Hindi Ko Kaya

Akala ko "Hindi Ko Kaya"

Akala ko hindi ko kaya

Pero kaya ko pala

Nasabi ko agad sa sarili ko na

"Hindi Ko Kaya."

Pero ang malaking tanong ko

Sa sarili ko ng mga panahon na 'yon

Ginawa ko ba?

Sinubukan ko ba?

Hindi ko pa ginagawa

Hindi ko pa sinusubukan

Wala pa akong ginagawa 

Wala pa akong ginagawang hakbang

Balikan natin yung mga panahong "Tayo" pa

Yung panahong masaya pa "Tayo"

Yung panahong kasama pa kita

Yung mayroon salitang "Tayo"

Ikaw at Ako

Oo "Tayo."

Ngunit nagbago ang lahat sa atin

Nagbago na rin ang salitang "Tayo"

Naglaho na ang salitang "Tayo"

Wala nang ikaw at ako

Napalitan na ng tatlong salita

"Wala Nang Tayo"

"Tapos Na Tayo"

Pero ang pangako natin

Sa isa't isa na "Tayo" lang

Ikaw at Ako lang

Wala ng iba

Pero sa bandang huli meron palang iba

Akala ko "Ako" lang

Akala ko talaga "Ako" lang

"Ako" lang ang mahal mo.

Yung sumpaang Tayo lang

Na habambuhay Tayo

Na yung salitang Tayo

Ay hindi magbabago

Hindi maglalaho ang salitang Tayo.

Pero iniwan mo na ako

Bumitaw ka na sa pangako mo

Sumuko na sa salitang tayo

Na wala na yung salitang tayo

Kasi wala ng ikaw at ako

Na umiyak ako sa harap mo

Na hindi ko kayang mabuhay

Nang wala ka

Na mamamatay ako kapag wala ka.

Pero doon ako nagkamali

Nabulag ako sa sarili kong

Pagmamahal

Binulag ako ng pagmamahal ko

Na pinuno ng pagmamahal ko

Yung puso ko ng takot

Na mawala ka sa buhay ko

Na hindi ko naisip na

Darating yung panahon na

Mawawala ka

Mawawala na yung tayo

Na hindi na mabubuo ang tayo

Ikaw mismo wala na

Sumuko na

Bumitaw na

Umayaw na

Pero ngayon masaya na ako

Na nakalimutan ko na

Ang nakaraan nating dalawa

Naghilom na yung sugat

Sa puso ko

Nawala na yung hapdi

Pero salamat sayo

Kasi natuto na ako

Na natuto ako sa sarili

Kong pagmamahal

Yung salitang

"Kaya Ko Pala"

Na wala ka sa buhay ko

Na kaya kong mabuhay

Ng wala ka.