Precious (YLOS #1)

Precious (One Shot)

Isa po ito sa mga earliest works ko. And dahil wala pa akong time na i-edit siya, please expect errors and excuse my amateur writing style.

UNREVISED
Copyright © 2013
girlinparis
All rights reserved.

—————

Young Love One-Shot #1

"Prei, ulo mo!!" narinig kong sabi ng lalaki sa may likuran ko.

Lilingon pa sana ako sa likod ng makaramdam ako ng bola na tumama sa ulo ko. "Aray!"

Sa sobrang lakas, napadapa na ako sa lupa. Napahawak ako sa likod ng ulo ko habang umuupo. Puta. Parang nayanig ang buong ulo ko dun ah.

"Prei, ok ka lang?" Binatukan ko naman ang bestfriend kong nagtanong kung okay lang ako. Natamaan na nga ako ng bola. Okay pa ko? E hunghang naman pala tong lalaking to.

"Aray naman. Para san yun?" Hinimas niya ang ulo niya. "Sa pagtatanong kung okay lang ako. Natamaan ako ng bola sa ulo, napaupo pa ko sa putik. Sa tingin mo okay lang ako? Ikaw?! Okay ka lang?"

Ginulo naman niya ang buhok ko at sa gulat ko, dumapa siya sa putik at nagpabalik-balik na parang bata. "O ayan na ha!"

"Ano namang kabalbalan yan Nicholo?"

"Dinadamayan lang kita.." Narinig ko naman ang tawanan ng mga kateam naming lalaki. "Mukha kang baboy, Nico. Hahahahaha."

Napatigil nalang siya ng magsalita si Coach, "Nicolo! Precious! Go back to training! Now!" Napakamot naman siya ng ulo at tumayo na. Inilahad niya ang kamay niya sakin at itinayo ako. Aba dapat lang. Kanina pa sumasakit pwet ko dito no.

Nagpasahan naman kami ng bola ni Nicolo gaya ng ginagawa namin kanina. Pero nung pinasa ko na sa kanya, lumampas lang sa kanya kaya napatingin ako sa kanya. Nakatingin lang siya sa likod ko kaya tumingin din ako.

Ah! Si Mycki pala. Sino siya? Ang babaeng gusto lang naman ni Nicolo. Hindi ko ba alam diyan sa lalaking yan kung anong nagustuhan niya kay Mycki e ang sama-sama naman ng ugali niyan. Isa siyang malaking paasa. Mahilig siyang magpaasa ng tao. Eto namang si Nico dahil tanga, umasa.

"Hoy Nico! May balak ka pa bang kunin yung bola? Kasi kung wala.. Magwa-walling nalang ako."

"Grabe, ang ganda niya talaga." Napakunot na lang ang kilay ko sa sinabi niya. Hay. Kelan kaya darating ang araw na ako naman ang magugustuhan niya? Na ako naman ang sasabihan niya ng maganda?

Sa inis ko, kinuha ko na yung bola kanina at nag-walling nalang. Wala siyang kwenta. Ang manhid manhid niya. Hindi niya ba nakikita na nasasaktan ako? Tanga, syempre hindi. E kay Mycki naman lahat ng atensyon niya.

Sa lahat ng ginawa ko para sa kanya, hindi niya parin alam? E kaya nga ako sumali dito sa football team, i mean hindi naman talaga sumali. Nakikisali lang talaga ako dito sa mga training pero kapag laban hindi na. Boys team lang kaya to walang girls kaya hindi ako pwedeng sumali. Nagpaalam lang talaga ako na makikisali lang ako sa mga practice kasi gusto ni Nico na nandito ako. Nagpalipat din ako ng section, kaya magkasection kami. Bakit? Kasi gusto ni Nico. E lahat naman ata ng gusto ni Nico, ginagawa ko eh. Ganyan ako katanga sa kanya.

Pati nga sariling ayos ko, pinakelaman niya. Wag daw akong gumaya kina Mycki na magaganda magdamit o magaganda mag-ayos kasi hindi naman daw ako magandan at hindi naman daw bagay sakin. Mas bagay daw na ayos sakin yung mga tshirt lang, nakapants, o rubber shoes. Ang sakit no? Harap-harapan niya yang sinabi sakin pero hindi ko na lang pinakita sa kanya na naiiyak na ko. Babae pa rin naman ako, pero bakit ganun na lang niya akong insultuhin? Tinawanan ko na lang siya at sinabi sa kanyang tibo ako kahit hindi naman.