Ikaw ba'y may hinahanap o hinihintay?
Na siyang magbibigay liwanag at kulay sa iyong buhay,
Hindi kailangang maghanap
Dahil sa tamang oras darating ang iyong pangarap.
Oo, matagal at nakakainip
Ngunit pag ito'y dumating ay parang panaginip
Oo, para kang pinaglalaruan
Ngunit kung ito'y tunay ito'y iyong mararamdaman.
Tadhana nga'y mapaglaro
Oras at sakripisyo ang ialay mo
Para lang yang trabaho
Na kapag minahal mo ika'y tutubo ng husto.
Kung tunay na pag-ibig ang iyong hanap
Na kukumpleto at bubuo sa iyong pangarap
Hindi mo na kailangang maghanap
Tadhana na ang bahala, galak ang iyong matatanggap.
