جهـاد ...
في الليل عندما كنت احادث جميلتي على الهاتف ..سمعت صوت في الاسفل وبعدها صوت امي وهي تنادي علي
-حبيبتي بس لحظه خلي اشوف خاف صار شي واجيج
-ماشي عمري انتظرك
اغلقت الهاتف ونزلت بسرعه وجدت امي في الصاله جالسه وممسكه برجلها
-هايمه خير شصار
-اجيت ع المطبخ وعثرت ووكعت
-سلامتج سلامتج يايمه هسه لو رايده شي ليش ماكلتيلي
رجلج تاذيج ؟؟
-اي واصابع ايدي هم ضغطت عليهن من وكعت
-يايمه هسه غير تنتبهين ..استغفر الله يله ماصار شي
...اجلستها على الاريكه وذهبت لاحضر عبائتها واخذت مفتاح السياره واخذتها للمستشفى
-الوو حبيبي طمني صاير شي ضل بالي
-اي ..امي وكعت وهسه اخذتهه للمستشفى ويكول الدكتور عدهه تمزق بلاربطه مال ايدهه وفطر برجلها
-لااا ماتستاهل الله يشافيها
-انشاءالله
-حبيبي لعد خليك وياهه اخاف أاخرك عنهه ومن ترجع خابرني
-ماشي حبيبتي اني شويه وارجع لان الدكتور راح يكمللها فد ساعه وارجع
-اوك حبي ديربالك ع نفسك
-صار عمري
اغلقت الهاتف وذهبت للدكتور للاطمئنان على حالتها فقال لي يجب ان تبقى لمده شهر دون تحريك قدمها واسبوعين ليدها
عدت للمنزل برفقه امي ...ادخلتها لغرفتها واحضرت لها بعض العصير شربته واعطيتها الدواء وبعدها نامت هي اما انا اتصلت بجميلتي ...
-ها حبيبي
-هلا حياتي
-نامت ..
-اي خطيه تاذت هواي ماادري شكومها ووكعت هيج ماادري
-عادي حبيبي المهم هسه هي بخير وهسه كم يوم وترجع احسن من الاول
-اي انشاءالله بس هسه لازم اشوفلي احد يجي بالبيت يمهه
-اي صح لان شغلك والبيت ماكو احد بي ...زين منو راح تجيب
-والله مااعرف يمكن اشوف بمكتب الخدم
-اي احسن وخليهه دائما لان خطيه امك هم تتعب كل البيت عليهه
-باجر اروح الصبح واشوف
-ماشي حبيبي ..وهسه روح نام الوقت تاخر واكيد تعبان
-اي والله متت من الخوف عليهه
-لعد يله حبيبي نام لاتتاخر
-ماشي عمري ...تصبحين ع خير حياتي
-تصبح ع خير عمري
فـي الصبــاح ...
استيقظت وقمت بتحضير الفطور لي ولوالدتي.... رن هاتفي ..
ومن غير جميلتي ...
-صباح الخير ياعسل
-صباحو حبيبي شلونك
-الحمدلله وانتي
-بخير ..وامك شلون صارت
-بعدهه خطيه تتوجع
-الله يشافيهه انشاءالله
-اشتاقيتلج حبي
-ياعيني واني هم اشتاقيتلك
-حبي شنو رايج نسوي مفاجأه لامي اليوم
-شلون يعني 😕😕
-يعني تجين تشوفيهه
-لاوالله استحي
-هههه ليش حبيبتي ..انتي مو تعرفيهه. شكد تحبج
-اي بس شلون يعني ماادري احس السالفه غريبه
-اي صح حبي ..بس اني ردت تشوفيهه حتى تعرف رجعت علاقتنه
بعدني ماكتلهه ردت افاجئهه
-يعني راح تتقبلني
-وليش لا حبيبتي اصلا هي كلش تحبج شنو نسيتي شسوت علمودج
-ههههه وشلون انسه اصلا
-وهسه شنو رايج
-امممم
-امممممممم
-اوكي موافقه
-ماشي لعد حضري نفسج حتى اجي اخذج
-اوك من اكمل اتصل عليك
-ماشي حبي انتظرج
-اوك ...بااي حبي
-باي عمري
