Lyouma 3ers omi donia bel rajel eli t7ebou wi7ebha wena fer7antelha barcha 5ater pa rabi yar7mou ken may3aberhech yerja3 fel lil sekran w yebda yadhrab fiha ... Hedhi 7keya 9dima mel lyoum nebdew fel jdid na3arafkom 3ala rou7i... ena safaa 3omri 20 sné cha3ri marron w bidha ma8rouma barcha bel fashion wel make up ra8m eli ena bacherti safya w manest7a9ech barcha w 8ir hedha mahboula w 3andi barcha dlel.
Fel lil 7adhart rou7i lbest rouba 7amra 9sira w men teli dhahri 3eryen.. 7alit cha3ri w makyejet chwaya.. lbest talant noir mweti cha3ri mel le5er 5rajt nfata9 .
Mchit l bit omi nal9aha 7ata el 7ata heya mahyech kbira 3morha 45 sné 3arset s8ira w 3andha el 7a9 bech tkamel t3ich 7yetha kif mat7eb.
L9itha chetir mel far7a w heya lebsa roubet el 3ers ch3arha ifata9 w makyajha simple. hbatna bech nchoufou el zina nal9aw eddar hbel les ballons fi kol chira 7ata el piscine mzayen bel 9loub welchma3 fi kol bo93a w fi kol tawla tal9a warda 7amra fel wost be5lef el fer9a el mousi9eya eli bdet ta3zef men tawa .
A7na 9a3din na7kiw wel bonne jetna tejri
★Madame donia jew !
Trebthet w da5let fi 7it
★da5alhom fech testana
Mchet safaa el koujina bech tochrob w ki kamlet t3adet salmet 3al dhyouf
Mba3d 9a3det ba7dha sou7abha linda w maram w sarra w ba7dhehom tawla 9a3din fiha wled 9ad-hom men 9bila w houma ibazensou w yo8zroulhom .ki 9amet safaa 9am w raha we7ed beau goss W haz el warda eli fel tawla kiwoslet el jnina eli men teli we9fet ki 7aset b7ad itaba3fiha
★brabi chbik men 9bila taba3 feya ma3andek mata3mel ?
★3jebtni ,chahitni bech neklek (9robelha w 7at yedou 3ala jnebha w lasa9ha lih w madelha el warda)
★matebdech t3ayet 5an badlou ejaw
★nbadlou el jaw haa ! Mela 7ata enti met3ayetch mba3d matekel hedhi
Dharbetou 3ala ****w harbet tejri rej3et el tawletha w mba3d bechwaya rja3 wraha
9a3dou yek7rou leb3adhhom heya tseb fih w howa ifaker kifech iraja3 faztou w howa yet8aswer bel louji3a
T3ada serveur wachwachlou fiwodhnou
★bara a3ti hal war9a el hedhika (7atlou 20dt fi jibou)
★e3taberha woslot (8emzou) w howa fer7an bel flous
Mché 3taha el war9a 7aletha w 5abetha bech maychoufouhech s7abha
"le3b m3aya mezel mawfech 7adher rou7ek w 7el 3inik mli7 3omrou la7ad djara2 w 3mali eli 3maltou
Kel dharba eli 3titheli ayy ye7rez manadhrabch lebnet "
3aytet el serveur
★ta3mel mzeya 3tini kel stylo w war9a mel carnet mte3ek w stana t9i9a
Ketbetlou
"Ay behy ki wej3etek esma3ni ya chesmek a5tak mel le3b m3aya nens7ek Ken tesma3 klemi sa7a lik ken tebda el7arb elila ya ena ya enti n7ebek tetfaker hal klem belegdé ! "
★wasalha eli 3tahelek
Mché 3tah el war9a .9raha w tnarvez ken metwa9a3 menha t5af w t9olou klem e5er !
Jbed el serveur lih
★ken ta3mel eli n9olek 3lih lyouma trawa7 jibek m3ebi ch9al sa7bi (7at yedou 3ala ketfou)
★ey betbi3a n7eb n3awen eli y7ebou b3adhom dima
★Ahh!! Aa ui ui w chkoun mi7ebech y3awen thnin ya3ch9ou b3adhom hhh (dh7ak bech michala9ch)
★mela 9bal mata3tiha el gâteau t3adeli 3andi 9adhya s8ira wasit 3liha 9rib tousel
Ok
Mba3d maketbou lekteb jé wa9t el gâteau t3adelou el serveur
★hedha el gâteau eli wasitni 3liha
Jbed chkara s8ira
★hedha 7otou lena zaynou
★sema7ni monsieur chnowa eli fel chkara (5ayef)
★haa chouf (wareh 7lewi w choklatet 3ala chakel 9alb)
★aa hhh fekra mela nzayen bihom.zeda mta3 sou7abha.
★lee rodbelek (bzarba) 5ater n7eb s7anha el we7id el moumayez mebin hedhouma el kol haha
★hhh ok
Mché ya3ti fiha el gâteau
★yaa choufou kifé jeni sa7ni mzayen....ama chbih ken ena
Sarra :5ater enti bent la3roussa
★ hayew 5oudhou 7ata Ntouma
Maram : lee wlh lee
★ken t7ebou 5oudhou oka me8ir mano93od en3awed chkoun i7eb
Mba3d chwaya ki kamletou 7aset bkercha t9elbet t3adet men ba7dha tawlet louled bdé we7ed menhom yedh7ak 7ata me8ir matetlafet w tchouf chkoun 3arfetou
★mmm bnina el gâteau 3ejbetek maw (haz 7ajbou)
★enttiii !!!
★hey ena w chkoun 8iri mouch 9otlek 7el 3inik
Ok !! ani jeya w taw netfehmou !
Mchet el toilette w rej3et t3adet men ba7dheh w faket kes el wisky mta3 tofla met3edya w baz3etou 3lih
★cha3malt din omek !!
★3malt eli lezem yeta3mal men 9bal !
Mchet w 5aletou w heya tedh7ak
Taba7ha chadha men yedha w bdé ikarker fiha lewra ejnina
★heyy chbik sayebni (t3ayet 3lih)
★cha3malt tawa ! Cv fi mo5ek 9odem edhyouf t7otni fi kel maw9ef
★testehel w chwaya fik
★tkalem belegdé ki dji ta7ki m3aya !
★hhhh w chkounek enti ! yeser madhroub fi rou7ek
★ye5i makch newya trawa7 mel 3ers ? mezelt mtawla !!
★hhhh 7lowa hedhi nrawa7 men dari hhh bara rawa7 enti ta3mel mzeya fi 3ers omi 5alitni na3mel haka ! Ken rayedh 9bal madji
3ers omek léé netcharfou barcha !
★chbik masdoum ya chesmek
Hakeka w dji omha donia w rajelha mahmoud
★ntouma lena wa7na nlawjou 3likom (donia)
★aa t3araftou wala mezeltou (Mahmoud)
★hhh tawa bech 3rodhna b3adhna (da5let b3adhha)
★mela taw n3arafkom ...hedha mahdi 21 sné ya9ra fel jem3a w howa lawel fiha 7asbou ki weldi w 9at3a meni omou w bouh metwefyin b 7adeth 3andou 3amin w men wa9tha n3ichou m3a b3adhna howa eli nawarli 7yeti
★w hedhi benti safaa 3morha 20 sné awel 3am 3andha fel jem3a w taw dzidou tet3arfou 3ala b3athkom fel dar
(Donia)
★fel dar ? (Mahdi)
★ey ye5i ma9alekch mahmoud eli bech twaliw tosknou lena 5ater el dar kbira w tousa3na?
★omi !!
★ey benti nsit ma9otlekch
★mahdi oka el cheufeur jeblek 7weyjek
★bhy 3ami !
★hay nemchiw donia nsalmou 3al dhyouf mraw7in
★haya 3zizi
★chnowa enti toskon fi darna !!! ti ena manich 7amla nchouf wejek !!
★7atena ama kif mnarvzetek la7keya miselech 9belt (mché w 5aleha t8azel )
Mba3d nos se3a wfé el 3ers wel dhyouf el kol raw7ou
Da5lou lel dar
★mahdi weldi hedha mefte7 bitek oka bjamb bit safaa... heya aselha bit dhyouf oka m3a el wa9t badalha kifma t7eb
★3aychek mart 3ami
★a7na bitna louta3 test7a9ou ay 7aja 9oulou ..hay nemchiw donia
Mchew w Safaa w mahdi tal3ou
Ki 9a3din i7elou fel beb
★ena rba7tek fel le5ir 8ourourek mawaslek el chy matensech 2-1 wa7da mta3 edharba w lo5ra mta3 el wisky s7i7 bara. Dawech ye33 ri7tek bdet tatla3 (da5let w 5arjet lsenha)
★mahboula yji nhar w test7a9ni
