الحلقه 11 -12
بدات حيرة وائل تزداد اكتر واكتر وبدا يناجى نفسه بصوت عالى مش ممكن اقابل ملك بعد كل السنين ده ياااااااه السنين الى فاتت ده كانها كانت امبارح احم احم ايه يا عم وائل اجمد كده مينفعش الابتسامه والضحكه الى فى وشك ده تفضل كتير وبدا يلعب فى وشه وكانه بيدارى الضحكه والابتسامه وبيعمل فى وشه تكشيره
وقفت قدامه ملك وفضلت تضحك ههههههههههه
ملك :ايه يا وائل الى بتعمله فى وشك ده انت ناوى تبدل حاجه مكان حاجه ولا ايه
وائل :احم احم انتى واقفه هنا من امتى ؟ وسمعتى ايه ؟
ملك : سمعت ايه فى ايه انا لسه جايه دلوقتى
وائل :اتنهد وكانه بيقول الحمد لله ربنا ستر
ملك : طب يلا يا استاذ بقى على الشغل وارحم وشك ده من اللعب
وائل : هنعمل ايه دلوقتى يا ملك
ملك: اولا حضرتك استلم شغل المساعد لانك من دلوقتى المساعد بتاعى وانا مش حابه خالص كلمة مساعد ممكن اقول انك هتكملنى فى الشغل احنا زمايل يا وائل اينعم فى الجامعه متكلمناش مع بعض الا بسيط بس حابه اننا نشتغل عشان نطلع احسن شغل عندنا مش عشان الشركه او غيره عشان احنا لازم نشتغل بالطريق هده
وائل : صدقينى يا ملك من غير ما تقولى حاجه انا كنت فعلا هعمل كده انا مش بتعامل معاكى انك المدير او الى ماسكه الحمله انا بتعامل معاكى كملك فاهمنى يا ملك
بصت ملك لوائل وحست انها بتشوفه لاول مره
ملك : طب يلا بقي يا استاذ عايزين نعمل اختبارات الاداء علشان نبدا نصفى الناس ونختار الانسب وبعدين ننتقل للبلد الى بعدها
وائل :طيب انتى ليه مستعجله كده فى خطتك احنا قدامنا ست شهور ليه عايزاهم يبقوا خمسه
ملك : لانى محتاجة الشهر ده لازم انزل مصر فيه
وائل : حاضر يا افندم الى تؤمرى بيه
وقاطعهم حازم ايه يا جماعه انتوا هتتغلوا وحديكم ولا لسه عايشين فى زكريات الجامعه والهيافه بتاعتكم
ملك : والله يا مستر حازم انت جيت فى وقتك بالضبط اتفضل ده مخطط العمل بتاعنا اتفضله واعملنا باور بوينت علشان نعرض خطة العمل على باقى الفريق يا ريت الشغل يوصلنى انهارده
وسابتهم ملك ومشيت ومشي وراها حازم ووقف وائل وهو بيقول لنفسه البت ده اتجنت خالص انا بتقولى وائل وبتقول لجوزها يا مستر حازم ونظرات التعجب والاستغراب كانت ظاهره على وشه
بدات ملك بتجارب الاداء وكانت بتشتغل بدات ملك بتجارب الاداء وكانت بتشتغل بكل قوة وحيويه وحتى ديكور التصوير كانت بتشرف عليه بنفسها وكانت حاطه نفسها فى موضع المسئوليه اتجاة كل شئ حتى لبس الناس العشوائي كانت بتشرف عليه
طبعا مكنتش ملك بتقدر تعمل كل ده الا بدعم كامل من وائل كان بيدعمها فى كل خطوة وبيساعدها كان فى علاقتين عكس بعض بيتطوروا تطور غريب
كان حازم وهو شايف ملك قدامه وازى هو كان شايفاها البنت الضعيفه الى مش هتعرف تعمل حاجه وانها كانت هتفضل دايما تحت سيطرته لانه الاقوى
اتحولت قدامه لشخصيه قويه يصعب جدااا حد يكسرها او حتى يقدر يقرب منها كان حاسس رغم قرب المسافه الا انه بعيد جدا عنها
وقرر حازم انه يقرب لملك وميسبش مشاعره تضيع قدامه
ولكن ملك كانت فى دنيا تانيه خالص كانت بس بتفكر ازى يخرج الشغل فى احسن صورة وكان مساعدها فى ده احساس الامان الى محستوش الا بوجود ومساعدة وائل
وفى نهايات ايام العمل
ملك : تمام كده يا جماعه الشغل تمام بشكركم جدا وبدات تتقدم على المتسابقين وتسلم عليهم وتحييهم على شغلهم وجدياتهم معاها وطبعا مع اختلاف الثقافات واحد من المتسابقين ميل على ملك وكان عايز يوبسها ولكن مكنش يقصد معاكسه هى ثقافته بتقول كده وتفتهمت ملك بهدوء وحاولت تعالج الموقف من غير ما تكبر الموضوع ولكن المشهد بالكامل كان وائل شايفه ومتحملش يشوف الشخص قدامة وطلع يجري عليه وفضل يضرب فيه من غير وعى وطبعا السائح ده مسكتش ويعتبر قامت خناقه كبيره بينهم فى مكان العمل
وجه باقى الفريق وقدر يفك الخناق هده واخدت ملك وائل على جنب
ملك : ايه يا وائل الى انت عملته ده بجد ميصحش كده
وائل : انتى هتستهبلى ده كان عاوز يبوسك
ملك : انت هتحاسبه على النيه ولا ايه انا بعرف كويس ازى اصد اى شخص واوقفه عند حده وبعدين يا وائل هنا ثقافتهم مختلفه
وائل : لا دهب يستهبل هو مش شايف الحجاب والواسع فى الواسع الى لبساه ده كان بيعاكس بقولك
ملك : هههههههههه خلاص يا سيدى انت عملت الواجب واكتر وخرشمت الراجل خالص مبقاش بيانله معالم خالص اقعد بقى عشان نعمل كمادات فى وشك ده
كانت ملك باصه لوائل وهو حاطط الكمادات على عينه ومش قادره تتمالك نفسها من الضحك على الموقف وفعلا بصلها وائل وفضلوا يضحكوا هما الاتنين على الموقف
واذن المغرب وقام وائل للصلاه واستاذن من ملك انه يقوم
ملك : طبعا اتفضل يا وائل لكن ادينى الجاكت ده انا اخيطلك الحتت الى اتقطعت ده لان مش هينفع تدخل الجامع كده
وائل : احم احم والله ده حاجه تفرحنى جدااا انك خايفه على شياكتى
وكان بيتكلم بثقه وبيشد فى لياقه القميص وفضلت ملك تضحك على حركاته
ملك : لاطبعا شياكة ايه الى انا خايفه عليها انا بس خايفه على الاسلام احنا هنا فى دول اوربيه واى شخص مسلم بيكون مرصود وحركاته تحت المنظار ولو شافوك كده صدقنى هياخدوا فكره ان المسلمين مبهدلين فى نفسهم وبيحبوا يمشوا مقطعين
وائل : لا لو كان كده يبقى اتفضلى حضرتك انا هروح الحق الصلاه فى الجماعه
انهت ملك موقع الشغل بعد دقايق وطلعت على الفندق بعد دقايق معدوده دخلت ملك اخدت شاور وخرجت من الحمام بملابس نوم هاديه ورقيقه وشعرها كان مبلول ميه ومنسدل على جسمها كان شكلها فى غايه الرقه والجمال
وخبط الباب ومكملش دقيقه ولقت باب الاوضه بيفتح طلعت تجرى ملك على الباب وفوجئت بوجود حازم
ملك : حازم ؟؟؟؟؟؟ انت بتعمل ايه هنا وازى قدرت تجيب مفتاح الغرفه بالسهول هده وازى تدخل عليا بالطريقه الهمجيه ده
حازم : طيب اهدى شويه بس بعمل ايه هنا اكيد هتعرفيها بس بعدين وجبت مفتاح الغرفه بعقد جوازنا ولا انتى نسيتى انى جوزك وليا الحق اكون معاكى فى نفس الاوضه
ملك : بلاش كلام فارغ ده حتت ورقه تبلها وتشرب ميتها فاهم
ورجعت ملك بسرعه على الدولاب علشان تدور على روب تلبسه
ولكن شدها حازم من ايديها قبل وصولها الدولاب
حازم : رايحه فين يا ملك وسايبانى انا عايز اتكلم معاكى فى موضوع
ملك : سيب ايدى يا حازم ومفيش مواضيع بينا ولو عايز تناقش اى حاجه اتفضل انزل تحت ونتكلم فى اى مكان عام
حازم : وعام ليه والخاص جميل زيك وشد ملك وقربها منه ولكن ملك زاحته
ملك : انت شكلك شارب حاجه اتفضل اطلع بره بدل ما اطلبلك الامن
حازم : هتقوللهم ايه جوزى طالبى من حقوقى
ملك : نعم حقوق ايه الي بتتكلم عليها انت باين نسيت نفسك انت عارف ايه الى بيننا كويس اوووووووى
حازم : ما انا عايز اطور الى بيننا ده بس ادينى فرصه وقربها عليه مره تانيه
ملك : ابعد ايدك عنى يا حازم وياريت تحترم اتفقنا الى انت عملته
حازم : انا لسه عند اتفقنا بس مفيش مانع نطلق واحنا متمتعين ببعض شويه الى الى يزعلك فى كده
ملك : انت اكيد اتجننت يا حازم انت فاكرنى ايه حاجه بتبيع وتشترى فيها سيب ايدى واتفضل اخرج بره ولكن المره ده مردش عليها حازم الا انه شدها وقربها ليه اكتر ولما حاولت تبعد عنه ضربها ووقعها على السرير وبدات صرخات ملك المكتومه وهى بتطلب المساعده
سمع وائل صوتها وهى بتطلب المساعده وكان واقف بره غرفتها عاجز ازى يقدر يدخل وده جوزها ولكن سمع حازم وهو مصر وبيضربها جامد وبعد اخر ضربه سكت صوت ملك عن طلب المساعده وهنا قرر وائل يدخل يساعدها
دخل وائل اوضه ملك ومكنش متوقع ان حازم ممكن يتعامل معاها بالوحشيه والهمجيه ده وشد حازم عليه وقاله انت حيوان اليه الى بتعمل ده ده غايبه عن الوعى الى بتعمله ده مش حلال
حازم : ملكش دعوة انت بالموضوع ويا ريت متتدخلش بيننا
مقدرش وائل الا انه يرد عليه بالضرب وطبعا مقدر حازم يقاوم الضرب ده او يردهوله لانه كان شارب وقواه كانت ضعيفه وهرب حازم من الغرفه زى الجبان
بص وائل الناحيه التانيه علشان ميشوفش ملك فى الوضع ده واتلفت فى الاوضه وشد ملاية السرير وغطى بيها جسم ملك وجاب ميه وبرفان وبدا يفوق فى ملك
وانا تعبت من الكتابه وكفايه كده انهارده نكمل الباقى بكره بحبكم فى الله يا رب تكون حلقه انهارده عجبتكم واكون عند حسن ظنكم
