في السيارة ما وقفوا كلام وأنا ساكته في بداخلي شي يقولي اليوم بتصير مصيبه بس مو من أي نوع
يعني مصايب الهواش مع بسام ما عادت مصايب لأني تعودت عليها
بلعت ريقي بتوتر تاله فكيني ممكن تسكتين
ابتسمت بمشاكسة وريني شكلك تكفيين
خزيتها يعني اشيل حجابي بالسيارة شرايك يعني
ابتسمت فديت هالعيون صدق من قال اللثمة تفتن
ابتسمت غصب عني تدرين إنك تشبهين راكان بكل شي
كشرت وهي تعدل جلستها مالت عليك
ضحكت أحسن ناظرت لين قصت شعرها وصبغته طلع مره واااو عليها
شقاعده تسوين لين
برسل مسج لبندر
تنهدت وحشوني إخواني العاقين ما كأنه عندهم أخت
تاله لو سمحتي زوجي مو عاق
أكبر عاق بعد
مو عاق
عاق ونص
لين بنرفزة يا حمـ## إنتي وياها انكتموا شوي ارسلت المسج لوسن بالغلط
شهقت تاله ليكون فيه شي غلط
اخفيت ضحكتي على وجه لين اللي ما يتفسر ما استوعبت اللي انقال الا متأخر
ضربتها بالشنطة سخيفه على بالك عبدالله وتاله من ورا الكواليس
تاله انحرجت وبحب يحصل لك تكونين مثلي أنا وعبدالله
حسيت بلين انجرحت قلت اصرفها لا والله ما يحصل لها ترا الحرام حرام
تاله بزفرة اففف ترا غلط وصار لا تجلسين تذليني عليه كل شوي
لين تحرك حاجبها عشان قبل لا تسوين أي حركة مره ثانية تحسبين حسابها
ضحكت أنا ولين
تاله انغاضت شوي وتنط من الشباك
إلا ع طاري وسن لفيت وأنا اتذكر وش صار لين انتي للحين تكلمين وسن
اييه ماله دخل بسام هذي صديقتي حتى لو اختلفنا بالافكار والاديان بعدين انتي انتهت علاقتك فيها وأنا ما اقابلها الا برا البيت بالأماكن العامة
هزيت راسي بتفكير صح كلامك ماله دخل
تاله تردها اييه عاد إنت ما صدقتي أحد يقول شي عن بسام
ابتسمت مالك دخل إنتي
تاله بقهر شوفي أنا من غير شي مقهورة لأني دخلت الصالون وما سويت الا مساج لا تخليني أطلع حرتي فيك
فتحت باب السيارة يوم وصلنا ما تقدرين
لين تسحبني معها بالنهاية بتقطعون شعور بعض امشي ع البيت انتي الله يستر من بسام
يوم دخلنا البيت سحبت يدي منها وفتحت حجابي
صرخوا الثنتين باعجاب
تاله تدور حولي واااااو توتا يا كلـ### وش هذا
ابتسمت حلو..!
لين بانبهار لااا أنا ابصم إنه بسام ما بيهاوشك اليوم
كشرت بوجهي مالت عليك وعلى طاريه
تاله تمسك شعري واااو كأنه لعبة
بعدت راسي بضحكة لا تخربيه
شفت نظراتهم تغيرت
لين بخبث توتا تعالي ع غرفتي خلينا نضبطك وتروحين لبسام
قبل لا اعترض
قالت تاله عشان يعرف انه الله حق
أنا ناويه عليه من أول بعد ما عرفت إنه الزواج تأجل عشان السنيورا ياسمين
قلت بطاعة غريبة اوكيه
تاله بحماس سحبتني يللا...!
أخي:
بسمتك في عيني
تبعث فرح !
يعني إنت مُصر!! والله مو هاين عليّ
البيت فرة حصى ع قولتهم بعدين كل يوم بتشوفني قدامك بالدوام
بندر يتنهد وهو يعطيه المفتاح
وش هذا؟؟
هدية زواجك
عبدالله يتأمل المفتاح ناظره يستهبل كأنه مفتاح سيارة؟؟
بندر بضحكة لا مفتاح حمام بيتك شرايك يعني
تجهم وجهه وبعدين معك إنت بندر ما يصير كذا
بندر يتمطط بنعس أنا قلت اللي عندي إنت رفضت تسكن معي وما لقيت هدية أغلى من كذا بيت وعندك وزوجة عندك قلت سيارة مافي هدية حلوه تستحقها
وابتسم ابتسامة عريضة
عبدالله بحب بندر إنت تعطيني الكثير
ابتسم بصدق وهو يقوم من الكنبة أخذ الكاسة وصب له مويه أجل أنا وش أقول يا عبدالله
عبدالله إنت ما عشت العيشه إللي أنا عشتها أنا ما لي أخوان حياتي مقتصرة على أمي أبوي ما كنت أشوفه إلا عشان العمل وإذا صدف وكنا سوآ لازم أكون بين خناقات أمي وأبوي يعني يوم ألاقي أخ يكون معي حرام أعطيه من اللي عندي
إنت قول لي تحس بالنقص إذا عطيتك شي أنا كل اللي أسويه إني ودي يكون لك مثل ما لي
ابتسم بصفاء يعني متعادلين أنا أعطيك الأخوة وإنت تعطيني الهدايا
توسعت ابتسامة بندر اييه كذا متفقين
رمى المفتاح ورجع أخذه مالت عليها من معادلة تساوي اللي قاعد تسويه إنت باللي أنا سويته مجرد وجودي
تعرف تنطم وجودك بحياتي هو أفضل شي سويته إنت بحياتك
عبدالله بتعقيدة لا والله مو أفضل شي بعدين إنت وش دراك
بندر بتفكير يستهبل يمكن الأفضل اللي يكون مع تاله
رمى عليه علبة المناديل تدري إنك تبن
ضحك من قلبه أدري دايما تقولي بس أنسى
ابتسم عبدالله وهو يقوم يللا أجل أنا بروح أشوف بيتي نظفوه وإلا لا تدري ما بقى شي كلها ثلاث أيام
الله معك إذا احتجت شي كلمني
أكيد
أنت تقرأ
خنقت الورد يا يمه و بيدي انكسر ذبلان
Romanceرواية [[ خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ]]..! للكاتبة بائــعة الورد
