Pag ibig ko sayo'y sa una pa lang ay mali
Kahit kasalanan na ikaw ay mahalin
Dama ng aking puso ay ikaw pa rin
Paano ba matatanggap na ika'y di akin
Kung iyong pinadadama
Ako'y mahal mo rin
Tama bang umasa at lumaban
Kung sa una pa lang
Wala na akong laban
Sa larong ito hindi ba't ako lang ang talo
Dahil alam ko kung ano lang tayo
Magkaibigan na lang yun ang sabi mo
Kahit na ganun lang ako sayo
Umaasa pa rin ako na ito'y magbago
Baka bukas paggising mo
Ako na ang piliin mo
Alam kong mali ang umasa
Dahil may asawa ka na
Pero masisisi mo ba ko
Dahil sabi mo mahalaga din ako
Pero ano nga lang ba ako sayo
Palipas oras
Yan ba ang turing mo
Alam ko may kasalanan din ako
Dahil nasa akin ka na noon
Pero binalewa ko
Ngayon aasa asa ako
Na baka pwede pa rin tayo
Kahit kasalanan na ang magsama tayo
Dahil nakatali na rin ako
Nananahimik na ko
Bakit mo pa ko ginulo
Kontento na ko sa kung anong meron ako
Pero ngayon tinatanong ko
Masaya pa ba ako sa kanya
Ngayong andyan ka
Pilit pumapasok sa eksena
Maitatama pa ba
Ako'y nakokonsensya na
Mahal ko naman siya
Pero paano ka
Gusto rin kitang makasama
Gusto ko sanang ipaglaban
Ikaw kaya yun din ang nararamdaman
Pero paano sila
Maraming masasaktan
Kaya wag na lang
Dapat ng itigil
Itong ating kahibangan
Na sa simula pa lang
Isa nang malaking kalokohan
Hindi na dapat sinimulan
Dahil wala rin naman patutunguhan
Kaya tinatapos ko
Itong aking kahibangan
Dahil sa una pa lang
Wala nang kahihinatnan
