Dati-rati'y di ka pinapansin
Pagkat ako sayo'y walang pagtingin
Pero kahit ano aking gawin
Di ka pa rin lumalayo sa akin.
Noon lagi kitang sinisigawan
At ako'y talagang walang pakundangan
Di ko man lang inisip ang iyong mararamdaman
Pagkat ako'y totoong isang hangal.
Totoong ako'y naging hangal
Pinalagpas ko labis mong pagmamahal
Iniwan kitang nag-iisa
Puno ng pighati't walang kasama
Ngayon ako'y nananalangin
Na sana ika'y bumalik sa akin
Dahil ako ngayo'y labis na nagsisisi
At sana di pa huli ang lahat sa atin.
Asan ka na kaya?
Ako kaya'y mapatawad mo pa?
Ang nais ko lamang ay makapiling ka
Dahil ngayo'y mahal na kita.
