#فضفضه_نقابيه
صار لي شهرين ..مطلعه على أمور النقابه.. وكل ما اعرف أكتر .. كل ما اتضايق أكتر 😖😖😖
احكي لكم اكتشافاتي..
في ناس النقابه بدمهم .. وعن جد بيهمهم مستقبل المهنه وما بيفكروا يوصلوا من خلالها لإشي أكتر .. صدقوني انهم موجودين.. 😊
وفي ناس مزبوط شغالين بس لغايه في نفس يعقوب.. ومع هيك احنا شو بدنا بهالغايه ؟؟ احنا بدنا بالشغل العام اللي لصالح الجميع وللنهوض بهالمهنه اللي وضعها بالنازل .. ومش رح نضحك على بعض .. ما في حد غريب بهالجروب 😊
بيضلهم يحكوا عن الاغلبيه الصامته .. اللي بتتفرج وما بتعمل اشي.. فعلا هم كتار وهم زي ما اسمهم بيقول : اغلبيه.. انا شخصيا لا أُعوّل على هذه الاغلبيه بإشي.. لانها أغلبيه سلبيه ومتفرجه فقط.. اذا مش مُنظِّره كمان..
أنا اللي بيهموني فعلا .. وهم الأمل وبإعتقادي انه بإيدهم يعملوا اشي كتير .. هي الفئه المُغيّبه .. يعني اللي مش فاهمه اشي من الطبخه!!! بس للأسف هي اللي رح تأكلها..(ما فيش فايده فيّ.. الا يدخل الطبيخ بالتشبيه !!!.. يمكن عشان الطبخه عالنار 😂).. المهم .. هذه الفئه اللي لازم نلجأ لها .. نفهمها انه النقابه هي انتو .. انتو اللي بتعطوها القوه.. هي لكم ..هي مستقبلكم.. وانتو اللي رح ترجعوا توقفوها على إجريها من اول وجديد .. 😊
الفئه الوحيده اللي اكتشفتها وغاظتني فعلا..😖..هي الفئه اللي شمتانه !!! تخيل أخوك يكون في ضيقه وإنت بدل ما تتعاطف معه أو تساعده .. لا .. تشمت فيه!! ويلا الانتخابات بشهر خمسه سنه الجاي!! والله لنكيف!! 😖😖😖..
تقولش كإنه هذا صاير في بلاد الواق واق !!.. مش عنا.. مش انه احنا كلنا متضررين.. ومستوطين حيطنا وما لنا سند!! بدل ما يحزنوا على ما آل اليه الحال؟؟؟ 😳😳
#خليني_اشوف_الطبخه_أحسن😂😂😂
#برياني_لحمه_بالخضار😂😂
