تزوير تاريخ الانتهاء للدواء !!!!😳
هلقد بلغ الطمع والجشع عند بعض التجار اللي لا يستحقوا لقب صيدلي؟؟؟؟ هذه مش أزمه فلوس وماده.. هذه أزمه أخلاقيات مهنه!!! 😖
هذا مش بس بايع ضميره .. هذا ما بيخاف الله!! 😡
وما حدا يقول لي : بيمثل نفسه بس!! لااااا هذا بيمثلنا كلنا.. بيسيء لسمعتنا كلنا .. 😖..سمعتنا اللي صار لنا سنين منشتغل عليها .. ونعمل لنا مركز محترم ومعطاء ومفيد للمجتمع.. ييجي واحد يهز هذه الثقه بتصرف مثل هيك!!!؟؟؟
هزُلت.. يا للعار !!! العقاب شو هو؟؟ غرامه!! شويه فلوس!!! مهما كانت قيمتها .. بدنا هيك اشخاص تتربى ويكون العقاب رادع أكتر من هيك..👊.
ما حدا يقول لي لو في نقابه !!!🤔 النقابه ما رح تربينا !! هذه التربيه على الاخلاق بيتعلمها الواحد من دار أبوه!!! ..
إنما احنا كمجتمع صيدلاني لازم نتوحد مع بعض وننبذ أي شخص بيننا يتصرف بطريقه تجلب للمهنه السوء بأي شكل من الاشكال.. 💪..تذكرت تجربه عملوها على مجتمع النمل.. مجتمع عنده قوانين صارمه.. النمله اللي يثبت انها كذابه بياكلوها 😳..حطوا فتفوته 😊خبز قدام نمله.. لما شافتها راحت تنادي قبيلتها ..شالوا الفتفوته..لما أجت النمله مع القبيله وما لقيوا أكل .. تركوها ورجعوا .. كرروا الشغله معها كمان مره.. لما اجت قبيلتها وما لقيوا أكل!!! هجموا عليها وقتلوها!!! لانها بنظرهم كذابه !! مجرمه!!!تستحق القتل!! 😡..احنا بس واللي عملوا التجربه(الله لا يسامحهم) عارفين انها بريئه!! وقتلت ظلماً وبهتاناً😥..ضحيه التجارب..😔
المهم .. نرجع لموضوعنا .. اخلاقيات المهنه احنا اللي منحطها.. احنا اللي منعتمدها.. أساسها الدين الصح والاخلاق الصح.. واللي ما بده يمشي معنا عليها .. رح ينفضح (عندما يثبت الجرم عليه) ورح ننبذه لانه لا يستحق ان يكون ضمن الاسره الصيدلانيه الواحده الكبيره ..😊
تحياتي وإعجابي لكل صيدلي يتقي الله في عمله.. يطبق تعاليم الله وشرعه قبل ان يحافظ على قَسمه..
