الحلقه الاولى
بسم الله الرحيم الرحيم والصلاة والسلام على اشرف المرسلين وخاتم الانبياااء والمرسلين سيدنا محمد صل الله عليه وسلم
تبدا قصة ملك فى اخر لحظه فى انتهاء حفل زفافها وهى تسلم على المدعوين بسعاده بالغه واى حد يقولها مبروك تقوله بكل تلقائيه ربنا يرزقك بالسعاده الى انا فيها دلوقتى وبعد ما كل المدعوين يمشو
هدير: حبيبة قلبى وصديقتى الوحيده ملك يا اغلى واطيب صديقه عرفتها الف مبروك
تقرب ملك من صحبتها اوووووووووى وتحضنها ودموعها فى عينيها وتقولها الله يبارك فيك يا اغلى صديقه فى حياتى وان شاء الله المناسبه الجايه هى فرحك واجى احضنك زى كده واقولك مبروووك
وتعيط هدير وتبصلها ملك وتقولها لو عيطتى هزعل منك بجد ده اسعد يوم فى حياتى لازم تكونى سعيده لانى سعيده فاهمه
تبتسم هدير وتقولها فاهمه يا اجمل عروسه
ملك: ملحظتيش حاجه يا هدير فى فقرات الفرح ؟
هدير : اه لاحظت انك لغيتى فقره بوكيه العروسه شكله عجبك وطمعتى فيه ومرضتيش ترميه لحد
ويضحكوا الاتنين
ملك :ما انتى عندك قوة ملاحظه جامده اهو
هدير: طبعا انتى ناسيه اننا اديلنا اكتر من سنه بنجهز للفرح ده انا حفظاه حته حته
بس مقولتليش صحيح ليه لغتيها ؟؟
ملك : يا لهووووى انتى مبتفهميش ابدا لغيتها علشان انتى العروسه الى انا عيزاها بعدى اتفضلى البوكيه
هدير بذهول تحضن ملك بجد انا بحبك اووووووووووى ربنا يخليكى ليا
وتقاطع حديثهم مامت ملك :ايه يا بنات الرغى ده يلا ادخلى اجزى يا ملك ميعاد الطياره قرب
وتبتسم ملك وتقول ايوة صحيح ده انا مسافره يا فرحة قلبى
وتمسك ملك الفستان بايديها وهى فرحانه وتقرب من عريسها ( حازم )
وتقوله حبيبى انا هروح اظبط الميكب بتاعى والطرحه علشان نمشي
حازم : انتى لسه مصره تسافرى بالزفت الفستان ده
ملك: ايه زفت ده متقولش كده عل فستانى علشان مزعلكش وبعدين انا بحلم باليوم ده من زمان اكون الاميره وانت الامير الى جنبى
حازم : انا شايف ان كفايه اووووى الفستان فى القاعه ملهاش اى لزمه المظاهر ده
ملك : ليه بقى ان شاء الله ؟
حازم: صدقينى الفستان والسفر بيه هيكون عبء عليا وعليكى
ملك : عليك انت بس يا استاذ انا برنسيسه انهارده وسيادتك الى هتعمل كل حاجه
وبعدين فك بقى التكشيره ده هو انا قلتلك البسه انت وتضحك ملك ضحكتها العفويه العاليه
وتقطع حديثهم لتانى مره مامت ملك يلا بقى يا حببتى
طيب يا حبيبى هستاذنك انا اروح اظبط نفسي وتنادى ملك على هدير علشان تساعدها وفعلا يدخلوا هما الاتنين الغرفه المحجوزة وتبص ملك فى المرايه وتبدا تظبط الميكب وهى بتغنى
هدير: ملك اهدى يا حبببتى شويه حاسه قلبك هيقف من الفرحه
ملك : فعلا يا هدير انا هموت من الفرحه عارفه احساس انى هبقى مع حبيبى على طول وهسافر معاه ده احساس ميتوصففش وبعدين انا انتظرت اكتر من سنه وانتى عارفه قد ايه منتظرة اللحظه ده
هدير : والله مقدره يا حببتى بس انتى لازم على الاقل تبينى انك مكسوفه
ملك: تتضحك بعفويه
لا طبعا مش هضيع احلى يوم فى عمرى فى التمثيل انا عايزة افضل طبيعيه كده وييلا بقى احسن اخرنا اووووووى
وتودع ملك صديقتها وتركب العربيه علشان يروحوا المطار
وهما فى العربيه حازم كان باصص من الشباك ومنطقش باى كلمه ولكن بمجرد ما وصلوا شد ملك لحضنه وبص فى عنيها وباسها فى راسها وقالها مبروك يا حببتى
وبمجرد ما عمل كده نسيت ملك زعلها منه وانه متكلمش طول الطريق والسعاده رجعت تانى لقلبها
وسلمت ملك على اهلها ومنعت اى حد انه يعيط وقالتلهم محدش يزعل وازى تزعلوا وانا مع حبيبى وجوزى وكل دنيتى وغير انى فرحانه جدااااااااا ولكن مقدرتش ملك تقاوم بعض دموع نزلوا فى لحظه فراقها باهلها
وسلمت كمان على اهل حازم وقد ايه كانت فرحانه انهم فرحانين بيها جدا وعمرها ما هتنسى انهم بيعاملوها احسن من اهلها وانهم هونوا عليها فتره غياب حازم عنها
وركب الطياره حازم وملك بعد ماممشيت كل اجراءات المطار بكل سلاسة والسبب فى كده يرجع ان ملك لابسه عروسه وحازم بدله فطبعا كلهم كانوا بيهنوهم بالزفاف
لغاية ما وصولوا الطياره
ومازال حازم سرحان وكانه فى دنيا تانيه مش مع ملك خالص
ملك : حازم حازم انت معايا
حازم : ايوة معاكى اهو فى حاجه
ملك : انا الى المفروض اسالك فى ايه انت سرحان ليه
حازم : لا مفيش ويرجع تان يبص بعيد
بصتله ملك باستغراب وقالت جواها هو مين فينا الى المفروض يكون سرحان وزعلان المفروض اكون اانا الى كده
انا الى سيبت بيتى وعيلتى واصحابى وحياتى
وسكتت شويه واستعاذت بالله من الشيطان الرجيم وافتكرت كلامها لصحبتها وانها عايزة اليوم ده يكون اسعد يوم فى حياتها
وتقاطع صمتهم الرهيب المضيفه وهى بتقولهم الف مبروك للعروسين بنهنيكم واتفضلو التورتة هديه من الاسره هنا
مردش حازم عليها وقابل كلام المضيفه بابتسامه ممزوجه بتهكم
وبصتلها ملك وقلتلها متشكره اووى اووى وربنا يبارك فيكى وطبعا هديه مقبوله وبدات فى سحب التورته من المضيفه ونتيجة لارتباكها من موقف حازم وحيرتها هو عمل كده ليه تقع منها التورته على حازم
ملك : اوووووه اسف اوى مكنش قصدى والله
المضيفه : حصل خير حالا هنلمها
وتمشي المضيفه
ويبص حازم لملك : بجد انا قرفت من تصرفات الاطفال ده خليكى هاديه شويه وبلاش شغل عيال
ملك :انا اسفه كمان مره بس من فضلك متزعل... ويقاطعاها حازم ووهو بيقول خلاص خلاص
وانتهت رحله الطيران الى كانت على قلب ملك صعبه جداااااا واخيرا وصلوا
