فوضی الحواس

ما بعد النهاية.

السلام عليكم،
اول شيء بسم الله ، قبل لا ابدا بمشاعرنا خلوني اعرفكم اكثر على فوضى الحواس :

انتهت الروايه مع 26 بارت + وانتهت ب 180.000 ألف كلمه تقريباً.

بدأ اول بارت ب2000 كلمه وانتهت بآخر بارت اكثر من 18000 كلمه الفرق واضح؟ 😭

أول يوم بدأت فيه فوضى هو 2016-أبريل-2 ، الساعه سبعة وربع، آخر بارت نزل من فوضى في 2016-ديسمبر-12 الساعه سبعة وربع! 🙁 كيف كذا جو نفس الوقت 😶

الوقت الي تتطلبه نزول فوضى كامله هو تسعة أشهر!! -ولاده مو روايه😂😭-

بدأت بأقل من مئة مشاهده + خمسين تعليق او اقل اتوقع، وهذا كان كفيل يخليني اكملها.

الحين ببدا اتكلم شوي عنها، بالبدايه كانت فوضى مجرد خرابيط اكتبها بمذكرات جوالي وابداً ما كنت حاطه ببالي اني بنشرها، وصلت فيها البارت السابع وكنت افكر انشرها بالانستقرام لاني كنت انزل فيه قبل روايات، بس بعد ما عرفت الواتباد قلت اجرب حظي فيه ، بدايةً كان تعريف بالشخصيات وجد جد كان مهمل جداً ومحد قراه، لاني كنت كاتبه روايه قبل فوضى وكانت مهمله كذا لذا ما ترددت لانه التعريف محد يدري عنه، لذا نزلت اول بارت وكان قصير مثل ما قتلكم، وربي اتذكر اني نزلته وانا بالجامعه، كنت بالحديقه على كرسي ، اول ما نزلته جاني اكثر من تنبيه مثل ما قلت الروايه الي قبل فوضى كان ما فيها اي تفاعل لذا كان ناااادر اشوف تنبيهات، ابتسمت ابتسامه عمري ما انساها وانا اشوف بنتين يعلقون بالبارت + مستحيييل انسى هذول البنتين مستحييل هم خذوا موقعهم بقلبي وماراح انساهم ابداً، وحده منهم اتوقع على البارت العاشر وقفت عن متابعة فوضى ورغم انه متابعين الروايه زاادوا بس تضايقت لانها كانت مميزه جداً هي الاساس للحينها موجوده بالواتباد يارب تقرا كلامي هذا عنها وتعرف نفسها😢 اما الثانيه صارت النونو الخاصه فيني وصديقتي الجميله الي اكلمها من فتره لفتره، احبك نونو😭💘

ثاني شيء مستحيل انساه لمن وصلت قراءات الروايه ككل ألف، كان أحلى ألف اشوفه بحياتي، دمعت عيوني وانا اتذكر كيف كانت فرحتي فيه، اذكر اني شفته كان تسعميه وشيء بعدين سكرت جوالي ونمت وانا اتمنى اقعد والقاه الف، وقعدت وكان الف افف يزين هذيك الفرحه،
الوقت الي استوعبت فيه ان فوضى بدت تكبر جد هو لمن وصلت عشرة آلاف، بهذاك الوقت زادت ثقتي بالي اكتبه وحبيتها اكثر.

لمن وصلت البارت 16 "حافّة الموت" كانت اول ألف كومنت تجيني بحياتي، ومن بعدها بارتين او ثلاثه جوني بعد ألف كومنت وكنت سعيده جداً، بس بعدها انا والنونو خاصتي بدينا نركز على هذا الي نسويه، الغلط الكبير كوننا نكتب روايات عن الشواد، هي حذفت روايتها وانا حاولت اعدل فيها، انا قتلكم بنظف البارتات القديمه واخلي الروايه جاهزه تقرونها او تعطونها لاي احد، بس صراحه ما قدرت ما عندي وقت ابداً اسوي هذا الشيء، وبعدين حتى لو نظفتها بالنهاية لازم احذفها، فقررت اخلصها لكم بعدها احذفها براحة بال.