تمنيت الاحبهم ما يبعدون ( قصة واقعية )

- الجزء الاول -

هاي القصة واقعية وصارت فعلا بالعراق بمحافظة القادسية وهي تتحدث عن اربعة اصدقاء جمعهم القدر وهمه :

_ضياء_

وهو من مواليد 1993/12/12 يعيش مع امه وابوه الي جان في الجيش وعنده اخت اكبر منه اسمها منتهى من مواليد 1992 واخو اصغر منه مواليده 1995 وجان مرتضى يعيش ويه ابن خالته لؤي والي من مواليد 1995 بحيث حسبوه فرد من افراد العائله حته جانو يشتركون بنفس الغرفه .. واخيرا اخر العنقود منى الي هي من مواليد 1997 . جانت شخصية ضياء فكاهيه وجان مرح رغم كل المصاعب الي مرت بيه وجان محبوب كلش بحيث كل الي يتعرف عليه يتعلق بيه

_علي_

من مواليد 1993/10/2 جان يعيش مع امه واخوه الاكبر منه واخواته جان يتيم الاب من الطفوله اخوه كرار من مواليد 1992 واخته منال 1991 واخته الصغرى زينب 1997 يعيش ويه اعمامه

_سجاد_

وهو من مواليد 1993/11/10 وهو الوحيد لأمه  استشهد ابوه وهو بعده طفل وماعنده لا اخ ولا اخت  و يعيش ويه اخواله

_أحمد_

من مواليد 1993/8/3 من برج الاسد يعيش مع امه وابيه واخوته اسعد مواليده 1990 ورافد 1988

جان ضياء طفل صغير يعيش ويه عائلته يحبهم و يحبونه بس جانت علاقته بابوه قويه كلش فجان كلش مرتبط بابوه بحيث جان يعتبره صديقه مو ابوه ومن يريد ابوه الالتحاق بالعسكريه يهون فراكه على ابنه فيسولفله قصة اولاد مسلم وشلون تركو ابوهم حتى يكونون مثال اله بالصبر وجان ضياء يتشوق للقصة وبكل مره يرجع ابوه ياخذه لزيارة مرقد اولاد مسلم فكل مره يزداد حبه الهم ومره من المرات طلب ضياء من ابوه
ضياء : بابا جيبلي تراب من مرقد اولاد مسلم حته نسويلهم مرقد وره البيت واكدر ازورهم من انته تروح
ابو ضياء : اي بابا راح اجيبلك
فجابله ابوه تراب من يم المرقد وسوو مرقد صغير وره البيت جانت هناك مساحه صغيره
بعد مرور الايام صارت حرب بالعراق وابو ضياء هناك بالحرب بعد فترة اجت الاخبار لاهل ابو ضياء بانو ابنهم استشهد بس الخبر مو اكيد فركضت بيبية ضياء لبيته ودكت الباب بكل قوتها وفتحت ام ضياء الباب صرخت بوجهها
الجدة : كله بسببج من وراج ابني ما ندري بيه استشهد لو لا هذا لان تزوجج كله بسببج
انصدمت ام ضياء بالخبر وجانت ساكته وماحجت من الصدمه
وكذلك جانو اخوانه يلومونها ويعاتبونها وكأنها هيه سبب موته لانه تزوجها وهمه مموافقين
سمع ضياء الخبر انصدم وظل يبجي ولجأ الى مرقد اولاد مسلم  وضل يبجي عندهم ويتوسل بيهم حته يرجع ابوه لمن نعس ونام يم المرقد فأجوه بالحلم أولاد مسلم يواسونه ويخبرونه ابوه استشهد فز من الحلم مرعوب وخايف عله ابوه واتأثر وضاج كلش وراح لبيبيته وكال
ضياء : بيبي والله بعد مايرجع مايرجع هئ هئ
صرخت بوجهه ووضربته راشدي على وجهه وكالتله
الجدة : اسكت انته هو منو غيرك انته وامك السبب
بعد فتره جابو جثة ابوه واجوهم اهل المنطقة يواسونه واجو علي وسجاد واحمد يواسونه على ابوه ويبجون وياه
واعمام ضياء اتفقو على ان ام ضياء تتزوج اخو ابو ضياء او تترك اولادها الهم وتروح لاهلها ويقاطعونها بس هيه رفضت وقررت تبقى ويه اولادها وما تتزوج باخو زوجها ضاجو اعمام ضياء وقاطعوهم وكالولهم منا وجاي لانعرفكم ولاتعرفونه
هنا صار ضياء هو المسؤول عن عائلته وهو بعده طفل صغير بالصف الاول الابتدائي هو الجبير وهو المسؤول عن امه واخوته

اصر ضياء حته يكمل دراسته على الرغم من المشاكل الي واجهها جان يروح للمدرسة وحده وهو يشوف اصدقائه ويه اباءهم ويتذكر ابوه ويضوج بس رغم كل هذا جان محبوب وفكاهي على الرغم من الي مر بيه من المشاكل واصدقاءه من الطفوله علي وسجاد واحمد جانو هم يرفهون عنه ويحاولون ينسونه

مرت الايام وصارو بالثانوية المختلطة وهمه مصرين على اكمال دراستهم وتحقيق طموحاتهم

#بعد مرور عدة سنوات

صار ضياء وعلي وسجاد واحمد بالصف الخامس العلمي وكرار اخو علي بالصف السادس العلمي
اما عن زينب اخت علي وزهراء بنت عمة علي ومنى اخت ضياء بالصف الثاني المتوسط
ولؤي ومرتضى اخوة ضياء بالثالث المتوسط

كرار ( اخو علي ) جان معجب كلش ببنت عمته زهراء ودائما يوصي اخته زينب عليها بحيث وصل حبه الها حد الخبال يشرد من اهله ويسولف وياها من وره الحايط لو يروح لبيت عمته بحجة يوصل اخته حته يشوف شتحتاج وزهراء جانت تبادله نفس الشعور

ضياء واصدقائه شكو بالامر

ضياء : ولك علاوي تحس بالجاي احسه
علي : شنو ضياء كول
ضياء : ولك اخوك شعنده دوم يروح لصف الثاني دائما اشوفه
علي : ههههههه ولك غير هو الجبير ويسأل عله اخته هناك
ضياء : اذا تعبر عليك اني ماتعبر عليه ولك هذا حاط عينه على وحدة

ومرت ايام وجان كرار يطنكر عله امه الا تخطبيلي زهراء

كرار : يمه كافي عاد اريدج تخطبيلي زهراء
امه : يمه شبيك زهراء بعدها صغيره
كرار اي عادي بس اني اريدها ولو هيه لو ماريد
راحت ام كرار لبيت ام زهراء حته تخطبها كعدن وسولفن
ام كرار : اني جاية اخطب زهراء لكرار
ام زهراء : شنوووو زهراااء ؟؟؟!!! بس زهراء بعدها صغيره وعدها اخوات ثلاثة اكبر منها مستحيل ازوجها هسه ............. ( يتبع )

اذا عجبتكم القصة كولولي اكمل لو لا ؟