Ayoko ng masaktan at maiwan
Bakit ba ako pinapahirapan?
Pagod na‘ng puso na maunawaan
Lahat ng sakit na nararamdaman
Sinabi sa sariling tama na
Panahon na para magpahinga
Ngunit sa’yo ako’y naintriga
Kaya heto at umaariba
Nakilala kita at naging katipan
Damdamin ko ay akin ng hinayaan
Kahit alam kong ‘di ito seryosohan
Ngunit minahal ka pa rin ng lubusan
Di ka na nawala sa isipan
Nagkakaron na nga ng selosan
Kaya pala tayo’y nasasaktan
Unti-unti ng nagmamahalan
Kasama kang bumuo ng pangarap
Dalangin lahat ito ay maganap
Hindi pumasok sa aking hinagap
Mawala pa sa’kin ang ‘yong paglingap
Away bati,lagi tayong ganyan
Aso’t pusa kung iyong titignan
Bakit ba di magkaunawaan?
Kaya nauuwi sa hiwalayan
Pambababae ay ‘yong dapat ng tigilan
Para pagbubunganga akin ng bawasan
Upang ating pag-aaway ay maiwasan
Pakabait ka ang tanging inaasahan
Wag sana t’wing tayo’y may pinag-aawayan
Baka bigla na lang tayong magkasawaan
Sayang naman ang lahat ng pinagsamahan
Kung mawawala ka sa akin ng tuluyan
Away natin ay ating pag-usapan
Lalo na kung ito’y simpleng tampuhan
Wag magbolahan,tayo’y magprangkahan
Upang relasyon wag mapabayaan
Sana nama’y kuntento ka na sa akin
Ako na lang sana ang pakaibigin
Utang na loob wag na’kong gagalitin
Tiwala ko sayo’y wag namang sirain
Temptasyon ay iyo namang pigilin
Pangako mo sakin ay wag limutin
Lumayo sa babaeng malalandi
Dahil ika’y aking pagmamay-ari
Wag sana akong lolokohin
Wag mo na sana pang tangkain
Subukan mo lang yan na gawin
Baka ika’y aking bitayin
Kung ikaw ay magbago ng pagtingin
Ikaw ay akin ng papalayain
Wag isipin kung aking dadamdamin
Yan ay akin na lamang tatanggapin
Magtagal tayo yan ang aking hiling
Sana’y ito din ang ‘yong panalangin
Tupdin sana ang ating dalangin
Nang kapalarang laan sana sa’tin
Malayo man tayo sa isa’t-isa
Di man nagkikita’t nagkakasama
Pangako na mamahalin ka sinta
Hanggang sa akin pang huling hininga
-021809
