سميتي ريم عندي 18 لعام طاي مانكان عينين عسليين و شعر كحل و طويل ساكنا ف كازا عندي ختي كبيرة سميتها لمياء ماما كالسة ف الدار و بابا كي سافر ديما برا هاد لعام عندي لباك. انا فاش كانسمع لباك ماكانتخلعش حيتاش انا ديما تانجي لولا عمرني هبت على 17 .عندي جوج صحابات هند و عبير هند واليديها ميتين ساكنا مع جداتها كا الدير ما بغات تلبس شنو ما بغات و تخرج وقت مابغات ما كاتسوقش اما عبير فواليديها أغنياء ساكنين ففيلا كبيرة بزااف و مفشين بنتهم و داكشي خلاها تكون متكبرة. انا لمتواضعة فيهم داياها فقرايتي و عمرني ما تصاحبت مع شي حد للخروج كانخرج معا ماما و لا ختي. مهم ليوما اول نهار عندي فليسي.
ماما:ريم نوضي باراكا من النعاس
انا:ماما عافاك خمس الدقايق
ماما:نتي خمسة الدقايق عندكي هي ساعة نوضي تكعدي
من مورا ما فقت دخلت ندوش خرجت نشفت شاعري و لبست تجين عادي و قاميجا كحلا درت ماسكارا و جمعت شعري كوتشفال اوت .مشيت ل الصالون باش نفطر
انا:صباح لخير
لمياء:ها هي جات
انا:مالكم ياك لباس
ماما:لا والو باس ا بنتي غير كنت انا و ختك..
لمياء:كونا كانهدرو على شحال ا تجيبي فلباك
ماما:مالكي ا داك لموصيبة ياك شحال من مرا كتليك ما تبقايش تقاطعيني فاش نكون كانهدر
انا:وا صافي او عوتاني بدينا مهم يالاه بسلامة ا ماما انا غادا ل ليسي
أنت تقرأ
و تفترق القلوب 💔
Romanceقصة و تتفترق القلوب من كتابات "aya kapoor" قصة حب ريم و سام ريم فتاة مواضبا 18 عام تدرس بكلية .سام فتى غني متكبر يدرس بنفس كلية ريم. سيجمعهم القدر لكن سيفارقهم تتبعوا احداث القصة
