الاعتماديه!!! وشو هيه؟😱؟ صار لنا كم يوم منحكي فيها!! ..انا تعبت من التفكير .. 😖😖😖.والله مو ناقصنا قصص !!😤 (نون الجماعه هذه تعود على اصحاب الصيدليات الفرديه).. ما بين الضرائب مبيعات ودخل .. واحتكارات التأمين .. والخصومات والدعايات ..بدها تكمل معنا بالاعتماديه؟؟؟😳احنا ناقصنا جهه رقابيه اضافيه؟؟؟ 😱..مالهم وزاره الصحه ومؤسسه الغذاء والدواء ؟؟ مش مقصرين الجماعه ! حتى النقابه لما كانت نقابه.. كانت تراقب وتعاقب وووو..بعدين احنا ناقصنا مصاريف اضافيه؟؟؟😳..قبل ما يبلشونا بالحصول على الاعتماديه وتغيير ديكورات الصيدليه وووو خليهم يزبطوا لنا نسبه الربح عالادويه اللي ما تغيرت من سنه ١٩٠٠ وخشبه!! خليهم يتركونا نعرف نسترزق بدل ما يحتكروا تأمينات المزمن ويتركوا لنا كم مطالبه عاديه!! ..خلونا نعرف نربح زي الناس نقدر نعطي معاشات للصيادله اللي بيشتغلوا معنا.. اللي عم يتعبوا من الصبح لليل ..فكركم احنا عاجبنا انه معاشاتهم قليله نوعا ما ؟؟ اخوتنا هم واصحابنا.. ومأمنينهم على صيدلياتنا .. اييييه شو بدنا نحكي لنحكي؟؟؟😥 ماهو لو عندنا نقابه قويه كان دافعت عنا!! ما حدا يقول لي كان عنا نقابه شو عملت ؟؟ اللي فات مات.. بدنا نفتح صفحه جديده!! بدنا نقابنتا ترجع .. وترجع قويه فينا.. لانه احنا بحاجه لها .. تحكي بإسمنا وتدافع عنا.. (نون الجماعه هون تعود على اصحاب الصيدليات والموظفين اللي في الصيدليات .. لانه اللي علينا عليهم ..)إجتماع يوم الاربعاء اللي الساعه ٦،٥ بالنقابه انا رايحه عليه .. بدي افهم !! بدي اعرف!! خلص انتهى عهد الصمت والخنوع .. حقنا بدنا نجيبه بإيدينا .. ما حد رح يجيب لنا اياه واحنا قاعدين منحسب ونضرب ونطرح بصيدلياتنا .. تعالووووو .. خلينا نشوف شو القصه ؟؟ وشو منقدر نعمل !!! ..
#الاعتماديه_وجع_راس
#رجعوا_لنا_نقابتنا
#متحدين_نقف_متفرقين_نسقط
