عشقت شخصيه وعشق جنوني

البدايه

ريماس :بنت مجنونه ماخذه كل حياتهه ضحك بضحك عمرهه 17 سنه امها متوفيه وابوها متزوج عدهه اخوات ثنين مزوجات وخوان ثنين هم مزوجين ابوهه كلش يحبهه واخوانهه هم
امجد: شخصيته قويه وغامضه انسان جدي بحياته وشويه عصبي بس محترم وكلهه تحبه ويصير ابن عم ريماس ابوه وابو ريماس توم
عائلة ابو مهند(اهل امجد)وعائلة ابو علي(اهل ريماس)
كلش متعلقين ابعضهم وميفترگون ودائما ريماس ابيت عمهه زينب: بنت اخت امجد صديقة ريماس الروح بلروح ابوهه متوفي وكاعدين ابيت جدهه(اهل امجد) من سنين
///////////////////////////////////////////////////////////
ريماس; اففففف والله ضوجه وملل يمته تخلص العطله ويبدي الدوام وتبدي مغامراتي 😈😈😈
ابو علي ; يامغامرات رموسه انتي السنه سادس انتبهي لدراستج وبطلي خبالات السنه طلعي معدل زين حته ترفعين راسي
ريماس:(وايديهه ع خدودهه 😱)عززززه السنه سادس??احلف بابا منو گلك
ألاب: 😒😒😒 بالله شوكت تعقلين وتبطلين سوالفج
ريماس: اسم الله اسم الله وليش اعقل خليني هيج احسن لي
بابا بابا حبيبي حياتي
الاب: خير شكو 😒
ريماس ;
خلي اروح لبيت عمو عفييييييه ☺

ألاب: صدگ ذكرتيني اريد اروحلهم الليله عندي شغله وي عمج عندي شغله وياه
انتي حضري روحج علما اروح لصلاه وارجع نتعشه ونروح
ريماس : اوك بابا بس تره من هسه اگولك سبوع يالا ارجع 😌
الاب ;; احسن حته نرتاح من دوختج 😃
ريماس 😒😒😒
حجي توكل ع الله روح للحسينيه صلي 😒
الاب;; رايح رايح 😂

خلي اخابر زنوبتي اگلهه راح اجي وهم اسألهه اذا خالهه الغثه موجود لولا ياربي ماموجود شگد كريه ومغرور ومتعجرف وشايف نفسه هففف 😤 بس شكله يجنن وشخصيته ماكو منهه والبنات ميتات عليه بس انه اكرهه ثقيل ومغرور كافي راح ادخل للنار من وراه خلي اخابر زنوب وروح اتحضر قبل مايجي بابا
مكالمه بين زينب وريماس...........
ريماس;الوو
زينب;;هلا بريحة هلي
ريماس;;هلا بللي الي
زينب;;هلابتالي العمر
ريماس::هلا هلا بلاولي
زينب ::مادري شوكت نعقل ونصير اوادم هههههههه
ريماس;; عيب عليج شنو نعقل المهم زنوبتي انه وره العشه اجيكم وي بابا
زينب;; هييييييي هلا بيج ضلعتي تنورينه بس تبقين سبوع ع اتفاقنه
ريماس;; اي اي وكلت البابا وافق ..اگول زنوووب سؤال مممم
زينب;; موجود موجود قبل لا تسألين
ريماس;; خب حضي هففففففففففف
زينب (وهي تضحك)  انتي الوحيده من بنات العراق متحبي خالو مع انه عسل وحباب وطيب وووو...طووووط انقطع الاتصال
ايا ملعونه سدته بوجهي بسيطه انه الج ريماسوو
مااااامااااا مااااماااا (زينب وهي تركض وتركص وتعيط) راح تجي ريمااااس هلا هلا عاشوووو عاشووو للكاع للكاااااع جتف جتف طم طم طح طح
هدى ;; زينب وثول صوتج كلهم جاي يصلون وانتي تكدين وتركصين اول مره تجي ريماس 😡😡
خلي اعرفكم بهدى //هدى هي اخت امجد الكبيره ام زينب اتزوجت وهي صغيره صارت عدهه زينب وتوفه زوجهه زينب ماتصيحهه ماما تگلهه بأسمهه وتكل لأم مهند بيبيتهه ماما وجدهه بابا لان هم ربوهه (نرجع للروايه)

زينب ; هاي شبيج ست هدى ع كيفج اعصابج عيني
هدى; سدي حلكج 😒
امجد ; شبيجن شبيجن نهار الله كله تتعاركن. ليكول شرايج 😂
هدى ; ماتشوفها ادگ وتركص والدنيا مغرب وجاي يصلون والله شنو ح تجي ريماس 😒
امجد;(وبانت عليه معالم الفرحه) هي ريماس راح تجي
زينب; 😍 ييي خالو حتجي وره العشه

امجد في غرفته امام المرآة
😏هه حتجي الخبله !!!!!!! امجد هلمره مابيهه مجال لازم تگولهه وغصبن عليهه توافق اصلا شلون ترفض واحد مثلي بنات العراق من شماله لجنوبه ميتات علي 😍
بس هي الوحيده الدخلت گلبي وعشقتهه يمكن عشقت خبالهه هههههههه

نرجع لريماس ..........

جهزت نفسهه وملابسهه حضرتهن صعدت لزوجة اخوهه لجبير ندى (هي تعتبر ندى مثل اختهه لان من هي وصغيره تعودت عليهه وندى طيبه وحبابه)
ريماس;;ندى انه حروح لبيت عمو عبد الحسن وي بابا بليل ادري حتشتاقيلي بس اتحملي ابقي باوعي لصوري 😂 وانه اخابرج اسمعج صوتي لاتنتحرين اوك
ندى ; 😒😒😒 اذب وراج سبع احجارات بس روحي وبعدين شدعوه سبوع شعندج
ريماس;; كيفي 😛 ( وتمد لسانهه مثل الطفله)
ندى;; بس لو اعرف شوكت تعقلين 😂😂😂
ريماس يلا باي حروح
ندى;; باي
نزلت شافت زوجة اخوهه الصغير جوه هي وياها ابد مايتراهمن عكسهن هي وندى طبعا ريماس ذبتلهه حجايه نرزفت زوجة اخوهه ومشت بتفاخر

راحت بدلت لبست نفس الصوره 👇



هي تحب الملابس نازكه ومتحب تلبسون بنطرون دائما تحب الفساتين وخاصتا التركيه

ريماس;; يالا بابا نروح
الاب ياللا بنتي
.....       .......      ...      ...  
وصلو لبيت عمهه دخلت ريماس شافت فيصل
ريماس ;; هلا ضلع شلونك
فيصل ;; هلا ابو الشباب 😂😂
ريماس :: وجع موصوجك صوجي انه اسلم عله هيج نماذج
فيصل ابن عمهه اكبر منهه بسنتين يحبهه وتحبه مثل الاخوه بس دوم يتعاركون ههههه

دخلو بعد ماسلمو على الكل وكعدو اجه امجد
امجد ;; السلام عليكم
الجميع;: وعليكم السلام

امجد ;; شلونك عمو شلون صحتك مشتاقيلك
ابو ريماس;; هلا بشبيهي بخير عمو انته شلونك
امجد;; صفن ع ريماس 😍 و ع جمالهه

     نسيت اوصفلكم ريماس .ريماس بنت رشيقه وطويله حنطاويه وتملك غمازات خدودها بارزه وعيونها واسعه



امجد ;; شلونج ريماس وهو يرفع احد حاجبيهه بغرور
ريماس;; الحمدالله (في نفسها;;: افف شكد مغرور بس مشكلته حاات يمووت اويلي 😍)

.
.
.
.
.

.  وووووووو انتهه البارت
1شنو رايكم بلبدايه ان شالله تعجبكم
ضيفوهه بمكاتبكم وستمتعو بيهه روايه تجنن 😍😍