بدات ملك بمناجاة ربها
يا الله يا عظيم ياذا العرش الكريم اللهم اني اسالك بكل اسم سميت به نفسك او انزلته في كتابك ان تفرج همي يا رب فرج همي وانهارت في البكاء وسكتت عن الدعاء وبدات تردد كلمه يا رب يا رب يا رب وانهت الصلاه وبعد ما مسحت دموعها وحست ان هم تقيل اووووي انزاح من علي قلبها حست انهاوبعد ما قالت لربنا بالراحه والتوكل ومسكت السبحه في ايديها وبدات بالاستغفار ولكن وكالعاده قضت النوم علي سجادة الصلاه وصحيت علي صوت الباب
واول ما قمت بدات تكلم نفسها
اه يا رقبتي ايه ده هو انا كل يوم هنام علي الارض وهفوق علي خبط الجيران ما خلاص باركنا وخلصنا اووف بقي وكان رن الجرس مستمر
ايووه مين
الطارق : لو سمحت الظرف ده لاستاذ حازم وعايز اسيبهوله
ملك : وجواه ايه الظرف ده
الطارق : اكيد جواه شغل بس انا معرفش بالضبط هو استاذ حازم طلب اننا نجيبه البيت
وفتحت الباب ملك واخدت الظرف وبعد ما اخدتة وقفلت الباب رمتة.علي السفره وقالت لنفسها ايه القرف ده كمان هاخدله شغله وكانت لسه عينيها علي الظرف وكانت عارفه ان حازم بايت عند الاستاذه ديانا
الفضول اجبر ملك انها تعرف شغل حازم فين والظرف جواه ايه وفعلا قدرت تتعرف علي الشركه من خلال العنوان الي علي الظرف وكمان رقم التلفون وطلعت تجري علي اوضتها علشان تجيب ورقه وقلم وتسجل البيانات الي هي عايزاها كانت تصرفاتها غريبه ومش مفهومه حتي بالنسبه ليها وفتحت الظرف وقدرت تتعرف علي المشرؤع الجديد وبالعكس جذابها اوووي كل المعلومات الي في المشروع
ملحوظه :حازم شغال في اكبر شركه دعايه واعلان قي الشرق الاوسط علي الرغم انه خريج تجاره بس ذكاائه حدد شغل
مسكت ملك ورقه وقلم وبدات تاخد كل معلومه عن المنتج الحديث ومكتفتش بكده فتحت الانترنت علشان تقدر تدرس الشركه كويس اووي وتعرف كل معلؤمه حتي لو صغيره عن الشركه
انهك ملك الشغل،والدراسه وكانت عارفه. انها لازم ترجع كل حاجه في مكانها لان ده وقت رجوع حازم ودخلت ملك لبست هدومها علشان تتغدي برا
مع وصوول حازم
حازم:ملك .... ملك ...ملك
ملك :نعم وكانت خلاص في اخر لبسها واستعدادها للخروج
حازم ومع نظره متفحصه ايه الشياكه ده
ملك :الزم حدودك ومش محتاجه كل يوم افكرك ان ملكش دعوه بيا
حازم:طيب علي الاقل عايز اعرف رايحه فين
ملك :هو ميخصكش بس هرضي فضولك ؤاقولك اني رايحه اتغدي برا
حازم :نعم لوحدك
ملك:اه لوحدي
حازم:طيب انا هاجي معاكي علي الاقل علشان اعرفك الطريق
ملك :شكرا لخدماتك انا ماشيه لان حضرتك عطلتني
حازم:ههههههههههههههههههههههه والله ضحكتيني انتي اصلا عاطله من غير اي حاجه
جرح حازم ملك اوووي بكلامه وقالتله مش هرد عليك وخرجت من البيت ومشيت علي وصف سندس والجيران واتمشت في البلد وقبل ما ترجع البيت كانت راحت الشركه بتاعت حازم .
وبعد وصولها البيت
حازم : انتي يا استاذه ملك
ملك:ايه الزعيق ده خير ايه الي حصل
حازم:مقلتيش لية ان الظرف ده جه
ملك: سوري نسيت
حازم:حضرتك عطلتيني عن الشغل كمان يوم يا تري عارفه ان ده هيخلي مفيش فلوس في البيت يعني حضرتك مش هتعرفي تاكلي لما انا معملش شغلي
ملك:بس بقي.كفايه مش عايزه منك فلوس ولا اي حاجه انت انساني مادي اووي
وقطع كلامهم الجرس وهو بيرن وجري حازم علي الباب
ديانا :ايه يا بيبي هتسبني كتير قاعده في العربيه مستنياك وحطت ايديها علي كتفه لانه شافت ملك وراه
حازم: سوري يا.حياتي.بس لقيتهم بعتنلي منتج جديد ولسه مخلصتش الشغل والعرض مش قدامه غير يوم
ديانا: خلاص يبقي نقعد هنا سوا واساعدك وفغلا دخلت الشقه واول ماشافت ملك قالتلها :هههه ايه البس ده انتي اخدتي لبس مامتك
باصتلها ملك باشمئزاز ومن فوق لتحت من الي استفز ديانا جداا
ملك:حازم عايزه اتكلم معاك
حازم:اوك واخدته الغرفه جوه وقلتله انا مش موافقه ابدااا انكم تقعدوا هنا ومش بعيد الاستاذه تشرب خمره لو قعدتو هنا انا هبات في فندق
حازم:لا انا هاخدها وانزل بس ممكن لو جتلي حاجه تاني من الشغل تقوليلي عليها
ملك:حاضر بس اتفضل بقي
ومع نزول حازم من البيت كانت ملك بتجهز نفسها وفاتحه الاب وحوليها الاوراق وفي ايديها كوبايه النسكافيه ورجعت تاني لموقع الشركه
مكتفتش ملك في بحثها في تاريخ الشركه بسنه او بسنتين لا ملك رجعت بتاريخ الشركه لاكتر من عشر سنين لواره وكانت لحظة انتهاء شغلها هو وقت صلاة الفجر قامت ملك اتوضت وصلت الفجر
وكان مناجتها لربها بتزيد كانت بتكلم ربنا وبتحكيله علي كل حاجه حصلت معاها ومناجاتها بين الابتسامه وبين العياط كانت ببتتكلم بثقه ويقين ان ربنا فعلا معاها
دخل حازم البيت واتفاجئ بملك وهي نايمه علي سجاده الصلاه وبالاسدال والطرحه وقد ايه شكلها جميل ووقف قدامها وهو بيتاملها ولكن هي كانت حست بحركه حواليها وفتحت عينيها واول ما شفتهزعقت وهو كمان زعق من
خضته
ملك :ايه ده انت جيت امتي وواقف هنا ليه
حازم:جيت من عشر دقايق كده وكنت ناوي اصحيكي بس انتي عملتي الواجب
ملك :وجيت ليه انهارده مش ميعاد الشركه بكره
حازم: عرفتي.منين ان الميعاد بكره
ملك:انت الي قلت امبارح للبتاعه بتاعتك
حازم:اه صحيح افتكرت اصل العملا هيجوا انهارده باليل ان شاء الله فقلت اجي اخد شاور وانام شويه
ارتبكت ملك جدا من المعلومات الجديده وفعلا دخل حازم ياخد شاور كانت ملك عندها فضول رهيب وعايزه تشوف خطة حازم ولكن فضلت فاكره الايه القرانيه ولا تجسسوا.ووكانت بتتمشي في الاوضه رايحة جايه وقطع حيرتها صوت حازم وهو بيقول ملك لو سمحت ردي علي ادهم
ملك :الوو
ادهم: الو يا مان
ملك :لا انا مش المان انا ملك حازم بياخد شاور
ادهم :طيب اساليه عن الخطه المقترحه عايز بس اعرف النسبه والايرادات
طبعا ده جه لملك علي طبق من فضه وسالت حازم وبلغته بالي قاله ادهم
وقالها حازم طيب معلش يا ملك هتعبك معايا افتحي الدوسيه الي برا واقريله النسبه
كانت ملك بتقوله حاضر لكن وهي بترقص وتتنطط من الفرحه
يا تري هتعمل ايه في حازم هنعرفه المره الجايه
