بتعمل نفس الحكايه معاها،،بس هي يابني مش بتحبك،،بلاش تعلق قلبك بيها وهي مش ليك
محمود بضيق هاتفا:مين قالك يا امي انها مش ليا،،ان شاء الله هتكون ليا،،انا بدعي ربنا وهو عمره ما هيخيب سؤالي ودعوتي
هاجر بحزن:ربنا يريح قلبك يابني
******
"علي الجانب الاخر قامت سحر باستدعاء امجد الي غرفتها"
امجد وهو يدلف داخل الغرفه:ايوه يا عمتو!!!
سحر في غضب:انا مش عمتك،،انت فاهم!!!
امجد باستغراب:ليه بتقولي كدا
سحر متابعه:من غير لف ودوران،،ابعد عن فرح ،،انت فاهم!!!
امجد مكملا:اه قولي كدا بقا،،ابعد عنها ليه واحده مامتها سايبالها ملايين،،ايه بقا يخليني ابعد!!
سحر بغضب:انت حيوان،،دي بنت عمك،،انت ازاي بالقذاره دي!!!!
امجد بتهكم:معلش انا في الزمن دا مغيش حاجه اسمها بنت عمي،،احنا في غابه والفلوس هي اللي بتمشينا،،يعني انا لو بحب بنت وعاوز اتقدملها ،،ابوها هيطلع عيني في شبكه ومهر ،،بيعجزوني علشان مش معايا فلوس،،يبقي الطيبه فادتني في ايه بقا،،سوري يعني الفلوس هي اللي بتحكم في الزمن دا،،معاك فلوس هتعيش ملك،،مش معاك هتتداس بالرجلين
سحر بغضب:وانت ليه متكونش من ال1% اللي لسه عندهم ضمير
امجد بضحك:لا سوري مش انا
"ثم ترك الغرفه،،تاركا إياها تتعجب من حديثه
"في صباح اليوم التالي،،كانت فرح تقف امام بوابه جامعتها تنتظر قدوم امجد،،ثم رن هاتفها"
فرح في مرح:ايوه يا بابتي
فتحي متابعا:ايوه يا فرحتي،،بقولك انا في الشغل،،وراجع البيت بعد ساعه،،اجيبلك اكل ايه معايا!!!
فرح متابعه:اللي تحب تاكلوا يا بابتي
فتحي متابعا:اللي تحبي تاكليه انتي!!!
مرح بتفكير:اممممم،، سمك مشوي
فتحي بحب:من عيوني يا اغلي الناس،،وخلي بالك من نفسك بقا
فرح بحب:ماشي
"في تلك اللحظه قدم امجد بسيارته ثم وقف امامها قائلا:وحشتيني،،ثم اقترب منها ليحتضنها
فرح وهي تبتعد:ايه اللي انت بتعمله دا ،،مينفعش
امجد متابعا:مينفعش ليه انتي مش حبيبتي،،وكمان بنت عمي،،المهم بقا اركبي علشان عاملك مفاجأه
فرح باستفهام يخالطه مرح:ايه ها؟!
امجد متابعا:اركبي بس
" ركبت فرح معه السياره ثم انطلق بها مسرعا،،في تلك اللحظه كان محمود يراقبهما من علي بعد فهو يخاف عليها منه كثيرا لذلك قرر مراقبتها،،حتي تعود الي منزلها،،وما ان رأها تذهب معه في سيارته،،حتي قاد سياره والده ورائهما،،وبعد مرور الربع ساعه وقف امجد بالقرب من قريه ،،ثم هتف لها قائلا:يلا انزلي يا فروح
فرح مستفهمه:ايه المكان دا!!
امجد متابعا:دا المكان اللي فيه المفاجأه
فرح بتفهم:اه ،،ماشي!
"ترجلت فرح من السياره واتجهت معه الي داخل القريه وما هي الا لحظات حتي اوقفها قائلا:هندخل البيت دا،،علشان المفاجأه جوا
فرح بتوتر:لا مش هدخل ،،انت ممكن تجيبها برا
امجد وقد تغيرت نبره صوته:ما تدخلي يا بت بقا،،انتي هتقرفيتي!!!
فرح وقد جحظت عينيها:نعم!!!
امجد متابعا:اللي سمعتيه،،ثم بدأ يجذبها من ذراعها الي الداخل وهي تركله بقدمها وتصرخ حتي قام بضربها برأسه حتي فقدت الوعي،،في تلك اللحظه،،اوقفه احدا ما من ذراعه ثم هتف بصوت غليظ قائلا:واخدها فين يا روح امك!!!!
" نظر امجد للصوت ليجده محمود،،ولم يعطه محمود فرصه للحديث،،حتي اكال له اللكمات وبدأ كل منهما في ضرب بعضهما الاخر ثم قام محمود بازاحته في مجري الماء الصغير بجانبه وهو ينزف الدماء،،ثم قام بحملها واتجه الي سيارته عائدا الي المنزل"
"وصل محمود الي المنزل ثم صعد بها الي منزله،،وقابلته والدته في خضه:مالها!!!... وايه اللي في وشك دا!!!
" قام محمود بقص ما حدث لوالدته،،وهي في قمه صدمتها،،انه ابن عمها،،فكيف يفكر في ما كان سيفعله"
"افاقت فرح لتجد نفسها في غرفه،،فاخذت تصرخ بشده،،فهرولت هاجر بصحبه ابنها داخل الغرفه،،ثم قامت باحتضانها مطمئنه اياها:بس خلاص متخافيش انا جنبك يا فرح
فرح ببكاء:انا خايفه اوي
" وفي تلك اللحظه نظر لها محمود في حزن ثم تركها مع والدته وخرج"
"قامت هاجر بقص ما حدث علي مسامع فرح التي ظلت تبكي بهستيريه،،علي حالها،،لقد كانت مخدوعه طوال الوقت،،فهي عشقت شخصا خائن،،بل وكاذب ايضا،،اوهمها بحبه وانهال عليها بكلماته المعسوله،،حتي ينتقم منها،،فهي كانت تعلم انهم يكرهونها ولكنها لم تتخيل ان من احبت لا يختلف عنهم شيء
فرح متابعه في بكاء:بس انا حبيته اوي يا طنط،،ازاي يكسرني كدا!!!
هاجر متابعه:بس هو عمره ما حبك يا فرح وانا حكيتلك كتير عن اهل باباكي،،وازاي كانوا بيكرهوا داليا،،وانتي مكنتيش بتصدقي،،وبعدين اللي بيحب بيتقي ربنا في اللي بيحبه،،انسيه يا فرح ،،ومينفعش دموعك تنزل علي حد ميستاهلهاش،،خليكي اقوي،،واهي الضربه اللي متموتش بتقوي،،والحمد لله ان ربنا ظهرهولك ع حقيقته
" في تلك اللحظه دلف فتحي بصحبه وائل بعد ان اخبره محمود بكل ما حدث،،ثم هرول فتحي اليها،،وقام بأخذها بين احضانه قائلا:كدا يا فرح ،،كدا تكذبي عليا ومتقوليش ان الحيوان دا كان بيحاول يقرب منك علشان يآذيكي
فرح ببكاء:مكنتش اعرف انه كدا ،، يا بابا،،انا اسفه
فتحي وهو يحتضن ابنته بشده وهو يتوعد:الصبر ،،انا ما رجعتلك حقك مبقاش انا
"وفي تلك اللحظه رن هاتفه فقام بالرد"
فتحي في صدمه:ايه؟!... امي،،طب ازاي!!!!
سحر ببكاء:هي دي الحقيقه والحمد لله ان فرح كويسه،،ومتزعلش يا فتحي مهما كان دي امك
فتحي بحزن:فوضت امري لله،،وحسبي الله ونعم الوكيل في اي حد ييجي ع بنتي اللي بقيالي
******
"مرت الايام وبعد اقناع من سحر تراجع فتحي عن ابلاغ الشرطه عما حدث مع ابنته ،،خوفا علي والدته التي لم تخف يوما علي كسره قلبه "
"ذات يوم واثناء جلوس فتحي في شرفته دلف وائل الي الشرفه وجلس علي المقعد المجاور له ثم هتف قائلا:هتفضل زعلان كدا!!!
فتحي بتنهيده وجع:وهو انا امتي كنت فرحان،،دا حتي الحاجه اللي بقيالي في الدنيا،،عاوزين يضعفوني بيها،،ثم هتف متابعا:انا بجد مش عارف ارد جميل محمود ازاي،،ونعم التربيه،،دايما كان سند لفرح من صغره
وائل متابعا بضحك:لا وهيفضل سند ليها طول العمر،،بس مش وهو بعيد،،لا وهي مراته،،ودا طبعا بعد موافقتك يا صاحبي... ها؟!
فتحي وقد جحظت عيناه:بتتكلم بجد!!!
وائل متابعا:جد الجد طبعا،،هو انا عندي احلي من فرح
فتحي متابعا:تسلم يا صاحبي وانا لو عليا موافق بس القرار يرجعلها بردو
وائل منابعا:مفيش مشاكل خد رأيها وبلغني بقرارك،،علشان الواد واقع علي الاخر
" وبعد ذهاب وائل الي منزله،،دلف فتحي الي غرفه ابنته ليجدها تذاكر،،ثم هتف متابعا:حبيبه بابا
فرح بابتسامه باهته:لسه زعلان مني!!!
فتحي متابعا :في حد يزعل من فرحته بردو،،انا بخاف عليكي يا بنتي ومش عاوز اخسرك ومش عاوزك ابدا تخبي عني حاجه،،حتي لو كانت وحشه
فرح وهي تقبل يده:حاضر يا بابا ،،اوعدك
فتحي متابعا:كنت عاوز اخد رأيك في حاجه
فرح:اتفضل
فتحي متابعا:في عريس متقدملك،،ثم تابع قائلا:والعريس دا
انتي عرفاه كويس
فرح متابعه:مين يا بابا!!!
فتحي:محمود
فرح متابعه في ابتسامه:محمود شخص يستحق كل خير وانا مش هقول لا لو حضرتك موافق
فتحي متابعا:بس انا عاوز راحتك انتي،،ها موافقه؟!
فرح وهي تحتضنه:موافقه يا بابتي،،بس علي شرط
فتحي وهو يضيق عيناه:ايه هو الشرط يا فرحتي!!
فرح بمرح:تجيبلي تشوكليت دلوقتي،،بس كدا
فتحي بضحك من عيوني
*******
"وبعد مرور شهر ،،وبالخص يوم زفاف فرح ومحمود"
استيقظت فرح مبكرا،،ثم طرقت منزل هاجر لتخبرها بانها تحتاجها،،وهنا فتح لها محمود وهو يبدو علي ملامحه النعاس،،ويرتدي ملابسا قصيره"
فرح وقد جحظت عيناه ثم قامت بوضع يدها علي عينيها قائله:ايه دا يا محمود ،،في حد يفتح الباب بالمنظر دا
محمود وهو يزيح يدها من علي عينيها ثم يدخلها الي المنزل قائلا:ايه يا هبله مكسوفه من جوزك!!
فرح في غيظ:اه مكسوفه،،وبعدين افرض مش انا اللي كنت بخبط
محمود بضحك متابعا:لا ما باب بيتنا في عين سحريه،،تخيلي!!
فرح بغيظ:طيب فين ماما
محمود متابعا بخبث:في الاوضه جوا،،عوزاها في ايه!!!
فرح متابعه:عوزاها وخلاص ممكن تنادي عليها
محمود:اممم ،،موافق بس بشرط
فرح وهي تنظر له بجانب عينيها:لا يا شيخ
محمود بضحك:اه يا شيخ ،،هتسمعي ولا مش هنادي علي حد وخليكي واقفه كدا
فرح بغيظ:لو مكنش اونكل وأئل نايم ،،كنت ناديت انا،،اتفضل عاوز ايه!!!
محمود بخبث:عاوز امسك خدودك دي
فرح في غضب وهي تضع يدها في خصريها:ليه ان شاء الله،،هو انا فتحاها سبيل،،اللي رايح وجاي يمسك خدودي
محمود متابعا في غيظ:نعم!!!.... مين اللي مسك خدودك يا هانم،،طب انا جوزك وفرحنا النهاردا... مين تاني مسك خدودك،،ثم كور قبضت يده وامسكها من ياقه بيجامتها قائلا:انطقي يا هانم
فرح في خوف:اونكل وائل
محمود في دعابه:دوخت مش قادر اقف،،ايه دا!!!... ابويا بيخوني ومع مين ،، مراتي وبيمسكها من خدودها من ورايا،،طب كان يقولي حتي علشان تبقي مبلوعه
فرح بغيظ:تصدق انك رخم وبطل تريقه
محمود بضحك:مش انتي اللي هبله،،قوليلي يا فرحتي،،هتكبري امتي بقا وتبطلي طفوليه وتصدقي اي حد كدا!!!
فرح بعند:مش هكبر ،،انا بحب نفسي كدا
"في تلك اللحظه،،قدمت السيده هاجر هاتفه:مش بتبطلوا نقار انتوا الاتنين
محمود وهو يقترب من فرح ثم طبع قبله علي وجنتيها قائلا:مهما اتخانقت معاها، هي الحته الشمال💜
" كانت فرح تشعر بالسعاده لحبه لها،،فهي عشقته حقا من طريقه اهتمامه بها،،فهو نعم الزوج والاختيار"
******
"حل المساء ،،داخل غرفه فرح ارتدت فرح فستانها الذي ابرز جمالها بشده واطلقت لشعرها الكريستالي العنان ووضعت تاجا عليه"
هاجر هاتفه في سعاده:قمر يا ناس،،تبارك الخلاق،،ياريتها داليا كانت موجوده،،كانت هتفرح اوي
"في تلك اللحظه دلف فتحي الي داخل حجره ابنته وقد دهش لرؤيته لها،،وفي تلك اللحظه خرجت هاجر من الغرفه لتعطي لهم فرصه للحديث سويا علي انفراد"
فتحي والدموع تتجمع في عينيه:سبحان الله،،انتي ازاي كدا!!!!
فرح وهي تمسح بعضا من قطرات الدموع المتساقطه علي وجنتيه قائله:ايه رايك يا بابتي حلوه؟!
فتحي متابعا:حلوه؟!... انتي عديت مراحل الحلاوه... انتي ست البنات يا فرح
فرح متابعه:بابا مش انت وعدتني انك هتخليني اشوف صوره ماما يوم فرحي
فتحي متابعا في ابتسامه حب:اه وعدتك يا فرح انك تشوفيها
فرح متابعه في سعاده:طيب يلا عاوزه اشوفها
"وهنا امسك فتحي بالمرآه الموضوعه علي الكومود بجانبه ثم وضعها امامها لتنظر الي وجهها،،ثم تابع قائلا:ها شوفتيها؟!
فرح مستفهمه:دي انا يا بابا
فتحي وهو يحتضنها:سبحان الله ،،صوره طبق الاصل ،،مفيش اي اختلاف بينكوا،،ثم قام باخراج صوره من جيبه واعطاها لها قائلا:ها ايه رايك
فرح بدهشه:دي ماما،، دي شبهي اوي...شبهي ايه انا للحظه حسيت انها انا!!!
فتحي متابعا في حب يخالطه حزن:تعرفي يا فرح ،،مامتك فارقتني ،،بس مهانش عليها وجع قلبي،،فسابتك ليا تهوني عليا كتير اوي،،انتي نسخه مصغره منها،،بكل تفاصيلها،،علشان كدا دايما هفضل اقولها،، #دامت_لي💜،،حتي بعد فراقها دامت لي في طفله منها،،ثم قام باحتضانها وهو يبكي
"وهنا دلف محمود وقد سمع حديثهما ثم اقترب منهما في حب،،وقام باحتضانهما معا،،قائلا:لا يا عمي معلش انا بغير بقا علي مراتي،،انا من رأيي تخليها " ‫#‏دامت_لنا‬💜،،واوعدك يسطي اجيبلك ،،ذوات شعر كريستالي كثير،،هملي عليك البيت داليا ،،بس انا من رأيي نقفل بقا باب الحزن دا علشان الناس مستنيينا،،واوعدك هشيلها في عيني،،وهتفضل حب عمري من صغري،،ثم قام بتقبيل يدها،،قائلا:بحبك يا ذات الشعر الكريستالي
#دامت_لي
‫#‏علياء_شعبان‬