ليلي والجني
في يوم من الايام كانت (ليلي) طالعه مع عمتها للمول تاخذ في دبش عشان عيد الاضحي قريب شوي بعد ما شرن دبش قعدن شوية في الكافي اللي في المول وتمن يهدرزن شوي عمتها رن نقالها صبت من جنب ليلي ..ليلي تفرج علي الاطفال اللي يلعبوو وفجأة بحت علي الطاولة اللي مقابلتها لقت شاب طررررف😍 بكل وأنيق وعيوني ليلي تمو هك 😍 وهو ما نزلش عينه من عليها بكل وهي مسكينه جفاف بكل وماعمرهش مرت بعلاقة عاطفيه بكل وتمت تبتسم ومره تبحت فالاطفال وشوي تبحت فيه صبي هو من مكانه وجا شورها وحط كرت فيه رقمه قدامها وقاللها ارجوك خوذيه ظروري نبيك فالحلال وعدي ..تلخبطت ليلي ووجها راح فيها وخذت شنطتها وحطتها فوق الرقم من الارتباك جت عمتها وقعمزن شربن عصير وروحو للحوش وخذت الرقم معاها وطبعا ليلي متربيه عند عمتها وباتها وامها متوفيين في حادث وماعندهش خوت وهي وحيدة وعمتها مش متزوجة المهم ..
جا الليل وليلي محتاره ترن علي الشاب ولا لا وبصراحه هي طاحت فيه من جماله وماسكه الرقم وتبحت فيه وقالت ..لا خليني نثقل شوية ونرن عليه بكرا...
حطت راسها ع المخده وبعد 10 دقايق رن نقالها بحتت فالشاشه لقاته نفس الرقم اللي في الكرت ...أنصدمت وتمت تخبط علي وجها (حي عليا حي هذا كيف جاب رقمي)
مابتش ترد دزلها رساله قاللها (حلو الاسود عليكي يا حبيبتي) وفعلا هي كانت لابسه اسود
قربت تنجن ليلي وخافت وتمت تسكر في روشن الدار وحست في شي غريب يصير وان الشاب هذا شكله يراقيب فيها المهم تمت مقمزه ع السرير وترعش من الخوف ررررن النقال مره اخري مابتش ترد ...ويدها ترعش من الخوف وعمتها فالدار اللي جنبها في سابع نووومه
طلعت ليلي للمطبخ تبرم مش عارفه توعي عمتها ولالا وتبرم طول الوقت فالحوش كله خااايفه جتها رساله بعد ساعه من اخر رنه مكتوب فيها (خوذي الورد اللي قدام الباب وحطيه في دارك ياروحي) رنت عليه تبي تهزبه رد عليها بصوت هااادي قاللها (والله أنحبك وماتخافيش مني يا مراتي)
قالتله (شن تبي مني وانت من وين تعرف حوشنا عشان تجيب ورد) قاللها انا نعرف كل شي عليك ومع هذا كله مستحيل نسيبك وانا انحبك يا ليلي) ضحكت قالتله تعرف اسمي اخري
قاللها باهي خوذي الورد بس وبعدها رني عليا
صبت قدام الباب وبحتت من العين السحريه لقت ورد أحمر تمت متردده تفتح الباب ولا لا وخايفه عمتها توعي...المهم بعد طول تفكير فتحت الباب بشويه وطبست علي الباقه تبي تاخذها ويد مسكتها من ورااهاا بحتت لقاته هو حط يده علي فمها وقاللها ردي بالك تنطقي بحرف خشي قدام ع الدار ونبي نفهمك شي ..تمت تبكي من الخوف والورد تقطع في يديها من الخوف دخلها الدار ودخل وراها للدار وسكر الباب ....
