كنت ذاهبه الى مدرستي في الصباح وانا ذاهبه في طريقي والهدوء يعمه مررت بجانب محل (ابو علي ) انه جارنا منذ ان ولدت اعتبره ابي وهو يعتبرني ابنته انا دائما عندما امر بجانبه اسلم عليه وادخل لكي اشتري منه (ببسي )
سما:هلو عمو شلونك صباح الخير
ابو علي :صباح الخير بنيتي شلونج اني الحمد لله
سما:الحمد لله
في هذه الاثناء دخل شاب واضح انه ايضا ذاهب الى مدرسته لكنه جديد في المنطقه وايضا جميل
الشاب:السلام عليكم
سما:وعليكم السلام
ابو علي:وعليكم السلام
ذهبت الى لكي اخذ( الببسي) لم يتبقى الا واحده وهو ايضا وضعنا ايدينا معا على العلبه اصبحت يده فوق يدي نظرنا الى اعين بعض انهما جذابتان للغايه سحبت يدي فورا واصبحت وجنتاي حمراوتان
سما:اسفه اخذها انت
الشاب:لا اني اسف اخذيها ☺
ابو علي:ههههه هاي شبيكم تتعازمون خلوها عليه
جلب (ابو علي ) كأسان وقسم بيننا (الببسي) بالتساوي
ابوعلي:اتفضلو
واعطانا الكأسان
سما:شكرا عمو
الشاب:شكرا عمي
ابو علي :ولو اكعدو اشربو وروحو
جلسنا انا والشاب وبدأنا بالشرب
ابو علي : ابني انت مبين جديد هنا مو
الشاب:اي صحيح عمي احنا البارحه اجينا شلنا هنا
ابو علي: هله بيكم نورتو المنطقه
سما: أهلاً وسهلاً
الشاب:شكرا
ابو علي:شنو اسمك
الشاب:تيم
ابو علي :عاشت الاسامي
تيم:شكرا
ابو علي :يا مرحله انت مبين رايح للدوام
تيم: اي صح رايح للدوام سادس علمي
ابو علي : اها يعني مثل سما
نظر الي وقال
تيم:اي
سما:يله عمو باي رايحه اني هم يله راح يدك الجرس شكرا عمو تسلم سلملي عله الاهل
ابو علي:ولو بنيتي
تيم:اني هم رايح شكرا عمي
ابو علي:ولو لعد ليش ما تروحون سويه
تيم:عادي مو مشكلة بس خاف البنيه متقبل
سما:لا عادي
ذهبنا انا وتيم كان طريقنا واحد بدء هو الحديث
تيم:اسمج سما مو
سما:اي
تيم:عاشت الاسامي
سما:تسلم انت هسه يعني جديد ما عندك اصدقاء
تيم:اي محد
سما:هسه يصير عندك هو بس اول يوم
تيم:اي صحيح
سما:يله باي هاي مدرستي
تيم:ها لحضه يعني هسه اني وانتي نفس المدرسه
سما:يااا هههه صدك شلون صدفه حلوه
تيم:ههههه اي لعد عادي نصير اصدقاء
سما :اي عادي هههه
ذهب تيم الى صفه
المدرس:اليوم عدنا طالب جديد اتفضل تيم
تيم:شكرا استاذ
الطلاب :اهلا وسهلا
في صف اخر
انتهى الدرس وانا اضع كتبي في حقيبتي اتى الي تيم
تيم:سما عادي نطلع بره بالساحه اريد احجي وياج
سما:عادي
خرجنا انا وتيم الى الساحه وكان الطلاب ينظرون الينا
تيم:سما ممكن طلب
سما:عادي اتفضل
تيم:عادي انضل اني وياج نطلع سويه ونفتر لبين ما اكون صداقات
سما:اي عادي ماكو مشكله
تيم:شكرا
اتت الي فتاه
الفتاه:سما تعاي اريد احجي وياج
سما:اوك لحضه تيم هسه اجي
الفتاه:طلع اسمك تيم
تيم:اي
سما:خير شتريدين
ذهبنا بعيدا عن تيم
هدى:تعاي انتي اكلج شلقصه شفتي الولد حلو اول ما اجه اخذتي
سما:احترمي نفسج هو جيرانا
هدى:عشتو مره ثانيه اذا اشوفج وياه اطيح حضج افتهمتي
سما:هي انتي اطلع وياه ما اطلع بكيفي وبعدين هو الكال يريد يطلع وانتي معليج خوش
هدى:تيم عجبني ورايدته وما اريد اشوفج وياه
سما:شو دولي اكبر فارغه انتي
هدى:اني اكبر فارغه اعلمج سما بصيطه
ذهبت الى صفي لانه عندما عدت الى تيم وجدته يتكلم مع جوزيف واصدقاءه
