إنتقام لم يكتمل { مكتملة}

الجزء الثالث

----

الرجاء ممن يقرؤن روايتي هذي و عاجبتهم

إنهم يصوتوا لها و يعلقو

شكراً😊😊

---

في بيت زياد كانت الأم في المطبخ تسوي أكل لزوجها إلي حتى الآن مافارق سريره... بعد حوالي عشر دقايق دق جرس الباب سابت إلي في يدها وراح عشان تفتحه.. ابتسمت وقالت: اهلين.

......: مرحبتين.

الأم: تفضل حياك الله.

......: الله يسلمش.

دخل وجلس في الصاله وراحت الأم للمطبخ عشان تجيب له عصير صبته في الكاسه وجابتها له وحطتها فوق الطاوله وجلست جنبه وقالت: اقول دكتور سالم.

د.سالم: نعم.

الأم: انا شاكه إنه في احد هو السبب في إلي صار لزوجي.

د.سالم: المطلوب؟

الأم: بما انك دكتوره الخاص ممكن تسأله ويجاوبك.

د.سالم: هههههه ما اظن ياخاله زوجش حريص على إختيار كلماته.

الام: هذي هي المشكله حتى ولده حاول معاه بس مدري ليه أحس إنه بيقول لك .. حاول.

د.سالم: حاضر يا خالتي بس إذا ما ييت بنتيجه لا تزعلي مني وإلي يسلمش.

الام: لا تشيل همي.

ابتسم وشرب العصيركله دفعه وحده بعدها أخذ شنطته وطلع على غرفة أبو زياد ودق الباب... من ناحية الأب خاف بس قال: تفضل يا سالم.

د.سالم: اهلين ما شاء الله عليك عرفتني من ورا الباب .

الاب:........... .

د.سالم: طبعاً زي ما عرفت محل الأوراق من ورى الخزنة .

الاب:........ .

د.سالم: ناصر حبيبي علمني وين خبيت الأوراق وولدك مارح يموت.

طالع ابو زياد فيه على طول بتفاجؤ وقال بعد فترة صمت: وش خص زياد بسالفتي.

د.سالم: أيواااا إنت وعدني إنك ماراح تخلي أحد من أهلك يشك بموضوعنا... بس مع الأسف زوجتك وولدك الشك معبيهم.

الاب: والله لو مسكت شعره وحده بس من ولدي مارح تعرف أي شي عن أوراقك يا السافل.

د.سالم: هههههههه هههههههههه حبيبي أنا اليوم ما بأسوي فيك شيء بس بشرط تطلع لي الأوراق وإذا عاد مت والأوراق ما طلعت ولدك بيموت يا بابا.

الاب:................. .

د.سالم: خلاص هذا هو فحصي يلا سلام.

وطلع والأب دخل في حالة خوف وده يقول كل شيء يعرفه بس ما يقدر.....هم مهددينه إنه لو نطق حرف واحد عن الأوراق لأحد كل إلي يعزونه مصيرهم موت فتح درج الكمدينه إلي جنبه وكتب فيها كل شي يعرفه بما إنه حس إن نهايته قربت هو مو خايف على ولده لأنه كلف احد بحراسته ....بعد ما خلص كتابه رجع القلم في الدرج وطبق الورقه وقاعد إلحين يدور مكان يخبيها فيه طالع حواليه بس ما لقي مكان قام واستجمع ما بقي له من القوه ونزل على الأرض وبما إن أرضية غرفته خشب قعد يحاول انه يشيل ولو خشبه وحده حاول وحاول إليين قدر رفعها وحط الورقه تحتها واستجمع قوته مرره ثانيه وبالقوه قدر يرجع للسرير بغى يخلي وراه دليل يدل على مكان الورقه إلي حطها مع بيانات السلاح نزل يده لتحت السرير وكسر منه وصله بس ما كسرها كلها خلى جزء منها في السرير لسه نزلها شوي وميلها لجهة الخشبه إلي تحتها مستقبله ومستقبل ولده بعدها سحب منزيل عشان يثبتها... داريه انكم تقولون من فين جته القوه جته من خوفه على ولده وزوجته.....