٢٨ سنه صيدلانيه.. لكن عمري ما كنت نقابيه.. أدفع اللي علي.. أُمارس حقي الانتخابي وأتخيّر من أتوسّم به خيرا .. وخلصت القصه.. لا أروح اجتماع هيئه عامه ولا أتابع اشي .
إكتشفت فجأه إنه انا صار لي أكتر من سنه ما عندي نقابه..فهمت انه في لجنه حكوميه هي اللي مسؤوله لمتابعه تسيير امور النقابه لحد ما يصير فيه انتخابات..الانتخابات كان لازم صارت من أكتر من سنه ..بس ما حدا سائل فينا ..ولا حتى إحنا سائلين في حالنا ..
تعلمنا من وإحنا صغار شو حقوقنا .. وكيف نطالب فيها .. النقابه واللي كانوا مسؤولين بمرور الدورات .. سواء اشتغلوا صح أو لا .. احنا ما تابعناهم .. كان واجب علينا نشوف شو بيعملوا ونؤيّد أو نعترض .. يعني احنا قبل ما نحاسبهم على شو عملوا وشو ما عملوا .. نشوف احنا شو عملنا..؟؟ أدرنا ظهورنا للنقابه وقلنا لهم ..اصطفلوا!! دبروا حالكم ؟؟ وإحنا أول الناس اللي رح نتأثر ... بالنتيجه ما نلوم إلا انفسنا .. لانه احنا سلمناهم القياده وقعدنا متفرجين.. منظّرين أحياناً..ومتفلسفين أحياناً أخرى..
أنا قررت ..إني أتوقف عن لوم الاخرين .. وإني أبدأ بنفسي.. أفهم شو اللي عم بيصير ..وشو لازم يصير ..وكيف ممكن يصير وكيف بأقدر أنا كفرد إني اساهم في التغيير؟؟قررت .. انه آن الآوان .. إني أقوم بواجبي النقابي.. إني أوقف مع زملائي وأشاركهم بإعتصام الاحد الساعه ٢.. لإني إكتشفت انه الاشخاص اللي بدهم يرجعوا النقابه ما بيقدروا يرجعوها لوحدهم .. هم بحاجه لكل واحد وواحده فينا .... النقابه هاااي مش لهم لوحدهم .. إنما لنا كلنا ..إحنا وهم منشكل قوه في إتحادنا ..نحط كل اختلافاتنا على جنب.. واجبنا كلنا هلق نرجعها..وبعدين ..بعد الانتخابات .. نتابع ونشوف ونحكي رأينا .. لانه احنا.. أنا وإنت وهي ..الهيئه العامه .. إحنا اللي منعمل نقابه قويه قادره توقف على إجريها ..نقابه كلنا نستفيد منها..نقابه قويه فينا.. 😊😊😊
