الحلقه التاسعه والعاشره
حلقتين اهو عشان متزعلوش بس سامحوني لو مقدرتش انزل حلقه بكره لاني مش عارفه ظرؤفي ويا رب.الحلقه تعجبكم ومتنسونيش من صالح دعواتكم
بدات ملك بتمضية معظم اوقات شغلها في الشركه وبعد الشركه بتغيب بالساعه وحازم كان هيتجنن ويعرف هي بتروح فين لكن ملك مكنتش بتديله فرص يعرف عنها حاجه او يتحكم في.حياتها حتي بنسبه واحد في الميه
كانت ملك قاعده في مكتبها ودق الباب
ملك:اتفضل
ادهم :اسف لو عطلتك بس كنت عايز اطلعك علي الكشوف وكل التجهيزات الي طلبتيها
ملك :لا لا مفيش اي عطل بالنسبه ليا انا كنت هطلب اتكلم معاك اصلا
ادهم :طيب يبقي اقعد بقي
ملك :طبعا اتفضل ومسكت ملك الاوراق في ايديها وبدات توقع عليها وبصت لادهم وقالتله علي فكره يا مستر ادهم انا معنديش اعتراض ان حازم يكون معانا في السفر بس حضرتك تحرص في الطيران او غرف الفندق اننا نكون متابعدين اظن مفهوم
ادهم : والله المفروض يا استاذه ملك تكونؤا في اوضه واحده
ملك :نعم يا استاذ
ادهم:لا مش قصدي حاجه بس هو جوزك والمفرؤض قاطعته ملك بحده وقبل ما يكمل كلامه وقالتله
ده حياتي تلشخصيه وحضرتك ملكش اي حق تقررلي ايه المفروض وايه الي مش مفروض ثانيا احنا في شغل ولازم نحترم بعض كويس ومنتدخلش في حياه بعض
احمر وش ادهم من الكسفه و طريقة ملك الحاده معاه وخرج بعد ما سمع الكلمتين وهو ساكت خاالص
حازم :ايه يا عم ادهم انت مش قلتلي اول ما تخرج من عند ملك تقولي عملت معاها اية وعرفت تقنعها ولا لا
ادهم:اقنع مين ده هزاتني بمجرد ما جبت سيرة جوازكم
حازم:انت بتتكلم بجد يعني موفقتش بسفري
ادهم:لا ؤافقت بس تبقي في كل مكان بعيد عنها في الظياره وفي الفندق
سكت حازم وبص في الارض وكان حاسس بغيظ اكبر
ادهم:شايف يا حازم الدنيا دواره ازي لغايه اياك انت الي كنت بتتهرب من ملك ومكنتش عايز اي حد يعرف وانهارده بتتمني تقرب منها حتي
حازم :انا ماشي علشان اجهز نفسي لسفر بكره سلاام
وخرج حازم ولقي ملك واقفه قدام الشركه
حازم :انتي مروحه دلوقتي ولا كالعاده خارجه من غير ما اعرف رايحه فين
ملك :لا مروحه ملييش مزاج اخرج
حازم :طيب تعالي اوصلك
ملك :لا شكرا هستني تاكسي
حازم : اعتبريني تاكسي ومستعد اخد الاجره
ملك :ان كان كده موافقه وركبت ملك مع حازم وهدوء تام مسيطر عليهم وحاول حازم يبدا كلامه
حازم :انتي.مقولتليش بتروحي فين كل يوم
ملك :ملكش دعوة بيا وملكش دعوه بعمل ايه ويا ريت كسواق تاكسي تسوق بهدوء
حازم :طيب خلاص خلاص اهدي بلاش اسال في حاجه تخصك ممكن اسال في حاجه تخصني انا ..ليه وافقتي علي سفري بعد ما كنتي رافضه
ضحكت ملك بصوت عالي.علي سؤال حازم واكن تمالكت نفسها وبدات ترد بجديه
ملك :اكيد هقولك الاجابه بس اكيد هتتقابلها
حازم :عدل حازم هدومه ؤبصلها بصة غرور وافتكر انها هتقوله كلام رومانسي زي اني مقدرش استغني عنك او مقدرش اسيبك لحظه
لكن اتفاجئ برد تاني خالص
ملك :بصراحه يا حازم عملت كده عشان متظهرش قدامي عيل للمره التانيه
حازم :نعم ايه الي بتقوليه ده عيل ليه
ملك :انا عملت كده عشان تقدر تكسب فلوس وتدهالي ساعت الطلاق انت نسيت ان الحجات الكتير ده هي الي بتفرق مع البنات وبما انك طلعت عيل للمره اااولي وانت عارف السبب محبتش تطلع عيل معايا للمره التانيه عشان شكلك ميبقاش وحش
وقف حازم العربيه فاجاءه وحلقت عينه وسعت جدا وفضل باصص لملك وافتكر مكالمته لادهم صاحبه لما قاله يا بني ابنات دول ماديين ؤمش هيفرق معاها الا الشبكه والمهر والقايمه والحجات الكتيره ده وحس ان ملك بتردله كل قلم وكل كلمه ولكن علي خفيف
قطعت سرحانه ملك وهي بتقوله هتفضل واقف كتير ورايا سفر بكره وعايزه اجهز نفسي
وفعلا شغل حازم العربيه واتحرك تاني ولكن وهو حاسس بنار كل ما بتروح بتزيد وبتحرقه اكتر
